الرجاء المساعده

[Ahmed sawafta]

والله ياخوي انا بكرة بدي اروح برضوا وبدور على واحد يوخدني ... انا بعرف الجامعة ... اذا بدك بنلتقي وبنروح مواصلات او بندبرها

على طريق المطار بس كلو تحويلات الله يسهل الامر

ياصات زيزيا والتي تنطلق من مجمع الجنوب في منطقة ام الحيران بتنزلكم على الشارع الرئيسي للمطار بالقرب من جامعة الأسراء

بتطلع من الزرقاء بباصات الزرقاء رغدان بعدين بتركب باصات كلية حطين وبتنزل على اشارة الكلية ومن هناك بتركب باصات الجيزة او زيزيا وبتقله ينزلك على جامعة الاسراء وهاي احسن طريقة للذهاب

او اسمع اركب باصات الزقاء مادبا وبتنزل على جسر مادبا وبعديها بتصير الجامعه قريبه عليك

طريقة اخرى بتطلع باصات الزرقاء العبدلي.........واركب بباصات العبدلي المطار وبتنزل على باب الجامعه.

لكن مشكلة هذه الطريقة الايجار من العبدلي للمطار غالي 3 دنانير........ويعملوا خصومات فقط لموظفي المطار....

فباعتقادي طريق كلية حطين ارخص وافضل لنا كجماهير وحداتية عارفين وضع بعضنا البعض الله يفرجها علينا وعلى الجميع.

ملاحظة جانبية لهذا السبب اقول ان ستاذ عمان افضل من استاذ الملك عبدالله الثاني بالقويسمة للوحدات لان معظم جماهير الوحدات تاتي من الزرقاء وجميع الخطوط بالزرقاء شغالة على دوار المدينة فاستاذ عمان افضل لجماهير الزرقاء الوحداتية من استاذ الملك عبدالله الثاني بالقويسمة.

احسن حل يروح على مطار ماركا لانه قريب من الزرقاء ويشوف أول رحلة طيران الى طوكيو وبكون في ترانزيت في كوالالمبور ومنها الى روما ثم الى مطار الملكة علياء الدولي وبعدين قزدرة للجامعة بس في المطار صايرين يشلحو الواحد القشاط والقداحة

مشكورين على المساعده والله ما قصرتو

[محمد ابو عواد]

الله يرحم أمي كانت تخيط شباحات لبنطلوني

[Ahmed sawafta]

شكرا جزيلا للكل تم الاتفاق مع الأخ أبو جرار
يرجى اغلاق الموضوع

[أبو صلاح القصراوي]

شكرا جزيلا للكل تم الاتفاق مع الأخ أبو جرار
يرجى اغلاق الموضوع

حرصك على المتابعة يستحق كل التقدير أخي الحبيب ...