الثقة الزائدة والتفاؤل الكبير سلاح ذو حدين

[muha-1990 القريوتي]

جمهور الارجنتين سخط على ميسي والبعض طالب بخلعه الفانيلة رقم 10 لان ميسي برشلونة ليس ميسي الارجنتين بغض النظر عن الفارق بين الجهتين كون ميسي تعود على طريقة معينة باللعب
هون عنا الوضع عكسي ياصاحبي اللاعب بالمنتخب بلعب بدمه كانه بلعب عن بيتهم لكن بالنادي للاسف ما بيفرق معه الجمهور والا كان حسو بالمشجع الي جاييهم من اربد ولا من المفرق والي تارك شغله والي اقتطع ثمن التذكرة من مصروف عياله عشان يحضرلهم مباراة
والله والله والله لو لعبوا وخسرو ما بزعل لكن خسارتهم بهال الرعونة هي الي ذبحتنا

مهو هاد اللي جاااالطنا

لا اداء ولا رجولة ولا نتيجة !!

طيب ليييش ؟؟؟؟

[مالك]

هيك اتفقنا يا زميل الدراسة القديم بس و الله العظيم لاعبينا لهم من الخبرة ما يشفع لهم بالخروج من تلك المواقف بس والله العظيم انه في تقاعس مش طبيعي .... يا صاحبي

معاذ انت كنت لاعب ما شالله عليك وكابتن فريق صفك وبتعرف شو يعني انه اللاعب يلعب باحساس وغيرة وبحرقة لكن للاسف بتشكيلتنا 8 لاعبين ضمنوا التاهل للدور الثاني مع حمد قبل اسبوع فبطلت تفرق معهم
الخبرة يا صديقي انك تتعامل مع المباراة وفق معطياتها وكيف تقلب النتيجة مثل ماصار معنا بمباراة الذهاب مع الكويت الكويتي
لكن للأسف ماحد شاف اشي اليوم بالملعب
وهذا يا صاحبي خلاني ارجع بتفكيري وافكر من جديد ..هل لدراغان كان دور؟؟ مع ان دراغان ما كان معه عامر ولا حسن ولا عبدالله
ولعب نص الدوري بدون شفيع واحمد عبد الحليم ومع هيك عمل العجايب حقق رباعية ووصلنا لدور الثمانية
اصبح في ضياع بالفريق بعد رحيل دراغان ورافت واالنتائج بالدوري ونتيجة اليوم بتاكد كلامي اقل مافيها كانت الثقة تحطها بمحلها باللاعبين وكنت تكون تيجي علىالمباراة وانت متطمن
انا ما بدافع عن دراغان لكن في جرح بالفريق ولازم نحط ايدنا عليه ونعترف ان الوحدات العام الماضي ليس وحدات هذه السنة

[مالك]

مهو هاد اللي جاااالطنا

لا اداء ولا رجولة ولا نتيجة !!

طيب ليييش ؟؟؟؟

باختصار انه مفاتيح لعبك الاساسيين والي الفريق متكل عليهم من البداية ضمنوا
التاهل للدور الثاني مع المنتخب قبل اسبوع يا صاحبي!!

[muha-1990 القريوتي]

باختصار انه مفاتيح لعبك الاساسيين والي الفريق متكل عليهم من البداية ضمنوا
التاهل للدور الثاني مع المنتخب قبل اسبوع يا صاحبي!!

اااااااااااااااااخ اااااااااااااااخ

منهم لله بس .. منهم لله

[مالك]

نستنسخ رأفت تاني يعني ؟!!

ليش كل فرق العالم ما بتتأثر بلاعب مثل الوحدات ؟؟؟؟

ليييييييييش ؟؟؟؟؟؟؟

طبعا لازم نستنسخ رافت ثاني
عيب النادي ما حاول يصنع واحد ثاني مثل رأفت وبالنسبة الي خروجه فرصة للنادي لانه النادي كان يركن عليه وبس رحل لليوم مش لاقي حد يسد محله
رافت لو لعب السنة هاي مارح يلعب السنة الجاي بحكم سنه فلازم النادي يهتم بالناشئين ويبحث على لاعب محوري وصانع العاب مثل احمد الياس ويحاول تصقل موهبته بدل ما تزته لما يعفن على الاحتياط او ينتقل لنادي ثاني
وانت مركن على لعيبتك الاصليين اقل مافيها بالبطولات الصغير مثل ما تم اكتشاف احمد عبد الحليم والدميري وغيرهم
لكن للاسف مافي اهتمام بالفئات العمرية

