اعلان من الجرينز التراس .. ايقاف النشاط

[Fuad-GfX]

لا تعليق

[green magic]

اخي الكريم ياريت لو ترجعو لانكو كنتو مزينين الثانيه لو ترجعو ويكون تنسيق اكبر مع المواقع ومع الجمهور وحتى مع قوات الدرك والرابطه ويكون في اعلانات الكو بين جمهور الوحدات ودورو على داعم

[walid Greens]

يا شباب ما حدا فاهم احنا ما بدنا دعم ماد من الادارة بحد ذاتها
اول دعم طلبنا انضمام اعضاء للالترا هاد اولا
تانيا بدنا نغير شكل جمهور الوحدات خصوصا في الفيراج ( الدرجة الثانية )
الكل بقعد في الاولى و لما نسوي تيفو بنتعب و بننشل و بنسهر ليالي و انتو بكل بساطة بتصوروه
مع انو ما حدا منكم بشجعنا لهذه العمليه
احنا ما طلبنا اكتر من اعضاء يعني اذا هنتكلم عن اول الترا في الاردن و في غرب اسيا زي ما حكي اخي
احنا صح أول الترا في الاردن و في غرب اسيا
بس احنا اقل الترا اعضاء و اكثر فعاليه
و كل هاد و احنا لا نتجاوز ال 20 عضو كيف لو كنا 50 شو ممكن يصير ؟؟
اتفه الترا صارت هالايام 500
و احنا بنتحداهم و بنسوي تيفوهات احلى من تيفوهاتهم و عددنا ما بتجاوز ال 20
المشكله في جمهورنا مش في اي حدا تاني
ما بدو يشجع ولا اشي بس جاي ياكل بزر
او يتمسخر على الاعيبه و يسب عليهم
و انا بقول احسن انو فرطناها
و مباريات الوحدات راح اتابعها على التلفزيون عشان ما ارجع للمدرجات و أتذكر المعاناه الي كونا فيها و التعب
و الاخوية
و دمعتي تنزل قدام الناس

[عمر اللحام]

معك حق والله يا عبد الرحمن ,,
لا إدارة بتدعم ,, ولا صحافة ,,
والدرك بينشف الريق ,,
والله مش خبرية عنجد ...
تريثوا قبل أي قرار ,,
وكلتنا معكم ان شاء الله

[طارق الحسنات]

والله انكم زعلتونا
بتمنى انو الاداره تحل الموضوع قبل فواة الاوان

[green magic]

طيب والله اني اليوم كنت افكر انظم الكو شورايك

[green magic]

طيب مادام الجمهور بذايقكو ليش ماتوخذو الثالثه لحا لكو زي باقي الالتراز

[محمد الصغير]

مش خبريه

[ع.دوله]

له يا جماعة الخير

له يا جماعة الخير .. طولوا بالكم .. الله يجيب اللي فيه الخير للجميع

[اسامة ابو سرور]

يعني مش فاهم
والله الواحد انقهر من قلبو
يعني هسا فش حل
كل بداية صعبة
واذا ارجعتو انا اول المنضمين

[ANAS]

معكم حق , فقد كنتم تعملون بلا دعم من اي جهة .
لكن للامانة فقد كانت اعمالكم كبيرة وكبيرة جدا , وما كنا نشاهده لم يكن الا جزء مما تتمتعون به من قدرات وخبرات لكن الجميع يشكو من قلة الدعم باشكاله.
شكرا لكم لجهودكم , واتمنى ان تعودوا في القريب العاجل عندما تجدوا البيئة المناسبة لابداعاتكم.

[ابو عمار الجنيدي]

و الله العالم يا غالي لما نزلت هالموضوع كانه قطعت اشي من جسمي

المشكلة صعب تنكتب بكلمتين لكن و من الاخر الجمهور بده الالترا تشتغل و الكل بتفرج و حاطط ايد على ايد و اللي اشتغل .. اشتغل للتخريب و كم من عمل من اعمالنا تشوه بجهد الجمهور !؟!

