احذر يا محمود قنديل

[muhannadcent]

و الله غريبه ..... يعني اخي كانك بتشد على ايدوا بالغلط ..... و شو يعني بيعرف ويلا ما بيعرف ... الغلط غلط

و بعدين من وين جبتلي قويدر هجم و برافس .... قنديل نط من وراه و مسكوا من رقبتو و شدو على الارض ... يعني بدنا نغلط الفيديو ...... و ما شاء الله يعني لو كان يعرف انا رح نجيب جول كان ما سوى هيك ..... حلوه هاي ... مهو الوحي بينزل عليه
اتمنى حتى عندما نبرر للاعبينا نبرر بمنطقيه .... و ما نفكر بمنطق غيرنا الغوغائي

عموما اخي العزيز مباراة وانتهت والحمد لله على الرباعية
ويعطيك العافية

[silawi]

للاسف قنديل بالغ في رده فعله

[Rui Costa 10]

اه يا سيدي انا بشد على ايدو ,,, لو في بالجمهور 10 زي قنديل ما بتلاقيهم بتجرؤا و بسبو على فلسطين ولا على اللعبية , الله محيي اصل اصلك يا قنديل , كبرت بعيني 1000000 مرة.

الله يعطيك العافيه اخي غلبت حالك بالرد...... الاكبر منه ما قدر اسكتهم ..... و فلسطين و غير فلسطين و اللي اكبر من فلسطين مش مستنيه حد ادافع عنها بالطريقه هاي ..... احنا مش همج زي غيرنا .... و مره ثانيه ما نقلد غيرنا بتصرفاتهم و باخلاقهم و غوغائياتهم .... و مشكلتهم بلاقوا ناس كثير بشدوا على ايدهم بالغلط ..... خلينا ارقى من هيك .... و اجرنا عند رب العباد

[Rui Costa 10]

عموما اخي العزيز مباراة وانتهت والحمد لله على الرباعية
ويعطيك العافية

مبروك على الجميع اخي .... و بالاخير ربنا موجود ..... و هو اللي بيحفظ الحقوق مش قنديل ولا غيره

[عادل محمد دغمش]

وينك يا شفيع

[عادل محمد دغمش]

الله يرحم أيامك يا شفيع

[مالك]

قنديل بشر واي واحد ما بيتحمل المسبة خاصة انه اهلو وعيلتو بيحضرو المباراة
جمهور المنشيفيصلي همة الي زودوها هم والاعب قويدر والغريب الحكم ما انذره لقويدر

[أشرف شاكر]

قنديل حارس جيد
ولكن له حركات (قرعة) كثيرة
وتصرفاته الرعناء في المباراة الأخيرة كادت أن تكلفنا الكثير
فليس الشديد بالصرعة ولكن الشديد الذي يملك نفسه عند الغضب

أنا مع أي قرار من النادي يعاقب كل لاعب يخرج عن حدود الأدب

[رنين]

انه صراحه مابعرف صار

حدا يحكيلي؟؟!!!

[ابو العدس]

غريب مش فاهم بتشد على ايدو ليش اصلا بعد الحركه الي عملها مستوى انهز كثير 3 ركنيات بمتناول ايدي قنديل لم يخرج لها و بعدين نرفزه المباره كانت من حركه الولاديه لا يصلح قنديل ان يكون حارس لعرين الوحدات فقط خلينا حقانين يا اخي بلا شد ايدين على شي فاضي يعني ما صديت البلنتي تعصب و تنرفز لو انطرد كان المباره عيدت

اخي الكريم انتا ما بتعرف عن معنى الانتماء شي بعدينلو شفت بعد الهدف وقبل ما قنديل يوخد الكرة شو حكالو قويدر بعدين انتا روح العب مكانو......؟!

[we7daty_2adeem]

هذا الكلام صحيح لو كان في قانون في البلد
بس نحن يحكمنا قانون الغاب
لذلك اذا لم تكن ذئبا
أكلتك الذئاااااااب

[ابوصهيب تميمي]

هدوء الاعصاب ضروري لجميع اللاعبيين
حتى الفريق المنافس يعصب لاعبوه

[أبو فارس]

محمود قنديل ... ما فعلته لن نقبل به !

تكلم الأخوة باسهاب عن مباراة الأمس ،، لكن لابد لنا من التوقف عند تصرفات الحارس محمود قنديل ونرفزته غير المبررة والتي اثارت استياء العديد من الاخوة المتابعين ،،،

فبعد مشهد تنفيذ ركلة الجزاء للمنشية،، والتي سجلت بنجاح في مرمى الاخضر ،، تقدم اللاعب خالد قويدر لاعب المنشية لاعداة الكرة لوسط الملعب ،، فما كان من قنديل الا ان انقض عليه بمشهد معيب لا مبرر ولا داعي له ،،، فالنتيجة كانت تشير الى تقدم الوحدات 2-1 والشوط الاول يلفظ انفاسه الاخيرة ،، ولا خوف على النتيجة في ظل سيطرة وحداتية مطلفة على الملعب ،، ونسبة استحوذا على الكرة وصلت لـ 61% مقابل 39% للمنشية

نصيحة لمحمود قنديل ،، لكل لاعب شخصيته ،، فتقمص وتقليد حركات البهلوانية لعامر شفيع لن تخدم " شعبيتك " ولن ترفع اسهمك ،، لان لكل لاعب كما اسلفنا شخصيته التي تميزه وحركاته الخاصة به ،، ظهرت بالامس بمظهر " الطائش " بتصرفاتك التي اساءت لنا وللجمهور الاخضر !! ،، وحتى طريقة استفزازك لجماهيرهم لم تكن موفقا بها ،، كان اولى بك ان تطبق مع المسيئين المثل الذي يقول

قلة الرد رد

[مالك]

قنديل حارس جيد
ولكن له حركات (قرعة) كثيرة
وتصرفاته الرعناء في المباراة الأخيرة كادت أن تكلفنا الكثير
فليس الشديد بالصرعة ولكن الشديد الذي يملك نفسه عند الغضب

أنا مع أي قرار من النادي يعاقب كل لاعب يخرج عن حدود الأدب

اخي اشرف لازم ما نكون مع الجلادين عليه
حط حالك مكانه بطريقة الاستفزاز الي تعرضلها غير المسبات النابية
بصراحة انا شفت اللاعب بعد المباراة وحكالي انتوا مش زي الي بالملعب وبيسمع وبشوف الي بصير معنا

[اسامة ابو سرور]

كبير يا قنديل