احمد الياس يرفض عرض ادارة نادي الوحدات .. وعرض رسمي لمنذر ابو عمارة من ادارة النادي

[خليل المحسيري]

يعطوهم الي بدهم اياه
لكن من دون مكافآت الفوز !!

[حسن الداموني]

لا يخوي انت غلطان مش لسنتين 70 الف بل 35 الف
يارجل عبدالله بطلوع الزور رضي يوقع لاكثر من سنه بعد ميت ترجايه وبوسه لحيه وكانت متيسه معه مشان الف ليره بدك واحد يسامح ب 15 الف واخر يترجوه يوقع زي غيره ويتنازل !!!!
احكي كلام منطقي شوي - وعبدالله لما شرد كم المبلغ اللي باعنا فيه ؟

يا نادر 50 الف دولار للموسم والعقد كان لموسمين 100000الف دولار الان الكلام المنطقي الا تتمنى التوفيق لعبدالله ذيب

[حسن الداموني]

لا لا لا لا طبعا

انا اكره واحقد على كل من يسيء لمجرد كلمه وحدات

الوحداتي من طبعه ما بحقد وكريم ومتسامح

[يحيى الحلو]

الوحداتي من طبعه ما بحقد وكريم ومتسامح

عزيزي المستمع بصبح عليك


ولا باحلامك تقنعني بالموضوع

[nader10khn]

يا نادر 50 الف دولار للموسم والعقد كان لموسمين 100000الف دولار الان الكلام المنطقي الا تتمنى التوفيق لعبدالله ذيب

اتمنى من قلبي التوفيق له ليس من اجله بل من اجل الوحدات لعل وعسى يجيب هو وزملاؤه الكاس الاسيويه وييجيه عقد يرجع شوي من الخوازيق اللي طعماهم للنادي

[اسامه11]

احمد الياس

بصراحة الراتب الشهري لا يسمن ولا يغني من جوع
وأعتقد رفع الراتب إلى 500 دينار لكلا اللاعبين يكون معقول أكثر
في ظل ما ندفع للمحترفين الذين هم أقل كفاءة من لاعبينا!

[حسن الداموني]

اتمنى من قلبي التوفيق له ليس من اجله بل من اجل الوحدات لعل وعسى يجيب هو وزملاؤه الكاس الاسيويه وييجيه عقد يرجع شوي من الخوازيق اللي طعماهم للنادي

هيك بقولك الله يسعد البطن الي جابك ونعم الوحداتيه نختلف ونتحاور بالاخر يجمعنا حب الوحدات

[الوحش الكاسر]

اول شي بالنسبة لموضوع احمد ومنذر اعتقد انه مقدم العقد والراتب ممتااز وليش فقط جيد ونصيحة وقعوا و5 سنين مش كثار غمض عين فتح عين بخلصوا فرصتك باللعب مع المنتخب وانت مع الوحدات تكبر وبالتالي فرصة احتراف تكبر بتلعب مع الوحدات بكاس اسيا ومن ثم ان شاء الله ابطال اسيا تبدع تحترف اما اذا رحت على فريق تاني مشان 10000 هسا بعد كم سنة بتجيبش 5000
تاني شي بالنسبة للاخوة الي بحكيلك 400 قلاا يا حبيبي اذا انت بتشتغل برا الاردن وبتوخد على شهادتك الف او الفين او ... وشايفهم مناح اكيد لما تشوف ال 400 بدك تحكي قلااال بس بالاردن وللاعب بهالعمر حلوين كتير احنا الواحد عنا بوخد 300 اغلب الناس وفاتح دار وبصرف على عيلة وبوفر منهم وبعدين انت درست وهسا بتحصد واللاعب خليه يعتبر حاله جامعة وبس يخلص بيحصد مثلا انا بدرس هسا وبشتغل بالعطلة بشوف الراتب ممتاز اما لما اخلص دراستي واذا الله وفقني واشتغلت برا واخدت بالالاف بصير احكي 500 ليرة شو بدهن يعملن
تالت شي بالنسبة لعبد الله ذيب هسا هو مع الوحدات شو عمل قبل هيك انسونا منه احنا داخلين على اسيا والشب حاب يلعب مع النادي ويجيب معاه كاس اسيا فما نحبط من معنوياته وعنويات باقي اللاعبين

[mustafa nasser]

انا واثق تماما ان الادارة لن تتزحزح عن العرض المقدم..و هو ما نأمله جميعا..

العرض على الطاولة..و اللي بده يتفضل ..يوقع او يتسهل..

هذا الكلام الصح وبس

[شنلر]

ما شاء الله
ولاد مبارح صاروا بدهم يشطحوا مرة وحدة
يا اخوان النادي في نظر البعض منهم اصبح دوره عبارة عن مزرعة لتسمين العجول فقط لا غير
سؤال لهؤلاء عندما تدربتم في الفئات العمرية طوال هذه السنوات من وفر لكم التجهيزات الفنية والادارية من مدربين وخلافه ؟عندما لعبتم في منتخبات الشباب والاولومبي ومثلتم الاردن في البطولات الخارجية من وفر لكم هذه الفرصة ؟ هل هم اولياء اموركم مثلا او اصدقائكم او معارفكم ؟
الطمع ضر وما نفع وفي الاف مؤلفة من الخريجين ما بحصلوا نصف عقودكم وحضراتكم بتطلعوا لفوق كثير
اللي عاجبوا يلحق زعترة وزيد جابر على مزابل الاندية الخليجية الرخيصة اللي طول عمرها مطسة للفرق الثانية مع ستين سلامة
بس عيب على ادارة النادي والف عيب اذا اي واحد مثل هيك يشارك بمباراة رسمية او حتى تدريب قبل ما يوقع لانه الجهاز الفني بكافة اعضائه من مدرب ومساعد واخصائي علاج ومدرب لياقة اللي بوفرهم النادي ما بشتغلوا ببلاش وبكلفوا مئات الالوف عشان شو ؟ عشان الياس وعمارة يستفيدوا لوحدهم وبعدها يقولوا بخاطركم ؟
توقيع اللاعبين على هذه العقود من مصلحتهم اولا قبل ما اتكون مصلحة الفريق
ادارة النادي مطالبة الان وقبل اي وقت مضى بايجاد حل لاي لاعب من الفئات العمرية يرفض التوقيع عند ترفيعه للفريق الاول

[ايمنوني]

امامهم حللين

اما ببصموا للاخضر او الله يسهل عليهم

ما صار له بالقصر الا العصر

[محمود خضر]

بتمنى يتعلموا من عبدالله ذيب ويشوفوا بس ترك الوحدات كيف صار مستواه
وكيف انه راحت كل شهرته
بالنسبه لاعمارهم العقد مناسب والي بيصبر وبيقدم مستوى جيد اكيد النادي مش راح يقصر معه

[العماري]

رفع الراتب الى 500 دينار احسن

[ismaeel]

لا حول و لا قوة الا بالله العلي العظيم

[m abu aisheh]

للاسف اغلب الردود عاطفيه وبعيده عن الواقع اتمنى ان لا يجي يوم ونقول يا ريت

كلام سليم مئة في المئة