-
-
-
المشاركة الأصلية بواسطة أبو وليد اللورد مشاهدة المشاركة
عذر أقبح من ذنب يا أبو الوليد الحبيب ...تعليق
-
شكلوا الأشارة الأصلية أخذها معاه شلباية على الدارتعليق
-
والله مانا عارف ليش لعيبتنا صارو مبهدلين, يروحوا بتطلعوا على زي لعيبة الفيصلي.
يعني بدي افهم شو رح يكلفهم انهم يجيبوا زي مرتب مثل العالم والناس والله كأنوا كلو نفس القياس يعني حدا يحكيلي معقول قياس منذر ابو عمارة نفس قياس محمد جمال؟؟؟؟؟؟تعليق
-
-
عذر اقبح من ذنب ولو ما حكيت احسن لانه احنا نادي يلعب بنظام المحترفين فهل يعقل ان تكون معنا اشارة واحد فقطالمشاركة الأصلية بواسطة أبو وليد اللورد مشاهدة المشاركةتعليق
-
بتخاف يعملو طلب شراء تطلع ب 500 دينار حق الشارهتعليق
-
ذكرني هذا الموضوع بعدة مواضيع مماثلة فتخيلوا حين استضاف نادي الوصل الاماراتي نادي الوحدات ببطولته الودية ,,, قبل مباراة الآهلي الاماراتي مع الوحدات بالتحديد لم يجد كابتن الوحدات حينها رأفت علي ما يتبادل به الآعلام التذكارية مع كانافاروا كابتن نادي الاهلي فأعطيته حينها " شال المارد الاخضر أي شال الوحدات نت " ,,,, و كان الشال وقتها يلف رقبة ابني محمود ,,,
مباراة ودية عربية للذكرى لم يتذكر الفريق حينها علم تذكاري !!!!تعليق
-
اذا الاشاره عند شلبايه لليش حضرته ما شرف على المباراه مش لاعب محترف وبيوخذ راتبتعليق
-
خليه يحط جبص بالمره والا باك سلاب بدل المشد اقوى وامتن ههههههههههههتعليق
-
والله عيب انا مش عارف هو اشي بيضحك وللا بخزيتعليق
-
ولو أن الاشارة و العلم التذكاري ومثل هذه الأشياء تبدو بسيطة ولا تحتاج مثل هذه الضجة إلا أن تكرار مثل هذه الهفوات يؤكد أن نادينا يعمل على البركة ولا احترافية في عمل المشرف على الفريق ،،، نتمنى أن يتنبه مدير الفريق دوما لمثل هذه الأمور ولا أرى غرابة في أن يكتب كافة احتياجات الفريق على ورقة بحيث يتم تفقدها قبل كل مباراة مع ضرورة أن يأخذ احتياطاته في حال فقد أي من هذه الأشياء ،،،
أشكر الأخوة محمد الجمزاوي والأخ ابو محمود على اثارة مثل هذه الأمور التي نتمنى متابعتها من قبل المعنيين في النادي ،،،تعليق
-
يا عيب العيبتعليق
-
والله بصراحة انا ملاحظ انو الشارة بتمثل عبء مش طبيعي على اللي بيلبسها واعطيكم مثال :
- شلباية يوم ما يلبسها بيصير مش عارف يركض وما بيضغط عالمنافس وبيصير يتأمر على باقي اللاعبين وزي كأنه هو المدرب ومش محسوب من ال 11 لاعب وبطل يحط جوال زي العالم وبيضيع طابات بالهبل
- عامر ذيب يوم الفيصلي لبس الشارة ومن اول ما لبسها اختفى بالمباراة وزي كأنها طاقية الاخفاء وصار يضيع طابات بالهبل وخصوصا اخر طابة اللي قدام العمايرة ( لسه بدو يفكر شو يعمل ) !!!
- واخر اشي امبارح حسن وطبعا مش ضروري احكي شو صار لانه الكل شاف شو صار امبارح والمفروض جاب لحاله 27 جول بالعدد ( لأني عديتهم )
بس الوحيد اللي لبسها بالزمن الحالي وكان قدها هو البيــــــــــــــــكاســــــــــــــــو رأفت علي
فأنا بحكي انو يا برجع رأفت علي للوحدات ويلبسها هو
او يعطوا الشارة للاعب من هذول اللعيبة:
1 - الحارس ( مين ما كان يكون) .
2- المدافع ( كلهم الا باسم فتحي وابو حلاوة ) ... (لأنو مش ناقصنا غرور فوق غرور يا باسم )
3- كابتن المنتخب الاحتياطي ... بشار بني ياسين ... لأني حسيت انو لما يلبسها بالمنتخب بيحرق حاله وزي كأنه بيلعب عن دارهم وما بغلط ولا غلطة وهذا الحكي احنا بحاجته من بشار .
وشوفو الاندية العالمية مين كباتنها
ريال مدريد .......... الحارس ( كاسياس )
؟؟؟؟؟؟؟؟ ............. المدافع ( بويول )
تشلسي .......... المدافع ( جون تيري )
الانتر .......... المدافع ( زانيتي )
الميلان .......... المدافع ( جاتوزو ) + المدافع ( نيستا )
مانشستر يونايتد .......... الحارس ( فان دير سار ) + المدافع ( فيرديناند )
... الخ
لازم نوخذ العبرة من هاي الفرق لأنو المدافع والحارس اكثر اللاعبين ال 11 اللي بيشوفو طريقة لعب باقي اللاعبين واخذ الملاحظات عليهم وتوجيههم
او يلغوا شارة الكابتن كلها بيكون احسن بالنسبة الي هههههههههه
فشو رأي الاعضاء الكرام بهاي الفكرة واذا في اي غلط بكلامي احكولي وانا بقبل النقد
مش تصدقوا ؟؟؟ انا بقبل النقد بمعنى المصاري مش بالمعنى اللي انتو فهمتوه هههههههههههتعليق
تويت
تعليق