الوحدات والفيصلي ومنتخب الاردن

[احمد ابوديه]

العنصريه من جماهير الفيصلي فقط

[خليل ابراهيم الصالحي]

عندما نذكر الوحدات والفيصلين،تلقائيا نجد الجمهور حتى العربي منه يصنف الوحدات بأنه يمثل الاردنيين من اصل فلسطيني(من الضفة الغربية)،والفيصلي يمثل الاردنيين من الضفة الشرقية،مع انه الاصل ان الوحدات والفيصلي فريقين اردنيين،وهذا واجب الجمهور المثقف الواعي ان لا يكون عنصريا لان الرسول عليه السلام يقول(دعوها فأنها نتنه).

[الجيوسي وحداتي]

اهلا بجميع شباب يسلموه على المرور

ملاحظ صغير فى بعض الردود بدخل فلسطين فى الرياضه ياشباب احنا رياضة مش حرب الفائز مبروك والخاسر هاردلك هذ هو العنوان لازم يكون دايمآ فى منتدنا لا شماته لأحد كلنا اخوان واخوات انا بصراحه عندي صديقات فيصلاويات وهم من فلسطين وحدة من بيت لحم وحده من الطيبة وهم يعشقون الفيصلي اكثير
تحياتي يا شباب
الله يوفيق الجميع

اختي الكريمة مين اللي دخل فلسطين للردود لو بتعرفي شو اللي بسبوه بتعرفي مين اللي دخل كل هالحكي واهلا وسهلا بالمشاركة الاولى وبانتظار المزيد

[عاشق حيفا]

شكرا على موضوعك أختي وجمهور الوحدات ما بغلط على حدا واللي بصير من طرفنا هون مجرد مناكفات، اما بخصوص الشتم وليش بندخل فلسطين بالحكي فجوابه رح يكون بأول لقاء يجمعنا معاهم لأنو يبدو من حسن حظك عمرك ما حضرتيلهم مباراة ولا سمعتي الألفاظ السوقية التي تنم عن حقد دفين وعنصرية ستقتلهم غيظا، المهم لا تحكولي هاي فئة مندسة لأنو الفئة المندسة بتستحي تحكي اللي بيحكوه

[خليل]

هذا الحكي يا اخت حنان المفروض هم يفهموه و ما يدخلوا الرياضة بالسياسة او العكس اما بالنسبة لصاحباتك الله يهديهن (ههههههههههههههههه)

100%

[green55]

نحن لسنا انبياء!!
يشتموننا بمناسبه وبدون مناسبه
وحتى عندما لا نكون طرفا بالمباراه.. وبالرغم من ذلك لا نرد الاساءه بالاساءه !!
شو بدك اكتر ؟؟ نحضنهم ونبوسهم ونحكيلهم حقكوا علينا ؟؟؟
اعتقد انو اضعف الايمان انو نكرهم.

[FIRAS QANEER]

للأسف ياخوان بنضل نرجع من نفطة البدية

والكراهية والتعصب
على كل حل يسلموه على المشاركات شباب

أخت حنان لو ممكن أسألك انت كعضوة جديدة على المنتدى ليش حبيتي تفتحي الموضوع الأكثر حساسية بالأردن دون ما تشوفي فيه الصراحة واللي بصير على أرض الواقع لأنه الموضوع بدأ من ال80 الى الان والجواب واحد الجمهورين بكرهوا بعضهم البعض بشكل غير طبيعي وهو امر معروف على مستوى الوطن العربي وهناك سؤال يتابدر لذهن الكثيرين هل هو كره الفيصلي ام حب الوحدات وانا بصراحة لا اعرف الجواب

[وحداتي حتى النخاع]

ادارة الفيصلي والشهادة لله محترمين وما عندهم عنصرية..
جزء كبير من لاعبين الفيصلي محترمين و (منا وفينا) ..
وجمهور الوحدات واعي ومثقف ومحب للاردن وعاشق للقيادة الهاشمية وما عنده تمييز.. وهذا ليس دفاع ولكن هذا واقع بامكان اي متابع لمباراة من المدرجات ان يشعر فيه ويلمسه..
لكن للاسف العنصرية من جمهور الفيصلي الواقع اللذي لا يحترم اية مقدسات ولا يوجد لديه خطوط حمراء..

الله يهديهم ومشكورة على الموضوع

[المعايطه]

هذه اول مشاركه لي وهذا اول موضوع لي.

