شكرا لك يا جزيرة

[أبو خالد]

والمغتربين شو ذنبهم ما يشاهدوا معشوقهم الوحدات في يوم التتويج؟

انا من المغتربين

وان شاء الله الوحدات بيجي يلعب في الامارات وتكون مباراه مهمه وما تكون المباراه منقوله خلني اشوف الجماعه الي الي بتزاود بحب الواحدت والفرحانه بعدم البث شو بدهم يعملوا ؟

يعني الناس بدها تفقع وتنجلط وهو بقولك شكرا يا جزيره وانا فرحان عشان المباراه مش مبثوثه والله الواحد فيه الي مكفيه ومش ناقص استفزاز .

[هادي الشنتير]

معك 100%
لدرجة اني تمنيت انو ما تنبث ولا مباراة عشان انشوف جماهير الوحدات

[bilal allan]

كم فرحت حينما اعلن المذيع في الملعب عن عدم بث نهائي كاس الكؤوس ... حتى انني لم ارد على اي شخص هاتفني ليسأل عن النتيجه .... فمن يحب الوحدات عليه الحضور للملعب وليس النوم امام الشاشة وبالاخر بيحكيلك ليش الوحدات ما معه امكانيات مادية .. اذا الجمهور ما دعمه بثمن تذكرة مين بده يدعمه .
واللي شاف كم كان عدد الجمهور بالشوط الاول حيث لم يكن يزيد عن 5000 مشجع .. وفجأة بدأت الجماهير تتوافد قبل نهاية الشوط بعد ما فقستهم الجزيرة الله يسعد القائمين عليها ليصبح العدد اكثر من 15000 مشجع .
بس شاطرين جمهورنا بالحكي ... بدنا نطلع عالملعب .............. وبس تبدأ المباراة بنشوفش غير نفس الوجوه .. حتى اننا صرنا نعرف بعض من قلة عدد الحضور .
اللي بيحب الوحدات يدعمه بثمن التذكرة مش بشراء كرت الجزيرة

نحترم وجهة نظرك لكن إلي بره البلد ما إله حق يشوف المباراه ولا بدك الواحد يجي من السويد علشان يحضر المباراة

هذا مش كلام مع إحترامي إلك ثانيا قناة الجزيرة كل هالمليارات مش قادرين يعمل مدينة إعلامية ليش بيخلوا شوية صعاليك بيتحكموا بجماهير ناديناوالله هزلت على هيك قناة والله يرحم أيام ال art كانت قنوات محترمة وملتزمة وكاملة من كل شيء مش مثل الجزيرة لا ستوديو تحليلي ولا أي أحترام للكرة الأردنية.

[الجعفري الاخضر]

والمغتربين شو ذنبهم ما يشاهدوا معشوقهم الوحدات في يوم التتويج؟

الله ينور عليك فهمو بالله عليك احنا شو ذنبنا

[بهاء ابو الخير]

يا اخي كلامك خطأ مع احترامي الشديد لك جمهور الوحدات ليس الكل باستطاعته الحضور وشراء التذكرة وجمهور الوحدات لا يقتصر فقط على الشباب فهناك نساء كثر وشيوخ يعشقون الوحدات
اكرر مع احترامي الشديد لك لكن هذا كلام غير منطقي

[ايهاب شعبان]

اخي كلامك 100%
شتان بين عدد الحضور في الشوط الاول والحضور في الشوط الثاني ،،، والي ما حضر المباراه راح عليه اجمل كرنفال

[رامي محمود]

طيب شوي شوي يا شباب على كاتب الموضوع

[براء صبرة]

واحنا المغتربين شو ذنبنا ما نشوف الوحدات في يوم التتويج؟

[وليد عليان]

ألف ألف ألف مليووووووووووووووووووووووووووووووووووووو ووووووووووووون مبروك للوحدات
وكل الأسف على قناة الجزيرة لعدم البث فعلا أقدر مشاعر من هم بالغربة ولحظات أنتظار المباراة ساعة بساعة ودقيقة بدقيقة والله أنها فقسه الله يعينهم اللي بالأردن وبعمان وبأطراف عمان شو ماكان بيجي بيدبر حاله واللي برا البلد بينحرق دمه وهو يحاول يعرف النتيجه

[ابو السندس]

ياعزيزي هل تعلم ان مشجعي الوحدات من جميع محافظات المملكه ..... فماذا يفعل ابن المفرق او اربد او الكرك او الطفيله او معان او العقبه .... وهل تعلم ان المبلغ الذي يدفع للجزيره دفعه واحده يساوي حضور اكثر 30 مباراه في الملعب .... فليس جميع المشجعين يقطنون في محيط ملعب القويسمه ياعزيزي

[اسلام حسين]

نحنا المغتربين ايش ذنبنا لو كنت بالاردن كنت اول واحد واللي بعرفه جمهورنا ما بيقصر بس ظروف رمضان غير وبالنهاية الشباب ما قصرت والكاس وحداتي وان شاء الله الدوري وكاس الاردن وكاس الاتحاد بحلته الجديدة القوية

[أبو الوليد]

حاسس من كلامك أنك شامت وهذا غير مقبول منك وعليك

أن تراعي ظروف الأخرين ولا تحكم من عندك

[حسان الشوابكة ابو خليل]

الله لا لايوفقهم على هيك عمله

عدم المؤاخذه في ناس عندها شغل

وما بتقدر تطلع على الستاد

[خليل]

انا ساكن بعيد عن الملعب لا يوجد حل الا عندما احضرها على التلفاز

[الاخضر عشقي]

لكل انسان ظروفه الخاصة اخي الكريم و عدم الذهاب للملعب لا يعني عدم الانتماء للوحدات