لكل من عاتب جمهور الوحدات

[golden_eagle]

بعيداً عن العواطف ..

رافت علي بسوى الفريق كله ..

لانه رجل المواقف الصعبه ..

لو لاحظت الفريق لما خسر بالدرع و التعادلين في الدوري و خروجنا من اسيا ... الوحدات فاقد لشيء مهم و هو التسجيل في الدقائق الاخيرة .. في دقائق الحسم الوحدات خارج التغطيه .. لانه ما عنده مايسترو يوجه الفريق .. كل واحد بصير يلعب على راسه و بفكر انه الحل بقدميه

1000000%

مهما حاولت الجماهر الحديث عن رأفت متناسية السنوات الجميلةالتي افرحنا بها ، سيبقى كبيرا ولمن كانت تتمنى له الفشل فيبداية احترافه مع الكويت الكويتي ( طبعا حرقة والما على الوحدات الحبيب ) ها هو رأفت يثبت يوما بعد يوم علو كعبه
وها هي الادارة تثبت يوما بعد يوم فشلها الذريع ويا خوفي نطلع من المولد بلا حمص هذا العام وحسبي الله ونعم الوكيل في هيك ادارة

[وهج الشموخ]

الهتاف لرأفت مرفوض جملة و تفصيلا لأنه ببساطة لم يعد لاعب وحداتي....و تخيل يا رعاك الله لو ان الوحدات تأهل الى النهائي وواجه الكويت و رأفت مرر تمريرة كهذه او سجل في مرمانا هدف الفوز .ما هو شعورك وقتها؟؟؟؟؟؟؟؟؟؟؟؟؟؟

هههههه يعني كيف ما بدهم يهتفو لرافت وهو الي بينقذنا بهيك مواقف .... يا رجل مشان الله ... ما بدنا نضحك على حالنا ...

اما شو شعورنا ازا رافت لعب ضددنا وسجل هدف او هدفين او عشرة ..... هو بهاي الحالة لاعب دولي وبيلعب باسم فريقو

يا رجل ما بدنا نواسي حالنا ونحكي انو الوحدات مظلوووم ....... الجمهو الي من العشرة موجود
بالملعب وبيهتف لناديك ... خيب املو ماردك الاخضر ولعب بطريقة عمرو ما لعب فيها .... وخسر ... وطلع من البطولة وهو مخزي ...

خلص بكفي نواسي حالنا

[رضوان الرضوان]

الجمهور دائما على حق

لا يا اخي ابو مايا الجمهور مش دائما على حق !!!!!!!!

الهتاف لرأفت علي مرفوض تماما لانه وبكل بساطة نحن نعشق

الوحدات ولا نعشق لاعبين الا وهم يلعبون للوحدات ويكون اخلاصهم للوحدات فقط

والذي ما زالوا يتغنون برأفت ويقولون أنجز وأخلص للوحدات , نقول لهم نعم شكرا

على انجازه واخلاصه بوقتها أما بعد ذلك أصبح انجازه واخلاصه

للغير وليس للوحدات , وهذا يقودنا الى حقيقة مؤكدة

ان اللاعب مهما كانت اهميته بالفريق سيأتي

يوم ويذهب أما الوحدات فهو باقي الى

ان تقوم الساعة لهذا عشقنا

واخلاصنا للوحدااااااااااااات

فقط

[لاجئ فلسطيني]

رأفت وحداتي حتى النخاع....مش زي لعيبة منتخبهم...

[canada]

شلبايه وحسن والذيبين لو بلعبوا كمان ميه سنه ما بعملو مع بعض نص اللي قدمه رافت الفنان والفائد للوحدات
نعم رافت علمهم الانتماء وحب الحدات ياللي صنعت المجد لسنوات وسنوات


لعيبه لا تستحق التشجيع بل تستحق الجلد لانهم كسروا خاطر الملايين في كندا والامريكيتيين

بحبك يا رافت وانشالله ترفع الكاس

[ابو عمار الوحداتي]

رأفت حبيبنا وخلي لاعبينا يتعلموا انهم ما يخذلوا جمهورهم

[محمد الرمحي]

