ردا على تصريحات طارق خوري

[adham]

صراحة
مش عارف وين منطق الخلاف بينكم
هذا بيحكي النادي مديون بثلاثمية الف وبدور على محترفين على كيفه
وهذا بيحكي النادي مديون بثلاثمية الف وبدور عقود مدرب خيالية وعقود لاعبين راح تزيد الطين بلة
صراحة انا ضد التعاقد مع شلباية ورأفت بهذه المبالغ بما اننا في زمن الاحتراف والمادة فمادياتي ما بتسمحلي اتعاقد بهاي المبالغ
والافضل تركهم يشوفو رزقهم ويشوفو عروض ثانية ان كان فعليا هناك عروض ... وبالاخص شلباية ... لانه ما استفدنا منه شي هالموسم ومع هيك ما حط حصوة وبعينه وقال خليني اوقف جنب النادي الي وقف معي
اللاعب الوحيد في النادي الذي يستحق عقد خرافي هو حسن عبدالفتاح
لانه اكثر لاعب افاد النادي ماديا
وبالنسبة للادارة
فالطرفين بيستغلو بعض وبيحاربو بعض
طارق من جهة ... وجماعة البياري من جهة ... وجماعة عزت بيتفرجو وساكتين مع انه هم الي لازم اكثر ناس نسمعلهم صوت بسبب خبراتهم ومكانتهم
في الاخير كما قال احد الاخوة
عشوة راح تنسيهم خلافاتهم ... بس ما راح تلغيها
ومع اول نكشة راح يرجعو لنفس الطريقة


غريب امرك يا وحدات
والله انك من اقوى اندية العالم
طول عمرك وادارتك دايما متحاربة ومع هيك بتجيب نتائج ... اللهم لاحسد
نفسي اعرف لو استمرت ادارة متحابة متعاونة لمدة دورتين او ثلاث كيف راح تكون نتائجنا

[Abu Khaled]

طارق خوري لن يناظرك ولن يواجه احدا ...لانه رفض لقاءا مفتوحا مع اعضاء المنتدى فكيف له ان يواجهك...

[اياس قصراوي]

ولا مستعد اقرأ كلمه لانكم فاشلين

[أبو وليد اللورد]

وين ابو سامى مايرد على ابو محمود

[موسى سومه]

لا تعليق؟؟؟؟؟؟؟؟؟؟؟؟؟؟؟؟

[براء صبرة]

الله يحميك يا وحدات

[ابو سامي شاهين]

أنشر يابا أنشر،،،

اعطي يابا اعطي ....

[Alkhatib]

طارق خوري لن يناظرك ولن يواجه احدا ...لانه رفض لقاءا مفتوحا مع اعضاء المنتدى فكيف له ان يواجهك......

يا اخي لا تنسى انجازات خوري
وبلا تجريح بالزلمة

[طارق الشلالفه]

الى السيد طارق خوري مع جزيل الاحترام والشكر
عندما تشرفت حضرتك ودقيت با ب نادينا .. خكيتلك ابا ها بالمليان انت جاي عشان الانتخابات النيابيه . والحمد لله ثبت ذلك
مستر خوري دعمت النادي وما قصرت ..
دعمت كتاب الروايات وما قصرت
دعمت الايتام وما قصرت
عقود بالجمله .. وما قصرت
عينك كانت ع مجلس النواب .. واخذت اللي بد اياه .. ليش ؟ اشي برجعلك
دخلت النادي في متاهات الهيمنه اللي مسيطره فيها امريكا ع الوطن العربي
خففت من الفساد
وما سرقت .. بس ارهقت رهقت الخزينه .. وظليت الداعم الاكبر وصرت اللي ماسك علينا ممسك باموالك
واليوم القانون لم يعيدك رئيس نادي بالرغم من الفتره الذهبيه والانجازات في حكمك
ومجلس النواب وكش ملك
سردت تاريخك ان صعدت من بياع ع بسطه في وسط البلد لمليونير بثروه طايله وما قصرت
لفتنا نظرك وقلت اهل مكه ادرى بشعابها وبطلعلكش
واخرتها يعني
الا تدري ان شباب الواحدات قادرين ع فرط المجلس من اوله لاخر ه.. وتقديم ثروه بتبرعات بسيطه تشيلك وتشيل نفوذك .. وقواتك المحموله .. انت وغيرك
يا خي
مجلس نواب وما عنا
سياسة الهيمنه وقرفناااااها
تحل عنا وتمشي باحترام وتذكر للتاريخ
والا نعلم ان المخيم عندما يريد الابتسام .. يعبس مدنً كبيره .. فما بالك باشخاص .. يا خي ارحمنا
بكفي حل عنا النادي الو اصحاب ابدى منك ومن كل اعضاء محلس ادارتك مع فائق الاحترام
النادي للمخيم .. مش شعار شركه اشتثماريه .. ماشي فيها هيمنه اعطل من بوش .. ححل عنا ارحل
ومن حقنا نلفظك في اي لحظه ..
ا

[المارد الأخضر]

لا حول ولا قوة إلا بالله،،،

شيء جيد ان نعي حقيقة ووضع نادينا،، لكن شيء مؤسف ما وصلت إليه الإدارة من خلافات نتمنى ان لا تصل حد شق الصف والتناحر مما سينعكس سلباً على نادينا العزيز،،،

لا شك ان هناك مشاكل كثيرة ومتعددة،،، مالية وغيرها،،، ولا يمكن بأي حال من الاحوال الخروج من هذه المشاكل إلا بتظافر الجهود والعمل بروح الفريق الواحد وإخلاص النية والتفاني،،

نسأل الله ان يقدم ما فيه الخير للوحدات،،،

[احمد الامين]

في كل اندية العالم المدير المالي يضع نظرة مستقبلية للامور المادية في النادي كالاعلانات وتسويق منتجات النادي فأين انتى من هكذا امور وهل قدمت لمجلس الادارة مثل هذه الطروحات التي قد تساهم في حل الازمة التي تتحدث عنها ام موضوعك هو انتقامي بالدرجة الاولى ؟

[عين الصواب]

مع احترامي لكل المحبين للوحدات : الا انه يجب عند انتهاء اي فترة مسئوليه يجب تسليم الدفاتر للاداره اللاحقه بشكل سليم ومدقق. والاداره السابقه لا بد انها قامت بتسليم كل ما لديها من اوراق ودفاتر وتقارير قبل اخلاء طرفها والبدء باجراءآت الانتخابات الجديده والا كيف قبلت الاداره الجديده العمل بدون اغلاق الدفاتر.
هذا فهمي للعمل المؤسسي.
اما اذا في اشياء مخفيه ومدفونه وبلشت ريحتها تطلع ...هذا شيء خطير وعلى الاداره توضيحه وبشكل تام وقبل ان تتفاقم الامور. ما المانع من تقديم تقرير مالي شامل عبر الصحف كأي مؤسسه تحترم حالها والا وين الشفافيه والمصداقيه.
اتمنى ان يتم معالجة الموضوع بسرعه وعدم ترك كرة الثلج تكبر.

[green is green]

يا عيب الشوم على هيك ادارة . ما بدنا اياكم

[العماري]

وبعدين مش راح ننتهي من ها القصة
وغدا سنرى موضوع لرئيس نادي الوحدات ضد .........

[ismaeel]

عنجد شو بتعمالو في الاجتماع كلكم مصالح
ولاهم الوحدات انشاء الله عودنا كبير