الوحدات::ناساف::تقرير صدى الملاعب ::اعتذار قويض و اللاعبين

[الحب الازلي]

قويض اخلاقو عاليه
بس مش كل شي الاخلاق
احنا بدنا بطوله خارجيه

[عبد الرحمن شاهين]

كبير يا طائر الشوك

اما بالنسبه للوحدات

قدر الله وماشاء فعل ..

ولازم نساندهم ولكن يجب الاستغناء عن بعض

الاعبين

يعني احنا بحاجه الى بطوله اسيويه

وكانت الفرصه امامنا لكن الاداره لانها سيئه اتعاقدو مع لاعبين اقل من مستوى الوحدات ولم يقدمو عرض للرافت علي

[almusa2000]

عبدالله ذيب شو بنسبة لتصريحك بتفكر جمهور الوحدات حمير شو اللي قدمتوه بالزبط لا وقال كنا ماسكين اللعب كيف ماسكينو ولك ناساف ضاغط من الشوط الاول وولا هجمة للوحدات صح

[رمزي الياموني]

حجج فارغة للاسف

[samer aqaba]

اللعيبة شكلها بدها حوافز كبيرة لتلعب زي حوافز المنتخب مثلا والله خسارة كبيرة للنادي لعيبته صارت بدور مصاري

[محمد الرمحي]

فريقنا ما لعب بشلن الله لا يسامحهم روحوا تعبناع الفاضي

[مراد الشملتي]

عن اي اداء وعن اي مباراة بتحكي ياعبدالله ماشفنا منك غيى الهدف
وشو الفايده يا ابو شاكر من اعترافك
اصغر مشجع كان بالملعب امبارح بحملك الجزء الاكبر من المسؤولية
وياحسن اكيد مش راح نرضى طول مابتقدموا افضل المباريات بالمنتخب
وبأهم مباراة بتاريخ الوحدات لم تقدموا شيء

[ابن طولكرم]

هههههههه قدمنا مباراه كويسه هههههههههههه


ولكو ولا هجمه خطيره ولا هجمه منظمه هههههههههه والدفاع سلطه

والوسط حفله ههههههههههه

[ابو مايا]

مشكور على المتابعه

[خليلي وحداتي]

حسن كان قصده واضح.. بعد اللي صار بالجمهور انه شو ما عملو ما راح يقدرو يرضو الجمهور

[البلوي]

حطمتو امل امه وحداتيه

[ابو مايا]

مشكور اخي الكريم

[abuislam76]

ضاع حلم استنناه و الفوز كان قريب منا بس انا مش عارف ليش في المباريات المهمة المفصلية بنضيع الفرصة و بضيع معها حلمنا بانجاز قاري و مهم مثل كاس الاتحاد بصراحة صابنا احباط و استغراب من الي صار مبارح و شفنا اللاعبين و كانهم اولاد صغار لسا اول مرة بمسكو الكرة ولا فرصة خطيرة صار مرمى الخصم في معزل عن الملعب مش عارف شو بدي احكي الكلام كتير
ضاع الحلم مع انو كنا فرحانين بخروج الاسرى و حكينا بتكمل فرحتنا بفوز نادينا بس !!!!!!!!!!!!!!!!!!!!!!!!!!!!!

!!!!!!!!!

[عمر قنديل]

الله يعوض على الجماهير اللي حضرت يا حرام عنجد شو بدو يرضيها روحتونا مكسورين الخاطر والله لا يسامح اللي كان السبب .

[أبووسام]

قويض :: نعتذر لجمهور الوحدات "جهاز فني & لاعبين" ونقبل غضبه منا !!

قويض :: نعتذر لجمهور الوحدات "جهاز فني & لاعبين" ونقبل غضبه منا !!



اعتذر مدرب فريق الوحدات الأردني محمد قويض لجماهير ناديه عن الخروج من قبل نهائي كأس الاتحاد الأسيوي، معتبرا أن أي رد فعل غاضب للجمهور تجاه الفريق سيكون مبررا ومقبولا بعدما خذلهم الوحدات وتعادل مع ناساف الأوزبكي ليضيع فرصة ذهبية للوصول إلى نهائي البطولة .

وفي لقاء مع محمد قدري حسن -مراسل صدى الملاعب في عمان- أرجع قويض سبب الهزيمة إلى أن اللاعبين لم يقدموا 50 في المائة من مستواهم خلال المباراة التي قال قبلها : إنها ستكون الأهم في تاريخ الوحدات فتحولت إلى أسوأ مباراة في تاريخ النادي الأردني العتيد.

وأضاف قويض: "المفروض النتيجة تكون إيجابية، يمكن الهدف المبكر إلنا عطا نوع من البرودة لفريقنا والمفروض نحنا نعزز بهدف ثاني وكانت الأمور ماشية أول شوط وسجلنا كمان الشوط الثاني كان إلنا لكن الهدف لا على البال ولا الخاطر هذا أحبط الكل وبدل ما يكون مردوده إيجابي كان سلبي سبحان الله".

وعمن يتحمل مسؤولية الخسارة أمام الجمهور، قال قويض: "نتحمل نحنا مسؤوليتها بالكامل.. إحنا جهاز فني ولاعبين".

لاعبو الوحدات لم يكونوا أقل حزنا من مدربهم ؛ فقال عبد الله ذيب صاحب هدف الوحدات: "الحمد لله قدمنا مباراة كويسة بس كرة القدم فوز وخسارة وهدف التعادل هبط معنوياتنا شوية سجلنا وهيك كرة القدم".

وأضاف حسن عبد الفتاح "شو بدي أقول؟!.. بصراحة ما في شيء هاي كرة القدم الحمد لله رب العالمين إن شاء الله في الأيام القادمة نرضي جمهورنا.. كيف نرضيهم مش عارف لكن الحمد لله، بدي أقول لهم قلت لهم إنه لو قدمنا كأس العالم لجمهور الوحدات ما راح يرضى علينا".


* هنا الفيديو بالتصريحات لدى برنامج " صدى الملاعب " MBC .. شاهد وإسمع المبررات ::

http://www.youtube.com/watch?v=s8-4LKUyYJk

المصدر .. صدى الملاعب MBC ..


::
::

مع حبي ::.. محمد أبووسام ..::