فقط للتوضيح

[أبو سند]

شباب فقط للتوضيح بان سبب غيابي عن الاجتماع هو كسر زجاج سيارتي وسرقة كل محتوياتها الهامة من اوراق خاصة وهامة جداً وهويات وبطاقات ائتمانية ودفاتر شيكات وامور اخرى. وهذا الامر استدعى المتابعة لدى الجهات المعنية لوقت متأخر جداً.

هسه صار لازمك اكمن بودي غارد بالعقل

[ايمنوني]

معلش ابو سامي بدك تتحمل ، والله يكسر رجله اللي عملها

بس ما قلت لي اي سيارة فيهم ؟؟

الفوكس وللا السيفيا 1؟

[عنان زيتاوي]

ربنا يعوض عليك و حمدلله على سلامتك اهم شي

شارع النادي الارثوذكسي مزروع كاميرات من اوله لآخره ، أن شاء الله ببين الفاعل.

بس صحيح سيبك من الارثوذكسي و لا تروح غاد كلها زعران هناك ، فش أحسن من الوحدات

[حسام الجالودي]

الف الحمد الله على سلامتك يا ابو سامي ، والله يكسرها ايده الي عملها

وان شاء الله تبقى شوكة في حلق الي بكرهوك ، جيبلك سيارة مضادة للكسر او مصفحة

[abdullah]

الحمدلله عسلامتك يا ابو سامي، وان شاء الله ببين الفاعل ..

[Loai Al-Hajjaj]

بالسلامة إن شاء الله ... إلك و لسيارتك .. نصيحة بدّل سيارتك الروفر و إشتري كيا سيفيا كحلي ... و صدقني ما حد رح يلمسها

[اللداوي]

بالسلامه ان شاء الله ابو سامي
صحتك بالدنيا

[احمد الامين]

معلش ابو سامي بدك تتحمل ، والله يكسر رجله اللي عملها

بس ما قلت لي اي سيارة فيهم ؟؟

الفوكس وللا السيفيا 1؟

ولك باعهن وشرى لادا 2012 على الزيرو ولهسه ما حلاني زي ما وعد

[CaT]

الله كريم

والله الواحد مش عارف شو بدوا يحكي

بس انتبه على حالك

[العماري]

الحمد لله على السلامة

[طحيل]

الله يعوضك خير يا ابو العز
شو موديك ع عبدون

[شادي محمد]

معلش ابو سامي وشكرا ألك ع توضيح بس بدك تتحمل هادي ضريبة النجاح
فما بالك لما تكون رجل ناجح ووحداااااااااااااااااااااااااتي كمااااااااااااااااااااااااان

[ايمنوني]

ولك باعهن وشرى لادا 2012 على الزيرو ولهسه ما حلاني زي ما وعد

ابو سامي قدها والحلوان الي والك ما رح يقصر فيه

بس ما لقي غير لادا !!!!!

تحت ايدي شكودا 91 حريقة بس بدها جدلة كهربا جديدة اذا ابو سامي له مصلحة .

[هيثم احمد دراغمة]

الاشجار المثمرة من ترمى بالحجارة يا ابو سامي
وستبقى شوكة في حلوقهم يا كبير

[عين الصواب]

سلامات يا اخ ابو سامي.
معناة الموضوع وتوقيته فيها ان وكل اخواتها.
بعدين غير السياره ويا ريت توظفلك حارس او سائق بدل كل هالبهدله.
وبعدين ليش سيارتك ما فيها كاميرا وجهاز انذار مع تسجيل فيديو؟؟؟؟سياره ثمنها بوصل تقريبا ل2500 دينار وما فيها كاميرا؟؟؟ غريب
انا كان عندي في الكورولا 80 مسجل اصلي.