إحنا مش ناقصنا

[براء صبرة]

كلام سليم
وبالتوفيق للوحدات وان شاء الله القادم أفضل

[أبو الوليد]

أعتقد في حال تجاوزوا داهوك ستعود الأمور الى الألق

والأبداع والمعنوية العالية

[naserabsi]

الله يصبحكم ويمسيكم بانوار النبي

يا حبايبي الله يطول في عماركم انكم تسمعوني وتفهموني مليح ، وبدهاش عصبية ونرفزة وعجلة وظلوا اتحملوني ربي من فوق يوفقكم

شوفوا ... اذا قلتلكم اني مزعلتش على نتيجة مباراتنا مع الجزيرة والرمثا بكون بكذب عليكم وعلى حالي ، لأ أنا زعلت واعتبت ، ازعلت عالنتيجة الي مش لازم كانت هيك وعتبت عالشباب اللعيبة لاني حسيت منهم شوية عدم مبالاة بس هالأشي هاذ ما بخليني احمل عليهم او افقد الامل فيهم

حبايبي
هاي لعبة وفيها فوز وخساره يعني لازم يطلع فريق ربحان وفريق خسران او متعادلين ، فينا حدا بنكر هالاشي هاذ ؟ ... اكيد لأ ... وانا لما افكر في فرق كبيرة وعريقه مثل برشلونه وريال مدريد وبايرميونخ وهامبورغ وبحضرلهم مباريات بخسروا فيها او بتعادلوا مع فرق ضعيفه بقول لحالي وشو يعني الوحدات تعادل في المباراه هاي او خسر في المباراة هذيك ؟ هاي مش اخر الدنيا وعادي جدا بس الي مش عادي انهم ما يقوموا ويعوضوا هالمباريات هاي ويشدوا حيلهم

الله يسعدكم ويطول في عماركم اهدوا واتوكلوا على الله وخليكم واقفين ورا الفريق وشدوا من ازرهم وساعدوهم يطلعوا من هالمطب على خير وسلامه وتنسوش مباراتنا مع دهوك العراقي والمباريات والثانيه لانه احنا مش ناقصنا

وسلامتكم

الاخ ابو العبد القادري المحترم
الله يسعد صباحك ومساءك
ويعطيك الصحه والعافيه
كلامك والله عسل
واكرر لن تنتهي مسيرة الوحدات اذا تعادل او خسر مباراة او حتى بطوله
علينا دائما ان نعلو على الجراح
ونطوي صفحة الامس مع أخذ العبر
اما اللوم والتجريح والتبخيس
مرفوض في قاموسنا
نحن الجمهور المثالي والراقي والمهذب
مثاليتنا لن تجبرنا بالانحدار نحو الالفاظ التي لا تليق بالوحدات مهما حدث
الوحدات عروق رفدناها بدمائنا منذ نشأ عام 56 وحتى ان يرث الله الارض ومن عليها
هذا هو الوحدات وطن لا يختزل بكره
طاب يومك اخي

[محمد سعيد]

مرحلة حرجة وضغط مبارايات وافكار مشتتة بين الدوري وكاس الاتحاد الاسيوي وزي كل مرة ان شاء الله بنخلص من كاس الاتحاد وبنرجع نوكل الفرق اكل

[حسان الشوابكة ابو خليل]

كبوة جواد

ان شاء الله بتعدي على خير

[ريماس]

صح 100% كلامك درر ,,, جد في كتير ناس معصبين على اللاعبين ,, و ما بدهم اياهم يعصبوا !! عادي هم بشر بتعبوا زينا زيهم ,,

[الهيثم]

كلام جميل والله انا معهم صحيح زعلان بس ما بدي اقول ...بدي كل شي ايجابي احكيه للوحدات اشجعهم واوقف معهم وادافع عنهم وادعيلهم انو اللي جاي احسن بعزيمتهم وقوتهم ومعنوياتهم..................خلينا نكون معهم في هيك اوقات.........بلاش نخسرهم ونخسر انفسنا كمان..................بترجاكم.

[ابو عمار الجنيدي]

نحن اهل القمه
بارك الله بك وعليك يا غالي

[احمد غنام (عاشق مدريد)]

كلامك جميل يجب ان يبقى تفكيرنا منطقي

[zaidooooo]

اخي ابو العبد انا ضدك لانو احنا بالدوري الاردني غير عن برشلونه ومدريد وميونخ هناك في مجال للتعويض اما هون بدك اتفوز كل مبارياتك وتلعب مع الهذولاك ويا بتفوز بتوخد الدوري او لا سمح الله بطير منا الدوري وهاي الشغله قويض بجوز لسه ما عارفها واسف على المداخله

[ابو العبد]

اخي ابو العبد انا ضدك لانو احنا بالدوري الاردني غير عن برشلونه ومدريد وميونخ هناك في مجال للتعويض اما هون بدك اتفوز كل مبارياتك وتلعب مع الهذولاك ويا بتفوز بتوخد الدوري او لا سمح الله بطير منا الدوري وهاي الشغله قويض بجوز لسه ما عارفها واسف على المداخله

يا عمي يا زيدوووو

الله يمسيك بالخير ويجعل ايامك سعاده وهنا

خلينا نقول يا الله ونتوكل عليه وبدي اسألك سؤال :
يعني لو ظلينا زعلانين من هين لبعد عشرين سنه شو بدنا نستفيد ؟
صدقني يا ابن اخوي انه الامور رايحه تكون تمام ان شاء الله

يسعدك ربي

[ابو العبد]

شكرا على كل هالردود الحلوة

اصيلين يا وحداتيه

[عامر حرب]

مع الوحدات في الخسارة قبل الفوز

[palestine angel]

كلامك صحيح100%