تويت
المشاركة الأصلية بواسطة أبو فارس ®
الساعه الواحده والنصف اجاني مسج مكتوب فيه صاحي ولا نايم قلت اللهم اجعله خير يا رب مين هذا اتصلت بالرقم قال ما حبيت ازعجك قلت اذا صاحي برن واذا نايم خلص بنشوفه بالرجعه قلتله مين معي قال سنحك على طول عرفت انه المسنوح ابو فارس قلتله وينك قعد يوصفلي طرق ومناطق ما انزل الله بها من سلطان المهم ضلينا احنا واياه على اتصال ونقوله روح شمال روح يمين اذا وصلت على المنطقه الفلانيه اتصل المهم اكثر من ساعه ونص وهو بلف وبدور لا هو عارف يقول وين هو علشان اروحله ولا عارف هو يجي المهم بعد شويه اتصلت فيه بقلك وين قال انا عند بنده قلتله في اكثر من فرع عنا اعطيني معلومه ثانيه قال في كوخ قوه مكتوب عليه دهليز كافيه قلتله بس خليك عنده رحت انا وضرار وعبود نجيب المسنوح لاقينا شكله زي اللي طالع من القبر بكفاله المهم اخذنا عنا على البيت كانت الساعه يمكن 3 الفجر شربنا مش عارف قهوه ولا نسكافيه وشو بدنا نسوي بدنا نعشيه سلامة خيره والجوع قاتله جبناله معجنات المهم اتعشى الزلمه وريح حاله شويه وبدنا ندردش عن النادي وعن المنتدى ونباحث في امورهم وشو بدنا نعمل وشو بدنا نسوي وحكينا بالذكريات شويه وعبود ابني كيف عليه خصوصا لما خطط اسمه على ورقه ولا يزال عبود يحتفظ بها المهم شفنا الزلمه تعبان قلناله قوم نام هلا وبكره ان شاء الله بنحكي قال لا والله بدي اصحى بدري لاني بدي اطلع على الرياض عندي اجتماع ضروري واسال ماجد فارس اتصلنا بماجد ابو عمرو الغالي قال اه والله عند شغل قلنا يا جماعه ما بصير هالحكى بتغدى وبنصرف بعدين المهم ما رضي قلنا هلا قوم نام والصبح بنحكي المهم قال ابو عمار الله يبارك فيك صحيني بدري على التاسعه علشان الحق اروح الرياض
المهم نام هو وعمار في غرفه الضيوف واصحيت الساعه الثامنه او السابعه والنصف ورحت اشوف ابو فارس والا الشخير معبي الدنيا
خليته نايم لحتى التاسعه اشربت انا اكثر من 3 فناجين نسكافيه صحيته غسل وجهه وشرب القهوه وقال بدي امشي والله خليته يمشي على مضض وانا بطبعي ما بحب اشد على حدا لانه كل واحد بعرف ظروفه كويس اه نسيت اقول انه فبل ما قوم للنوم روحنا صلينا الفجر في المسجد وهو لابس شورت
برضه حكينا شويه عن امور المنتدى والوحدات وتسهل اخونا ابو فارس من عنا بحفظ الله ورعايته بدون غدى وفضحتنا مع اخته ام عمار لانه ما تغدى الله يسامحه وان شاء الله يكون هو سامحنا على القصور
سنحك مع العنف الثوري شو هالسؤال وهالطلب اللي قلب راسي يا زلمه عن جد سنحك
تعليق