لما تشتغل على سمعة نادي وجمهور بمئات الالاف تحتاج لعدد و دعم كبيرين جدا و لتكاتف ايدي الجميع و هذا مش موجود عنا و لهذا السبب لازم نترك العمل للي بيقدر عليه

كم مرة اعلنا عن فتح العضوية ما اجى حد و كم مرة طلبنا الدعم ما اجى مية ولا خمسين دينار و كم مرة عملنا رحلة ما سجل حد ! و كم و كم و كم

الكل بحكي بس ما حد بشتغل

اخي عبد الرحمن
الخبر هذا موجع لجميع محبي الالترا وانا واحد منهم ونحن في الغربه نفخر بكم ونفتخر بكم على جهودكم الرائعه والجباره
ولكن مع احترامي الشديد انت تقول بان لا احد تبرع او يتبرع ومع اني كنت مش حاب احكي بالموضوع بس يا غالي الدخله الاخيره الوحيده التي لم اتبرع لكم بها وبالسابق ما في دخله ما كنت اتبرع بها وانت الوحيد الذي تعلم ذلك وبالذات المباريات الكبيره صح ولا لا يا عبد الرحمن
على العموم سنبقى دائما الداعمين لكم وارجوا ان يكون هذا القرار ليس نهائيا وارجوا ان تمارسوا تشيعكم باستمرار وكما عودتمونا لانكم الوجه المشرق للجماهير الخضراء ولا تهتموا لصغائر الامور
شكرا عبد الرحمن

[THE GREENS]

اخي عبد الرحمن
الخبر هذا موجع لجميع محبي الالترا وانا واحد منهم ونحن في الغربه نفخر بكم ونفتخر بكم على جهودكم الرائعه والجباره
ولكن مع احترامي الشديد انت تقول بان لا احد تبرع او يتبرع ومع اني كنت مش حاب احكي بالموضوع بس يا غالي الدخله الاخيره الوحيده التي لم اتبرع لكم بها وبالسابق ما في دخله ما كنت اتبرع بها وانت الوحيد الذي تعلم ذلك وبالذات المباريات الكبيره صح ولا لا يا عبد الرحمن
على العموم سنبقى دائما الداعمين لكم وارجوا ان يكون هذا القرار ليس نهائيا وارجوا ان تمارسوا تشيعكم باستمرار وكما عودتمونا لانكم الوجه المشرق للجماهير الخضراء ولا تهتموا لصغائر الامور
شكرا عبد الرحمن

مسا الخير ابو عمار
انا دخلت المنتدى للرد عليك بالذات مع الاحترام للجميع
ربنا وحده بيعلم انك اكثر واحد دعم الجرينز بتاريخها و انت كنت بترفض انه نعلن عن اسمك
و ان اما انكرت اي حد دعم الجرينز بشلن بالعكس كل الشكر لكل من وقف بيوم من الايام مع الجرينز خصوصا ماديا

لكن الاحباطات بالاونة الاخيرة كانت كبيرة و لو ربنا كتبلنا و حكيت معك مباشر ممكن احيلك شوية منها

الجمهور وصلنا لمرحلة الاحباااط كليا بالاونة الاخيرة خصوصا من الديربي و المباريات اللي وراها

في مباراة الكويت الكويتي مثلا كنا مجهزين احتفالية بتجنن بالهدف الاول و عشان 3 " اطفال " مع انهم بالثلاثينات من العمر مصاريانا اولا راحت على الزبالة و تبهدلنا من الدرك ثانيا و احبطنا و خرب كل اشي ثالثا هذا مجرد مثال

[THE GREENS]

اسف جدا و الله لاني ما رديت على الجميع و ان شاء الله بكرة الي عوده الوقت هسا متاخر

كل الحب و الاحترام لجميع المشاركين

[Rantisy]

بصراحة قرار كثير صعب

مع اني حاسس بالحالة النفسية اللي بمرق فيها شباب الألترا

وانا كنت واحد من مؤسسي هذه الألترا وبعرف متاعبها ومسؤولياتها

يا اخوان اللي بدو يوصله عبدالرحمن الكم انه مش بس الدعم المادي

اللي بدو يوصله انه يكون هنالك اعضاء بهذه المجموعة حتى يتوزع الحمل على الكل

انا كنت متابع لآخر تيفو انعمل بجد بس شخصين اللي قامو فيه

يعني كثير كان متعب الهم مع انه كان تيفو بسيط

كل تيفو يا اخوان بده من 10 الى 15 شخص على الأقل

لأنه الشغلة مش بس رسم .. الشغلة الها مراحل متعددة

من جمع مصاري وتحديد مكان للرسم وشراء مواد وكل مادة من مكان مختلف

وتجمع الأعضاء لدراسة الفكرة المطروحة واعتمادها ومن ثم رسمها على عدة ايام

يعني الشغلة مش بسيطة بالشكل اللي اغلبية الشباب بعتقدها

المطلوب دعم متواصل لهذه المجموعة حتى تستمر المسيرة