للمرة الاولى من 16 عام

[فادي عاشق رافت]

يا حبيبنا .... انا ما بكره رافت و الله اني بحبه كلاعب في الوحدات و لاعب فنان مو اكثر
لكن النادي احق باي حب و دعم من اي حب مبالغ فيه و مزاوده على دعم رافت !!!
سواء 5% او ال95% اللي قيمتهم كلهم على راسي و احترامهم واجب علينا و الله يسعدهم و انا واحد منهم .... بس لو 99% بدهم اخربوا على النادي مشان مزايده على تفضيل و حب لاعب فانا بوقف ضدهم .....
سؤال .... لو خيرت بن ابو على و الوحدات مين بتختار؟!

انا حر برايي و والله بختار رافت

[فادي عاشق رافت]

اخي الكر يم , عندي صلاحية من ادارة الموقع كمشرف بشطب اي مشاركة اراها غير مناسبة وهذه المشاركة غير مناسبة .....ولكن ابقيت عليها حتى نصل لحل بعيدا عن التشنج .....رايك في رافت انت حر فيه هذا شانك ولا احد في هذا الموقع يستطيع فرض رايه عليك ....وبنفس الوقت لا يحق لك او لغيرك فرض رايه على اي عضو اخر .....النادي قدر رافت علي وزيادة ورافت علي ليس الوحدات اخي الكريم ....يا ريت عندما نختار الكلمات نختارها بعناية بعيدا عن التشنج والعصبية واتمنى منك مراجعة نفسك في مشاركاتك واقتباسك للاعضاء .....وشكرا لتفهمك

ملاحظة : الوحدات بمن حضر ومن يقاتل على ارض الملعب من اجل القميص الاخضر وشعاره نضعه فوق رؤوسنا ....

بما انو بتحكي يا عزيزي انو كل واحد حر برايه انا رايي انه رافت بستاهل اكثر من ما اعطاه النادي
وانا مش متعصب لرافت لانه لو رافت طلع بنادي غير الوحدات كان ما حبيته ولا دافعت عنه
بس الاشي الي بخلي الواحد ينفعل انو بيوم وليلة بصير رافت خاين وبينحكى عليه ليش؟؟؟؟؟؟؟
رافت بضلوا الاسطورة وما حد رح يجي مثلو وانا ما بفرض راي على حد لانه كل واحد وحداتي اكيد عارف شو يعني رافت لما يلعب بالوحدات
والادارة بتجيب لاعبين ب 50000 و35000 الف واحنا بغنى عنهم كان لازم تدفع قدهم عمرتين لرافت لانه بسناهل اكثر منهم
وشكرا لعدم شطب المشاركة

[بهاء بسام]

والله اليوم كان واضح الفراغ الي تركه

[مصطفى الطوباسي]

كبير يا رفت

[Rui Costa 10]

يا حبيبنا أنا ما خيرته ..... هو اللي خير و اختار .... رافت وضع نفسه في موجهة الاداره بعد الموافقه على عرض الوحدات و النكث و التملص منه .... لو من اول يوم حكى ما حد زعل ..... الله اوفقه وين ما راح.
لو فعلا بعد كل هل اصوات الي بتحكي انها بتحب رافت و انه عدد منتقديه لا يتجاوزون 5% زي ما حكى البعض فاتوقع انه الملعب رح يتعبى على الاخر؟! و اذا لم يحصل ذلك معناته من هي تلك الظاهرة الصوتيه اللتي نسبت لكل من انتقده .. و للعلم جميع من انتقد رافت انتقده لحبه لرافت و لحبه الاعظم لمصلحة و عشق الوحدات !!
و بالاخير مش انا اللي بحدد مباراة الاعتزال ..... الاداره هي اللي بتحدد - سواء كرهناهم ويلا حبيناهم.
شكرا يا طيب

هيك كانك بتحكي يا رافت يا بتختار الوحدات و مباراة الاعتزال او الاحتراف
على العلم انه بيجوز قيمه مباراة الاعتزال ما تعمل اشي لرافت مثل ايهاب معالي الي ما طلعله من ريع المباراة الا 100 دينار فقط و اخذهن بالاحراج كمان وعندك فيصل كمان ما حدا عبره لما اعتزل . بتوقع انه ادارة الوحدات تكون واعيه و تعمل مباراة اعتزال لرافت لانه حق من حقوقه و بالتوفيق للوحدات و لرافت

[Rui Costa 10]

مش ضروري النادي يوافق لرافت
بكفي رافت يحكي بس انو بدو يعتزل ومليون لاعب بتمنى يشارك في مباراته و4 ملايين مشجع بستنوا يحضرو المباراة

رافت علي بستاهل يكون اله منتخب باسمه مش فريق
والله انا مستعد اشجع فريقه لرافت اول واحد اذا بفكر يعملوا الاتحدا فريق
يا اخي كل واحد وحر برايه انا شايف رافت احسن من ميسي بالوحدات مقارنة مع برشلونه
ومن كثر ما انا فرحان بكاس الكؤوس والله ما حضرت المباراة ولو رافت موجود كان كنت قيل الافطار بيومن بالمدرجات

