خبر دراغاني : أبو زمع يستعد للتوقيع للكويت

[muha-1990 القريوتي]

ان شاء الله بنلاقيهم بالنهائي وبنطسهم

[أبو محمد المدني]

و كأنك بتحكيلي إنه إدارتنا غبيه

أنا بعرف شو بحكي .... والاداره ما قصرت برغم رفضي الكامل للاداره ... وقلت ما حصل وبوجودي ...

[alloush80]

ان شاء الله بنلاقيهم بالنهائي وبنطسهم

انشاء الله

[ابو طلال القدومي]

ليش ما ندافع عن دراجان و دموعه ؟
دراجان و عبدالله من احسن الاجهزة التدريبية اللي دربت الوحدات ، كانوا ملتزمين بالعقد مع النادي و اعطوا كل جهدهم ، و ما قصروا ، جهاز تدريبي قرر يحترف و هذا من ابسط حقوقهم ، والله يوفقهم

و ما تنسى انهم ما وفروا مجهود حتى آخر دقيقة في العقد في مباراة شورتان ... و بصراحة نشكرهم على التفاني في العمل و الالتزام

و بنسبة لرافت علي راح تيجي الايام و تعرف انه لمصلحة الوحدات و رافت انه يتحرف

[ابو طلال القدومي]

هيك مضبطة بدها هيك ختم
أسلوب المراوغة هو الأسلوب المعتاد لإدارتنا ... و هيهم شربوا من نفس الكاس اللي أذاقوه لمحمد عمر و ثائر جسام و أكرم سلمان

هذا إن كان أبو زمع إتبع أسلوب المراوغة ؟!! عقده إنتهى و من حقو عدم التجديد

ليش فش حد راضي يستوعب انه الجماعة عقدهم انتهى و ما بدهم يجددوا يعني خاوه الشغله

هايي اجنا العقيد الي كنا انطالب فيه قبل دراغان

[يحيى الحلو]

بالتوفيق للدراجان
والبرنس ابو زمع في مهمتهم التدريبيه القااادمه

والي بدري بدري ...................

والي ما بدري بقول كف عدس

حقو بس مش بهاي الطريقة وهذا الاسلوب

دقق بالجمله الي كتبناها انا وحازم بتعرف

[أبو وليد اللورد]

بصراحه قويض افضل مدرب راح يكون للوحدات بس دراغان اول طائره على كرواتيا

[ابو طلال القدومي]

بصراحه قويض افضل مدرب راح يكون للوحدات بس دراغان اول طائره على كرواتيا

من خلال ما بسمع عنه انه ما بجامل لاعب و لا اداري ,, انا متأكد انه رافت راح يطلع من الفريق للاحتراف لانه عارف انه قويض ما راح يعطيه صلاحيات مثل دراغان

انا متفائل باذن الله بالعقيد ابو شاكر انه يعطي فرص للشباب عشان تثبت نفسها

[alloush80]

من خلال ما بسمع عنه انه ما بجامل لاعب و لا اداري ,, انا متأكد انه رافت راح يطلع من الفريق للاحتراف لانه عارف انه قويض ما راح يعطيه صلاحيات مثل دراغان

انا متفائل باذن الله بالعقيد ابو شاكر انه يعطي فرص للشباب عشان تثبت نفسها

قويض من زمان ونفسنا يدرب الوحدات

الحمدالله انوا انتهى مسلسل المدرب

[أبو السوس*]

برأيي المتواضع قويض افضل من دراغان و جمال محمود بِحط ابو زمع بجيبته الصغيره فنياً

[خالد الصراوي]

الأقنعه تتساااقط

[ابو طلال القدومي]

برأيي المتواضع قويض افضل من دراغان و جمال محمود بِحط ابو زمع بجيبته الصغيره فنياً

باولى مع حق قويض افضل من دراغان لانه بشتغل على مستقبل فريق

اما الثانية .. لأ .. ابو زمع افضل من جمال محمود لانه ابو زمع مش قليل و اكتسب خبرات من عدة مصادر داخليا و خارجيا ... و صدقني تمسك دراغان فيه مصلحه مش علاقة صداقة ... ارجع بالذاكرة شوي دراغان ما كان يقرر الا يرجع لابو زمع

ابو زمع بنتظره مستقبل كبير في التدريب و راح يجي يوم و يكون مدرب المنتخب الاردني

[وحداتي من ساسي لراسي]

بالتوفيق للوحدات والهم

[اشرف السعد]

بالتوفيق لأبو زمع

[we7date_we_afte5er]

يـــا الله شو بتمنى نلعب معهم في نص النهائي او النهائي و نراوحهم