الاحترام واجب

[وحداتي قريوتي]

هذا لانك انسان محترم والله .. وعثمان القريني انسن محترم ايضا ولا يجوز ان ننهش عظامه

اللي مش عاجبه تعليقه يحط ( MUTE )

على راسي ابو عمار يا حكيم المنتدى

[Abu Al-Walled]

[

عمار الحبيب ....والدك يلقب بحكيم المنتدى ...وهو يملك من الحكمة الكثير لكي يرد هو بنفسه ...فلا تخيب ظنه فيك ....ابقى عند حسن ظن والدك فيك واتركه يرد بطريقته ...اضف الى ذلك ان الاخ الذي اقتبست مشاركته لا يعرف الوالد ولا يعرف عمره ....وتقبل مروري بصدر رحيب يا عمار العزيز .....على الفكرة شقيقي الاصغر اسمه عمار برضو ...وزيك هيك دايما حميان ......[/SIZE]

[ابو عمار الجنيدي]

قصدك عوصمان القريني عرأي محلل الجزيرة

العزيز ابو عمار, كان مدرب ناجح مرة بحياته فمش ضروري يكون معلق ناجح

وصوته بدايقني وهو بعلق, لو ما يحطولنا معلق احسن, بنقعد نسمع الجماهير وخلص

بقضي المباراة بحكي بالتواريخ وبقززنا

بعدين لما يجي جول لازم يحكي " هدف على حبيبو علي صديقو على رفيقو نادي المنسية" يعني شو ضرورته هالكلام ولا بهز ذنب؟

ولما أي وحداتي يعمل اي حركة بصير يطلعه غلطان ويحكي عليه, ولو جبنا جول زي جولنا الما انحسب مع كفرسوم بصير يحكي مليون بالمية مش جول, اما اذا الفرق "الثانية" عملت اشي بسكت وما بحكي, واذا جماهيرهم اتواقحت ما بجيب سيرة, واذا اجتهم فرصة بصير يقلك يمكن كانت جول والحكم ما حسبها, واذا جماهيرنا شجعت باحترام بنتقدها

يا زلمة هاد ما بستناهل يعلق على الدوري الصومالي الدرجة الرابعة

اخي رافت الله يرضى عنك
رايك ونحترمه ومن حقك ان تنتقد كما يحلو لك ولكن انا حبيت اوضح نقطتين
الاولى ان النقد يجب ان يكون بدون اي اساءه لان اخلاقنا اكبر من ذلك
الثانيه ان بعد كل مباراه يعلق عليها الاستاذ عثمان بنزل اكثر من موضوع بحكي بنفس الشغله يعني بكفي يا اخي الكل عارف انه تعليق الاستاذ عثمان ليس كما يجب ولكن ايضا لا يجب ان ننهش بالرجل على الطالعه والنازله
شكرا لك

[ابو عمار الجنيدي]

اشهد بالله انك انسان محترم يا اخي ومشكور على كلامك الممتاز في حق القريني
الف تحية واحترام لهذا الانسان الخلوق

اشكرك اخي الشهيد الله يرضى عنك وشهادتك نعتز بها كثيرا
الله يهدي البال يا رب

[ابو عمار الجنيدي]

بصراحه عمي ابو عمار

انا بس اسمعه وهو بعلق

بصيبني مغص

بقدرش كل مباراة بعيد نفس الاسطوانه ونفس التاريخ

ما بجيب شي جديد

ولكن كل التحيه لعثمان القريني

الله ينجحك ويوفقك يا فؤاد ويرضى عنك وانت شب خلوق ومحترم ولكن يبقى ابننا وعلينا ان نتحمل
شكرا لك

[ابو عمار الجنيدي]

أحسن الله إليك..
بصراحة في بعض التعليقات كثير مش حلوة ...

اشكرك على ردك الجميل والمعبر
شكرا لك

[abdullah]

قولي من قولك يا ابو الوليد ..

[ابو عمار الجنيدي]

أحياناً .. أنت مطالب بإحترام و تقدير الطرف الآخر بغض النظر عن كفاءته .. لموقف أو فعل سابق ...
عافاك أخي أبو عمار نداء طيّب .. و أتمنى مثلما تتمنى بإحترام هذا الرجل ...

