ادارة نادي الوحدات اداره ناجحه

[محمد الوحداتي2011]

إدارة فاشلة إدارة فاشلة إدارة فاشلة

والمشكلة مش الفلوس يا استاذ

المشكلة طريقة التعامل وتصفية الحسابات قبل الفلوس

مشكلة الفلوس موجود في تاريخ النوادي الأردنية من يوم تأسيسها

عالجها

[وحداتي من ساسي لراسي]

قال ادارة ناجحة قال ,,الله يسامحك

[أبو أحمد زبدية]

اذا بتقدر تغيرهم احنا بنشد على ايدك

يا رجل هذول ما حدا بقدر عليهم الا الله عز وجل,,اي اذا بصيحوا من العضوية وبدأوا بتجميع الهويات للمعارف عن جنب طرف,, مع احترامي لبعض شخوصها فهي عبارة عن مافيا

[باسل بدير]

اما عاجبكو الي بسير في النادي
كلو من تحت الكلام الفاضي الي بتقولوه

إيش بقولوا

[عبد الرحمن شاهين]

من شسميت ابو بكر كانها ناجحة

[موسى سومه]

أهم أشي الوحدات..وجماهير الوحدات

[محمد جبريل]

كلمه اداره فاشله بتعصبك طب يا اداره فاشله يا اداره فاشله

[ماهر الحسنات]

اذا بتقدر تغيرهم احنا بنشد على ايدك

بالرجال والصبر والنفس الطويل الجبال تزول ....
بالعزيمه والاصرار كل شيء بيتغير ....
بالخاوة والاعتصامات تسقط الادارة الفاشلة ...

نعم ... الجماهير تريد إسقاط مجلس الادارة ...

زنقه زنقه ... دار دار .. إدارتنا برى الدار ...


كلمة حق لا يوجد إداري في هذه الادارة الفاشلة ... عليه العين ...

البياري ... مش فهد .
طارق ... مش خوري .
النجار ... مش رحمان .
السناوي ... مش حكيم .
خليل ... مش مُبارك .
عزت ... مش عزيز .
غصاب ... مش خليل (صديق ) .
دحبور ... مش سامي ( نبيل بأخلاقه ) .
الأسمر ... مش عَوض .
بسام ... مش مبتسم .
زياد ... مش صاحب النادي .

[ramahi]

اخي الكريم تقاس الاداره بالنجاح والفشل في مقدرتها علي النجاح بادارة النادي فالاداره من واجبها جلب الاموال وهم ايضا مسؤولون عن صرفها وحصد الانجازات . اي شخص يمكن ان يستلم منصب مدير ولكن ليس كل مدير ناجح .

الان اذا كان مدير في شركة ابوه فهو حر ومن حكم في ماله ما ظلم . فليس نادي الوحدات ورثوه عن ابائهم واجدادهم .
ليقوموا بالتحكم بمصير نادي الملايين .

الان انت عرفت لما اقول انها اداره فاشله ولكن لم تقل لي اين نجحت الاداره ؟

[رمزي الياموني]

الله يهدي النفوس اخواني
بالنسبة لي
هناك علامات استفهام كثيرة على الادارة وطريقة ادارتها للنادي وبعض الامور مثل التسريبات وووو
لكن انا اؤيد عدم استخدام جملة فاشلة والدليل ان هناك بعض الامور التي تحسب لهم

بالنسبة لي من الممكن تسميتها
ادارة المصالح الشخصية

[د.بشير]

الله يجيب الي فيه الخير

[عمر اللحام]

كل ادارة لها ايجابياتها ولها سلبياتها
لكن مشكلة الادارة الجديدة انهم استلموا الرئاسة
والنادي كان معجق شوي بالبطولات .. وفترة انتهاء العقود وهيك ..
نتمنى لهم التوفيق .. وهيهم بلشو يشتغلوا صح .. جابو مجرب محترم ..
وهيهم بيقنعوا برأفت ... اتوقع انه كمان شهرين تستقر امورهم ..
وتصير افضل وافضل

[د. محمد]

؟؟؟؟؟؟؟؟؟؟؟؟؟؟!!!!!!!!!!!!!!!!!

[مهند مشة]

والله فكرتك بتمزح...او كاتب العنوان عشان تجذب الأنظار

بس طلعت بتحكي عن جد...............

وبالنهاية هذا رأيك واحنا بنحترمه........أكيد

[عين الصواب]

ليش هو الاداره الناجحه ما بتعرف الا يوم التجديد كم معها في القاصه؟؟
هاي هي الاداره الناجحه برايك؟
بعدين هو دراجان وغيره طلعوا الهم بالسحبه ومش عارفين من اشهر منذ ان احرز الوحدات الانجازات انه الاسعار التهبت؟؟
شو عملت الاداره لتعزيز الوضع المالي ؟؟ والا هذا شغلة الفراشين كمان؟؟
شوف اخي الكريم : من يريد ان يتبوأ مركز اداري عليه ان يتحمل وزر اخطائه ويتحمل لسعات النحل الاخضر.
نحن تعلمنا ان نقول ما نرى ولن نسكت لاننا نعلم ان هناك تقصير وفشل اداري والاهم مصلحة النادي.
ادارة النوادي غير ...واللي ما بعرف ...برشح حاله لادارة نادي وبدبر حاله وبفوز ... وخليه يتلقى عن راسه.
يا اخي يستشيروا النوادي العالميه واللي عندها خبره وانا متأكد ما حدا منهم رح يمنع الخبره عنهم.. بس الاداره عنا انولدت خبيره وبتكابر وهي حايسه.