[مالك]

نريد فريق باقل التكاليف واكبر انتماء لاعبيين حمد خذلونا بكل معنى الكلمه ما بدنا بشار ولا كنيت ولا المحارمه واي لاعب بفاوض على عقده بلا منو يروح ينحرف احسن بدها ابو البهاء والاستغناء عن قويض وضم عدد من الفئات العمريه وتجهيزه

كلام سليم 100% حبيبي يوسف وانا بايدك بدنا انتماء فقط لاغير للنادي

[ابو عمار الجنيدي]

والله يا مالك كنت اتمنى ما نسجل بدري

[مالك]

والله يا مالك كنت اتمنى ما نسجل بدري

انا تمنيت ييجي الهدف فينا بدري اذا فيه هدف عشان اللاعبين يلعبوا بحرقة مثل ما صار معنا مع الكويت الكويتي بالذهاب ومع داهوك دخل هدف وقلبنا النتيجة وفزنا بوافر من الاهداف
وصدقني لو هدفهم اجا بالشوط الاول كان النتيجة تغيرت والله اعلم

[أبو الوليد]

عندما سألتني بالأمس ماذا جاوبتك يا مالك وقلت لك مسبقا

بأن الأمر يعتمد على اللاعبين ولكن للأسف لاعبونا عندما

يشاهدون الملعب ممتلئ عن أخره يتلذذون في تعذيبه

[الهيثم]

ولا نفخنا ولا شي اقولها لبكرا الصبح عطاء اللعيبة في المنتخب افضل بكثير من ناديهم......والاجابة واضحة للعيان اذا ما أدوا المطلوب منهم في المنتخب بتبهدلوا من عدنان حمد.............وبطقعلهم وبجيب لعيبة جداد..............لا تلومو الجمهور ...........لو الجمهور ما بحب الوحدات كان ما كان في الملعب قبل الشحادة وبنتها.....

[مالك]

عندما سألتني بالأمس ماذا جاوبتك يا مالك وقلت لك مسبقا

بأن الأمر يعتمد على اللاعبين ولكن للأسف لاعبونا عندما

يشاهدون الملعب ممتلئ عن أخره يتلذذون في تعذيبه

كنت اتوقع غير هيك للاسف لانهم شافو شو صار فيه يوم شباب الاردن
للاسف لعيبتنا شغل تنكيس جمهور بالمباريات الحساسة
والله حرام عليهم كل هالجمهور يروح مكسور الخاطر
والله يا ابو الوليد لو لعبوا بحرقة وبقوة وعزيمة لفازو بس مبارح كانوا اشباه فريق

[حسان الشوابكة ابو خليل]

للاسف كنت حاضر في المباراتين واكلت هوى بالمبارتين انا وابني

لكن حسبي الله ونعم الوكيل على هيك ادارة وعلى هيك جهاز وعلى هيك لاعبين

[مالك]

ولا نفخنا ولا شي اقولها لبكرا الصبح عطاء اللعيبة في المنتخب افضل بكثير من ناديهم......والاجابة واضحة للعيان اذا ما أدوا المطلوب منهم في المنتخب بتبهدلوا من عدنان حمد.............وبطقعلهم وبجيب لعيبة جداد..............لا تلومو الجمهور ...........لو الجمهور ما بحب الوحدات كان ما كان في الملعب قبل الشحادة وبنتها.....

الجمهور نفخهم بتفاؤله لانه مسكين بفكرهم بحسوا
مثل ماقالها ابو الوليد هم كل ما بشوفو الجمهور بنكسوه
هذول لعيبة منتخب مش لعيبة الوحدات

[مالك]

للاسف كنت حاضر في المباراتين واكلت هوى بالمبارتين انا وابني

لكن حسبي الله ونعم الوكيل على هيك ادارة وعلى هيك جهاز وعلى هيك لاعبين

لانه ماعندهم ذرة احساس ودم
احنا مش جمهور فوز فقط
والله العظيم لو شفناهم بالعبو باستبسال وبحرقة كان مازعلنا وخاصة لعيبة حمد ياريت بيلعبو للوحدات نص ما بلعبوا للمنتخب
فعلا حسبي الله ونعم الوكيل بالي كان السبب

[alloush80]

اللاعبين من دون انتماء

لا حول ولا قوة الا بالله


عبد الله ذيب

عامر ذيب

حسن عبد الفتاح

احترفوا احسن النا والكم