نحن فى الاردن لدينا حب الوحدات وحب المنافسه الشريف نحترم المنافسين جميعا

هناك يااخوان من التعصب الشديد على هذ النادي او ذلك لا يااخون هذه رياضة لا اكثر ولا اقل

يوم من الايام شاهدت فى احد المطاعم لاعب من الوحدات ولاعب من الفيصلي يضحكون ويأكولون مع بعضهم البعض

انا اقول فى نفسي لماذا نحن كجمهور شادين على حالنا واللاعبين اصدقاء واصحاب

فى النهاية انا صح بشجع الوحدات نادينا
بس جميع الاندية هي منا وفينا ونمثل المنتخب الوطني الاردني بروح المحبه والاحترام وتقدير

تحياتي يااخواني

مشكوره اختي على موضوعك..وبشكرك على روحك الجميله....وان شاء الله المنافسه تبقى بيننا في اللعب فقط....والله يهدي جمهورنا ....ونبطل التشجيع الاعمى ....ونشجع بروح رياضيه ......

[loaialmansi@]

بداية موفقة ولا للعنصريه داخل الملاعب الاردنيه فكلنا اخوة

[jamalsadeq]

للاسف الكتير من جماهيرهم عنصريين

[المعايطه]

هلأ انا معك انو كلهم اندية اردنية

بس متلا ليش احنا ما منكره الررمثا او ش. الأردن

او المنشية او أي نادي اردني تاني

لانو ما عندهم العنصرية الي عند جمهور الفيصلي

بيتركو المباراة واللعب والتشجيع وبيسيرو يسبو على الوحدات وعلى اشياء هم اصغر من انو يحكوا عليها (فلسطين )جد تصرفاتهم كتييير over

وغيرها بس من حقهم ما يشجعو

مو شايفين لعب ئدامهم وغير هيك احنا ازا لعبنا

مع غيرهم بتلاقيهم راحوا يشجعوا الفريق الي بيلعب

ضدنا ليش كل هادا حقد على الوحداتية .... بس

حقهم الوحدات مو مخليلهم ولا بطولة ولا شي يفرحوا فيه

كيف بدهم يحبو وينسوا الأسى الي اجاهم منا ...

متل ما بيئولوا (الأسى ما بينتسى )

وانتي حنان اهليين فيكي وحداتية جديدة بيننا منوووورة

شوفي اختي انا بحترم رأيك وهذا رايك الشخصي....بس بالنسبه الي القصه مش قصه كره ...يعيني الامور مش مستاهله اني اكره شخص عشان لعبه كره قدم....انا بشجع الفيصلي بس بنفس الوقت ما بكره الوحدات او جمهوره....بالعكس انا بكن الكم كل الاحترام والتقدير وبعتبر الاعضاء اللي بالمنتدى زي اخواني ....ولما يفوز الوحدات بنباركلو ...ولما يخسر بنحكيلهم هاردلك....بالنسبه الك هيك تصرف كره؟؟؟!!!!....اكيد اي فريق بلعب ضد الوحدات محليا بحب يفوز ...مش لكرهي للوحدات بس مشان ل يستفيد فريقي مش اكتر.... اما مشاركات الوحدات الخارجيه بكون في الملعب اول واحد لانه بكون بمثلنا كلنا بمثل كل الانديه ...اما في بطولاتنا المحليه ما في مشكله انو تتمني لفريقي يخسر مشا يستفيد فريقك مش بسسب الكره....

بعدين بالنسبه لمستوى الفيصلي ....انا معك اللو فتره مش بطاله مستواهم بالحضيض...وبتصير مع كل الفرق...يعني لكل فريق زمن ..والفيصلي في بدايه الالفيه كان مستوى ممتاز....والوحدات ما كان بوضعه....ورجعت والامور اتغيرت .... يعني عادي بتصير مع كل الفرق ....


وبانسبه للبعض من الجمهور اللي بغلط على المقدسات...هذا الشخص احنا اكبر اننو اناقشو ...لانو بعيد عن كل اشي ومش انسان اصلا... يعني شخص بوصل لهيك ...شو بكون ...؟؟؟؟؟


احنا كلنا بأذن الله اخوان....ونسايب وجيران واصحاب ...ان شاء الله ما ننجر للامور هاي وتبقى كره القدم في الملعب


واخيرا ...تقبلي مروري

[أبو أسامة العوري]

أولا اهلا وسهلا فيكي وثانيا بتمنى من حضرتك يا أخت حنان تدخلي عموقع الفيصلي وتشوفي العضو أيمن عدوان أيش بسب على شهداء فلسطين وعلينا وبلعن الي ما بلعنا وبحكي أنو الله بكرهنا مشان هيك بكرهونا وما استنظف واحد من مسؤولين المنتدى عندهم يشطب الي كاتبو وتم نشره في موقعهم والله العظيم فتحت موقعهم بالغلط وشفت هيك شو رأيك بدون تعليق!

[waleed allyan]

موضوع روعه وكلام صحيح 100%

[فلسطيني وحداتي بالفطرة]

الاصل بالموضوع عدم الانسياق الا الشرذمة في جماهير الفيصلي
اعز اصدقائي فيصلاوية ووطنيتهم وعروبتهم لا مساومة فيها ابدا
ولا وحدات ولا فيصلي بنفعنا لما تتعلق القضية بالوحدة العربية وليس الوطنية فقط