بما انو بتحكي يا عزيزي انو كل واحد حر برايه انا رايي انه رافت بستاهل اكثر من ما اعطاه النادي
وانا مش متعصب لرافت لانه لو رافت طلع بنادي غير الوحدات كان ما حبيته ولا دافعت عنه
بس الاشي الي بخلي الواحد ينفعل انو بيوم وليلة بصير رافت خاين وبينحكى عليه ليش؟؟؟؟؟؟؟
رافت بضلوا الاسطورة وما حد رح يجي مثلو وانا ما بفرض راي على حد لانه كل واحد وحداتي اكيد عارف شو يعني رافت لما يلعب بالوحدات
والادارة بتجيب لاعبين ب 50000 و35000 الف واحنا بغنى عنهم كان لازم تدفع قدهم عمرتين لرافت لانه بسناهل اكثر منهم
وشكرا لعدم شطب المشاركة

مش مشكله انتا حر .... و الله اوفقك بحب رافت و الله اوفقنا بحب الوحدات
و بدوا يعمل مباراة اعتزال بدون موافقة النادي على راحتوا ... اجيبوا المليون لاعب و 4 ملاين مشجع
4 *ربع دينار بطلع مليون دينار !!! حلوات طب ليش طلع ...مش مشان المصاري و تامين المستقبل !!!

اخي ردي اللي فوق هو رد على اسلوب الحوار ... و اتمنى نتكلم بصوت العقل ... مش بصوت الهواش
ردودك ما فيها تسلسل لفكره .... و اذا كان بس بحب رافت بعشق رافت وبموت برافت هي صوت التفكير عنك دور على واحد يمكن يتقبل هذا السلوب ... انا بدي منطق : يعني 1+1 =2
بعدين مش حلوه التناقد خلال خمس ثواني ... يعني بترد علي بانك بتشجع فريق رافت ... بعدين بتحكي انك ما كنت رح تحبه لو بفريق ثاني ؟!
يا فريق الوحدات مطيه يا في منطق جديد انا مش عارفه!!!
انت حر برايك ... بس مش حر بطريقة الحوار .... حوارك لازم اكون منطقي و عقلاني و مش متناقض و مش عاطفي
وصلت - و اذا لاء وفرت علي اي ردود عليك
رمضان كريم عليكم

[Rui Costa 10]

كلام يفش الغل احنا نحب الوحداات واي لاعب لا يلبس فانيلة الوحداات لا يمثله ،، بكره اذا لعبنا مع الكويت الكويتي راايك رافت علي رح يتهاون بتسجيل الاهداف علينا ؟

و اتوقع اكثر من التهديف كمان ...

[محمد السيكاوي]

يجب ان نتعود على ذلك سياتي اليوم الذي يعتزل اللعب فيه

[فلسطيني وحداتي بالفطرة]

الله يسامحه بخس بحالو كثيييييييير
والله بسوى اكثر من هيك بكثيييييييييير
عشو كان خايف رافت شو هم الكويت عشان يحترف معهم والله لو الدوري السعودي لكان 100% صح احترافة بس الوحدات بسوا الف كويت
يكفي انه رح يكون شماعة خسارة الاسيوية لو صار وخسرناها لا سمح الله

[فادي عاشق رافت]

مش مشكله انتا حر .... و الله اوفقك بحب رافت و الله اوفقنا بحب الوحدات
و بدوا يعمل مباراة اعتزال بدون موافقة النادي على راحتوا ... اجيبوا المليون لاعب و 4 ملاين مشجع
4 *ربع دينار بطلع مليون دينار !!! حلوات طب ليش طلع ...مش مشان المصاري و تامين المستقبل !!!

اخي ردي اللي فوق هو رد على اسلوب الحوار ... و اتمنى نتكلم بصوت العقل ... مش بصوت الهواش
ردودك ما فيها تسلسل لفكره .... و اذا كان بس بحب رافت بعشق رافت وبموت برافت هي صوت التفكير عنك دور على واحد يمكن يتقبل هذا السلوب ... انا بدي منطق : يعني 1+1 =2
بعدين مش حلوه التناقد خلال خمس ثواني ... يعني بترد علي بانك بتشجع فريق رافت ... بعدين بتحكي انك ما كنت رح تحبه لو بفريق ثاني ؟!
يا فريق الوحدات مطيه يا في منطق جديد انا مش عارفه!!!
انت حر برايك ... بس مش حر بطريقة الحوار .... حوارك لازم اكون منطقي و عقلاني و مش متناقض و مش عاطفي
وصلت - و اذا لاء وفرت علي اي ردود عليك
رمضان كريم عليكم

شكرا على الرد العقلاني تبعك
وانا مش جاي اهاوش بالعالم انا بس بحب اعبر عن رايي عن لاعب مش عادي وبيستحق اشي اكثر من العادي
وبالنهاية انا بحب رافت وبتمنى انو في يوم من الايام حد يصير بمستواه وياخذ حقوه
يمكن انا كنت منفعل شوي بس بتمنى انو نخفف شوي عن رافت علي

[ابو ثائر]

بالتوفيق للبيكاسو اينما حل وارتحل وننتظره ان شاء الله السنه القادمه حتى يقود السفينه من جديد