الله يحيي اصلك يا ابو صلاح فعلا علينا ان نحترم لكي نحترم
شكرا لك يا غالي

[أبو السوس*]

إحترامه واجب

لكن أحيناً بتحس إنه بمسح جوخ لناس على حساب الوحدات
خاصه الفيصلي و أخطاء الحكام و الأتحاد


سلام الله عليك أبو عمار العزيز

[ابو عمار الجنيدي]

تاريخ عثمان القريني يجب ان يشفع له لدى الجماهير
لكنه للأسف يجامل الجماهير الاخى على حساب الوحدات

الله يرضى عنك كلامك صحيح ميه بالميه
اشكرك على مرورك

[باسل بدير]

يا عيني عليك يا أبو عمار

القريني له تاريخ وعلى الجميع إحترامه

بارك الله فيك وفي مواضيعك الهادفه

[ابو عمار الجنيدي]

عم أبو عمار .. بتصوري عندما نتحدث عن السن والاحترام فالأجدر بصاحب الشخصية أن يحترم نفسه إن كبر في السن ويتوقف عن عدم احترامه لمهنته .. احنا مش قاعدين بنشجع بريال مدريد ولا برشلونة كمعلقين عرب .. لننحاز لهذا ولذاك .. نحنا في مباريات حساسة .. تتطلب المهنية .. وكأردني وبعرف شو حساسية هالمباريات .. لازم يكون حيادي .. يعني لاعب الخصم بكون بصيد عصافير .. والكرة خارج الملعب .. وبعيدة عن الجول 100 متر .. وبحكي لك كرة خطييييييييررررة ... يعني هيي حرقة أعصاب ؟؟!! أنا كنت بحلق في اللحية وقت المباراة .. وكنت شغال ع الصوت بعد ما اتطمنت من نتيجة المباراة نوعا ما .. وكل ما يحكي خطيييررررة .. اترك ماكينة الحلاقة وأروح ركاض أشوف .. تطلع مش فرصة .. ولا فرص .. أشباه أشباه أشباه فرص ..

عليه أن يحترم سنه .. ويحترم مهنته .. ليفرض على الناس الاحترام .. وكل اشي كرظة ودين .. حتى دموع العين
والمحترم بنحترمه وبنحطه ع العين والراس .. بس بنطخ احترامات للي بستاهل والي ما بستاهل .. بصير حيطنا واطي كثير

اخي الغالي
انا بعرف الاستاذ عثمان شخصي من 30 سنه وهو استاذي ومدربي ايضا وهو قمة اخلاق متنقله ومحترم لابعد درجه ممكن تتصورها ومحبوب من جميع اصدقاءه وتلاميذه ولاعبيه وتربطه معهم علاقات رائعه
واذا كنت حكمت على الرجل من خلال تعليقه بانه مش محترم اعتقد ان هذا لا يجوز يا غالي
بالنسبه للتعليق هو ليس محترف بمعنى الكلمه ولكن لا يوجد غيره ممكن ان يعلق على الدوري الاردني وبعرف الانديه وتاريخها واللاعبين ولعك تذكر من فتره علق على احدى المباريات معلق لا اعرف اسمه وكان يخلي رافت شلبايه وشلبايه العندليب والعندليب قنديل
والرجل يحترم مهنته ويحترم من يحدثهم بشكل ممتاز ولكن يا اخي المجامله لا بد منها والا انت عارف الباقي
على العموم انا اشكر مداخلتك

[عمر اللحام]

معك حق عمي ابو عمار ,,
الاخ عثمان انسان له تاريخ يحترم مع الوحدات ,,
لكن والله الوضع اصبح لا يحتمل !!
اتمنى ان يحاول التغيير والتجديد في طريقة تعليقه

[ابو عمار الجنيدي]

بس يا اخي ما حد شتمه انتقدناه اه بس ما شتمناه .. وعصمان حكاها المحلل ما جبناها من عنا !!

الله يبارك فيك يا اخي
ادخل على موضوع هنا في المنتدى وانظر بنفسك ما يقال عنه وهو ما دفعني الى كتابة هذا الموضوع
والنقد الواقعي والبناء ما حدا بقدر يحكي عنه اشي اما ان يوصف باوصاف لا تليق بسنه واحيانا من شباب صغار والله يا اخي لا ارضاها لاي عضو بالمنتدى مهما كان سنه فما بالك برجل مقبل على الستين من عمره
شكرا لك

[ابو عمار الجنيدي]

اساسا ما جاب الدور والصرع وخراب البيوت الا امثال عثمان القريني اللي ما بحكي كلمة الحق وبجامل على ظهر الوحدات

الله يحسن اليك
ان شاء الله بيتك بضل عامر بحسك فيه يا رجل مش مستاهله الشغله هو يجامل من اجل رزقه وهذا معروف للجميع
ويحدث هذا مع الكثير من المعلقين الاردنيين بالذات لان الحساسيه الموجوده بالدوري الاردني غير موجود باي دوري اخر وانت تعرف ذلك
شكرا لك