يا ناس يا جمهور ارحموا اللاعبين

[احمد الحوساني]

الف الف مبروك للكابتي وانشالله يكون وجه السعد عيلك

[الاخضر عشقي]

لطالمنا كنا خلف الاعبين نشجعهم و نرفع من معنوياتهم الا ان الخط البياني للفريق و الاعبين انهار مرة واحدة دونما سبب فأصبحنا نرى اشباه لاعبين في الملعب....الكرة الان بيد الاعبين و خصوصا الكبار منهم لأعادة مستوياتهم التي نعرفها عنهم و لرسم اليسمة على شفاه الجماهير الكبيرة التي شجعتهم و تشجعهم بحرارة

[العرابي]

منطقي ولكن ...

مع المنتخب ببدعو و بحترفو و بحرقو ارض الملعب اما مع الفريق مثل كانهم اول مرا بلمسو طابه

[alloush80]

المطلوب من اللاعبين ان يلعبوا كما يلعبون للمنتخب وبس

[عصام الحوراني]

بالعادة يتراجع مستوى لاعب أو اثنين ويتم تبديل صاحب المستوى الضعيف أما أن يتراجع مستوى الجميع وخاصة لاعبي المنتخب الوطني جميعهم كانوا خارج الخدمة .. اما المشجع فهو الوحيد الذي يضحي حيث انه يشجع باقصى الظروف الجوية و يٌشتم بعرضة ويٌضرب في بعض الأحيان ولم يبقى علية سوى ان ينزل على الملعب بدل اللاعبين ويلعب

[محمد خالد]

يا ناااااااااااس،،،،،

يا لاعبيييين،،،،،

ارحموا الجماهير،،،،،،،

فقد وصل بها الأمر الى الذل والضرب والاهانة والحبس وتحمل المال والمشقة والبرد لأجلكم، فارحموا جماهيرنا يا لاعبينا،،،

[احمد الحوساني]

منطقي ولكن ...

مع المنتخب ببدعو و بحترفو و بحرقو ارض الملعب اما مع الفريق مثل كانهم اول مرا بلمسو طابه

يا أخي 80% من اهداف الفريق سجلها لاعبون المنتخب بعدين لاعبتنا عندهم انتماء للفريق بوازي انتمائهم للمنتخب بس الكرة فيها حظ كبير ومنتخبنا كان محظوظ كتير بالتصفيات وعند اول مرة تخلى عنوا الحظ شفناه مع العراق

[olabi weehdate]

والله بصراحه, مش كل اللاعبين عندهم انتماء

[ابو راشد*]

تراجع مع النادي
وسطوع مع المنتخب

[أبو أحمد زبدية]

بعض لاعبينا الكبار نماريد ويجب بيعهم فورا اذا لم يرحموا الفريق لن نرحمهم

[البلوي]

يعطو زي مبيعطو للمنتخب

[AHMAD-abuOmar]

لازم يكون في خيار ثالث لانه في اشي منطقي واشي لا






عالعموم لاعبي حمد لا خير يرجى منهم

[عبدالله الحجار]

وين المنطق بالموضوع لاعبين نراهم يلعبون باحترافيه في المنتخب ونحنو نشجعهم ونفرح لهم
نريد فقط ان يلعبو نص لعبهم مع المنتخب
الوحدات يمتلك ثمانيه لاعبين في المنتخب يعني التجانس الي بتحكي عنو موجود
بصراحه مين عمره شاف الوحدات بلعب بمهاجم واحد
عمره الوحدات ما لعب بدوري دفاعي طلو عمره بلعب مهاجم
الا على دور قويض صار يلعب بمهاجم واحد والمشكله مش هان المهاجم غير فعال يعني لو نجيب واحد عمره ما لعب كره قدم راح يغير التكتيك الفريق

[La Rosaleda]

كلامك مش مزبوط كثير على فكرة ..
أولاً اللاعب اللي مع الوحدات بعطيش ولا تمريرة صح .. ومع المنتخب يلعب .. يصنع .. ويسجل .. هاد مو لاعب ..

اللاعب اللي كل ما دق الكوز بالجرة بصير يعيط بدو يحترف .. هاد مو لاعب ..

اللاعب اللي ما بتمر مباراة إلا وبنسمع إنو أكل كروت ملونة .. هاد مو لاعب ..

لعيبتنا يا أستاذي بالمنتخب بحرقو الأرض حرق .. بلعبو بأسلوب مووووووووووووو طبيعي .. يا رجل مباريات المنتخب بتكون تحضر للوحدات ع قد ما فيه لعيبة منا .. يعني بلعبو سوا .. والتجانس بينهم موجود ..

بس .........!!!!!!!!!!!!!!! ..

وين هالتجانس مع النادي ....؟ .. مو موجود .. أعطيني سبب منطقي واحد .. سبب واحد بس ..
إذا إجت ضربة حرة بدقو ببعض مين يشوت .. لعيبتنا بدهم واحد يمسكهم بالملعب ..

بتعرف ليش بنحب رأفت علي .....؟ .. لإنو بالملعب زلمة .. وقائد بالملعب .. بدل قويض اللي قاعد لا إلو ولا عليه .. زلمة كويس ومحترم وعلى عيني وراسي .. بس شخصيتو مش ماسكة الفريق .. أيام دراغان كانت شخصيتو طاااااااااغية ..
إدارتنا من أفشل الإدارات على مستوى البشرية .. بتقدر تفهمني شو الإضافة اللي أعطاها بشار بني ياسين لخط الدفاع ..؟ .. لاعب ختيار وكبير بالعمر .. من لما إجى دمرنا مع دهوك.. و لولا ستر ربك والكرت الأحمر اللي طلع فيه واحد منهم .. كان تبهدلنا ..
يوم ناساف ............؟ .. والله وأنا بالملعب بدي أكد ثوبي وأطلع منو .. لاعب مش عارف شو مالو .. شو بدو .. شو بلعب .. مش فاااااااااااااااااااهم ..
بس بشار .. مع المنتخب ولا هييرو .. ولا نيستا .. بلعب وبهجم وبدافع وحالتو حالة ..
أكمل أمثلة ولا كمان ..............................!!!!!!!!!! !!؟؟؟؟؟؟؟؟؟؟ ..
أنا بقترح التالي .. اللاعب اللي بعطي هون شكل و " هناك " شكل ثاني .. بلاش يلعب .. خليه قاعد برا أحسن .. لإنو بدل ما عامر ذيب مش عارف يلعب وبتهبل بالملعب .. لأ .. بنزل منذر أبو عمارة لاعب مهاري وشاب .. وعندو الحافز ..
الله يردك إلنا يا رأفت .. والله الفريق من بعدك تاه .. لإنو بطل واحد يمسك اللعيبة بالملعب .. لعيبتنا بدهم مدرب برا الملعب ومدرب جوا الملعب ..

[Im DaNy]

مع تشجيع اللاعبين وعدم تحطيم نفسيتهم