تلبية النداء :: الى الجماهير الخضراء بمحافظة الزرقاء هبوا على ملعب النار

[أبووسام]

موال للفنان الفلسطيني إدريس العلاري :

بنغني للوطن وبنرفع الموال

بنغني لفلسطين إمنا الحبيبة ..

بنغني لشعب حر مكسر الأغلال ..

روحو على الكفوف مرهونة ..

فلسطين يا ست حروف في الموال

كتبوهم بدمهم شهداء المسيرة

الفاء : فرسان عروس الجبال .

اللام : لحد بيارقنا المجيدة .

السين : سيف ذو حدين في النزال .

والطاء : طلاب المجد يا دم محمد الدرة على الأرض زينة .

والياء : يمين الله بيفجر الزلزال .

والنون : جبرنا على الله نحقق دولتنا الحبيبة .

إمي إمي معها أرقام .. أرقام تحكي بعد نكبتنا ..

تحكي لأختي عن الإسراء والإسلام ..

وعن مهد عيسى وعن كنيستنا ..

حاجات حاجات يا عربنا نشكي الظلم للظلام

ونبوس إيد اللي ذبحتنا .

-----------------------------------------

وفي موال تاني بحيك :

بدي أحكي قصة قصيرة للجوادة صارت أمامي بمستشفى الولادة :

أجو ثلاث نسوان بحالة وضع ( ولادة يعني )

الأولى غربية مش معروفلها هوية .

سألها دكتور العيادة ليش ما بتصرخي ما بتتألمي ؟؟

قالت : عارفة جايتني بنت صبية عيونها كحلاوية .

خدودها مشمشية بعد سن ال18 يا دكتور قانونها بيقل علية .

والثانية خليجية سألها دكتور العيادة ليش ما بتصرخي ما بتتألمي ؟؟

قالت : عارفة جاييني صبي .

يحلم بالدنانير والدولارات .. آبار النفط عندو مليانات .

عقارات سيارات إستثمارات .

يلم الإيجارات .. يغازل البنات .. يلاحق السكرتيرات ..

وراحت يا عربنا علي عليه راحت ...

والثالثة فلاحة فلسطينية ..

من البوابة مبين عليها عصبية ..

سألها دكتور العيادة ليش هالصرخة القوية ؟؟؟

قالت : مش كادر لحظة أتصبر .. دمي بشراييني بتفجر ..

جنيني يا أهل الله في بطني عم يتفجر ..

جاي عدرب التحرير فدائي أسمر ..

حالف للأقصى يتحرر .. على جبينو فلسطيني حر .

وعلى بصدروا موشوم بعلامة النصر كلمة ( الله أكبر )

من الضيم لأصيح الله وأكبر ..

عاللي بلوتو من بلوتي وأكثر ..

يا خوفي يا دياب يكسي الشيب راسي وأكبر

وأموت كبل ما أتحلى بترابك يا قدس العرب ..

[أبو الوليد]

دعوة لكل محبي الوحدات بأن يكونوا خلف المارد الأخضر

[عبدالله البوريني]

بدنا الملعب فل وجاهير الوحدات في الزرقا ما بتقصر باذن الله

[ابن الزرقاء الابية]

مشكور يا غالي
والله يا ريتني في الاردن كان اول واحد كان موجود بس الغربة الله يكون بعونا عليها

[وليد عليان]

ضاحية الحاج حسن/ الوحدات

نداء الى الغالي أحمد ياسين أبو زاهي والحبيب مصطفى الجمزاوي اللولو خبروني وين رخ تكونوا بأي جهه من الأستاد ألف أهلين برجال الزرقاء المخلصه

[ابن غزة الوحداتي..]

الكل حاضر ان شاء الله وجماعة الرصيفه طالعه كلها بالسيارات فاردة....جهاير الوحدات نلقاهم في كل مكان

[anas_sb2005]

دعوة الى جماهير الوحدات العريضة والوفية كنتم دوما تلبون النداء وتقفون خلف الوحدات في السراء والضراء فلنري الجميع في الاردن وخارج الاردن من هي جماهير المارد والزعيم الاخضر ولنري كل الفرق الاردنية والالتحاد انه بدون الوحدات وجماهيره لا نكهة لكرة الاردنية

[Fuad-GfX]

الله حيهم رجال الزرقاء الابيخ

[دافيد فيا]

ان شاء الله سنحضر ونورجي الاداره شو بدها تعمل

[abed_ma7seri]

ان شا الله الكل يكون موجود

[اسامة ابو سرور]

حاضرين بكرا من الصبح لعيون الوحدات وجمهور الوحدات

[قطرات وحداتية]

من الرصيفة طالعين
ان شااء الله

[أبو صلاح القصراوي]

أنتم أوسمة العز و الفخار .. موعدكم هناك في ملعب النار و الإنتصار ...

[ليث فلسطين]

بأذن الله من 1 الظهر راح اكون بملعب لعيون رب الوحدآآآآآآآآآآآآآآآآآآت

[ten_cent]

اي ساعة التجمع بالمجمع وكيف بدنا نطلع من المجمع