بكفي انتماء رافت للجماهير بعد كل فوز كان اول اشي يحكيه بهدي هاد الفوز للجمهور اعطيني لاعب في الوحدات بحكيها من قلبه هاد اذا حكاها يا عمي اللي سواه رافت عمره ما اجا ولا راح ييجي لاعب ع الوحدات بلعب وانتماء رافت عشان نكون واقعيين رافت صنع امجاد الوحدات باخر 10 سنين وهي نتائج خروج رافت من الوحدات بلشنا بالكاس الاسيوي والحبل ع الجرار
الجماهير من حقها تهتف لرأفت اللي كان يحرق دمه في الملعب ويصرخ ع اي لاعب بغلط وتشوفه يستلم الكرة من الدفاع ويوصلها للهجوم مش زي شلباية بضل واقف يستنى الطابة تيجي "مقشّرة"
جماهير من حقها الفوز حاطيين كل املهم بالفوز وبنتيجة مريحة و10 ساعات وهمة قاعدين في الملعب عشان يلاقوا فريق مش عارف ينظم ولو هجمة وحدة منظمة واللي بحكي رافت كان بمباراة شباب الاردن اللي روحت علينا الدوري بقولله ماشي بس وقتها الوحدات لعب واستحوذ وسجل "طبعا رافت اللي سجل" مش وزي مباراة ناساف ولا شوطة
وبالنسبة لعامر ذيب اللي بحكي انه رافت كان ماخذ مكانه في الفريق عشان هيك مستواه مع الوحدات مش بزيادة ؟؟؟؟
هي رأفت مش في الوحدات احكيلي شو سوى عامر ؟؟؟؟؟

[اياس قصراوي]

يا رب اشوف رأفت الموسم القادم معنا

[ام يحيى]

في الليلة الضلماء يفتقد البدر
رافت مستحيل تلاقي حدا لا مثله ولا نصه
بس بالمباراة غلط كبير انه ينهتف باسمه
وينسوا 11 لاعب على ارض الميدان

[محمد الرمحي]

في الليلة الضلماء يفتقد البدر
رافت مستحيل تلاقي حدا لا مثله ولا نصه
بس بالمباراة غلط كبير انه ينهتف باسمه
وينسوا 11 لاعب على ارض الميدان

ممكن يا اخت ام يحيى تحكيلي شو سووا ال11 لاعب باستثناء "محمد جمال" هو الوحيد اللي لعب زي العالم والناس

[الشيخ أبوالوليد الوحداتي]

رأفت شىء كان وانتهى بالنسبة للوحدات ولي يبيعك بدينار بيعه بشلن ورأفت باعنا وراخ يمسح جوخ للكويتيين ونسي فضل الوحدات إلي عمل منه لاعب غني ولولا الله ثم الوحدات لكان رأفت شحاد ونحن لانكره له الغنى ولكن لانحب من يستغلنا لمصلحته قخليه يعتزل ي الكويت والله معه.

[محمد الرمحي]

رأفت شىء كان وانتهى بالنسبة للوحدات ولي يبيعك بدينار بيعه بشلن ورأفت باعنا وراخ يمسح جوخ للكويتيين ونسي فضل الوحدات إلي عمل منه لاعب غني ولولا الله ثم الوحدات لكان رأفت شحاد ونحن لانكره له الغنى ولكن لانحب من يستغلنا لمصلحته قخليه يعتزل ي الكويت والله معه.

لاعب غني ؟؟؟؟؟؟؟؟؟؟؟؟
لو انه غني كان راح ع الكويت
وانسيت كل اللي عمله رافت ونيجي نوقفله ع اول غلط "اذا اعتبرناه غلط"؟؟؟؟؟؟؟؟
الله يوفقه ويوخد كأس اسيا ورجوعه للوحدات السنة الجاي

[ام يحيى]

ممكن يا اخت ام يحيى تحكيلي شو سووا ال11 لاعب باستثناء "محمد جمال" هو الوحيد اللي لعب زي العالم والناس

يا اخ محمد
والله اني معكم
ماشي
بس الجمهور شو مهمته
مش تشجع الاعبين طول المباراة
استحلفك يالله قبل جول ناساف
شفت جمهور الوحدات المعتاد
انا والله شفتهم بس قبل المباراة على الوحدات نت
وبس

[محمد الرمحي]

يا اخ محمد
والله اني معكم
ماشي
بس الجمهور شو مهمته
مش تشجع الاعبين طول المباراة
استحلفك يالله قبل جول ناساف
شفت جمهور الوحدات المعتاد
انا والله شفتهم بس قبل المباراة على الوحدات نت
وبس

والله قبل المباراة ما هدينا بس لما شفنا لعبهم " انصدمنا " لانه مش لعب الوحدات والواحد حاط ايده ع قلبه ييجي فينا جوول حتى لما سجلنا جوول ما كنا مقتنعين بلعبهم ف من حق الجمهور يذكر اللاعبين انه لو رافت موجود كان ما كان لعبهم بهالشكل

[براء صبرة]

رأفت أفضل لاعب في تاريخ الكرة الاردنية .....
بالتوفيق له مع الفريق الكويتي في تحقيق البطولة الاسيوية ....