(ولاتؤمنوا حتى تحابوا ) دعوة إلى عهد جديد مع التآلف والمحبة بين جماهير الوحدات والفيصلي.

[عباس قراقع]

انت قلت بلسانك .. شخص !!

وعلى فكرة اهل الكرك من أطيب الناس .. عاشرتهم سبع سنين .

اولا شكرا الك كثير وانت والله اصيل ابن اصيل
بس قصدي اذا هذا الشخص صديقي الروح بالروح كيف غيرهم
الله يعينا عليهم يا اخي
بس وين كنت ساكن في الكرك وممكن نتعرف اكثر

[أبو فايز العنتري]

الله أكبر

والله أنك روعة يا عم أبو فايز

وهذا المطلوب حملة "لنرتقي معاً"

كل الإحترام الى جميع الأندية الأردنية بلا إستثناء.

بارك الله فيك .. فعلا (لنرتقي معا)

[أبو فايز العنتري]

والله يا اخي صعب جدا انوا نحبهم ويحبونا لانه الموضوع ليس كرة قدم فقط
ادخل على منتدياتهم القذرة ونظر ماذ يكتبون عنا

ما احنا قلنا .. انسوا المنتديات .. الله يهديهم ..

انزل على الشارع وشوف الفرق .

[خالد عبد العزيز]

وانا معك جزاك الله خير،،،

[أبو فايز العنتري]

والله يا كبير كنا ولا زلنا نتمنى يصير هاد الاشي
بس طول ما هي رابطة مشجعينهم بتحب الفساد مستحيل تقدر تنشر المحبة بيننا

ادعيلهم يا اخي بالهداية .. وللجميع .
فالاخ يجب ان يدعوا لاخيه مهما حصل .

[أبو فايز العنتري]

نشأت الوحداتي شكراً لك

هيك رجعتني شباب .. خليها ابو فايز .. ختيرنا يا زلمة .

[أبو فايز العنتري]

الله يقويك يا أبوفايز ...مهمتك صعبة ... و الله يجيب اللي فيه الخير

صدق ما في اسهل منها .. لأن الله معنا وسيعيننا باذنه تعالى .

[أبو فايز العنتري]

الله يعطيك العافية على هذا المجهود يا أبو فايز

هو مجهود الجميع يا ابو مالك ..
والله ان جميع الردود طيبة ومبشرة بالخير باذن الله تعالى .. بس قولوا يا رب .

[أبو فايز العنتري]

كيف تتهم جمهور الوحدات أن لديه خلل !!!؟؟ كل هذا من أجل عيون من يشتمون المقدسات والشهداء !!!!! بعدين عندما يهتف جمهورهم بشكل جماعي بالشتم والعبارات العنصرية فهذه ليست فئة مندسة !!! لو سمحت هذه الدعوة يجب أن تعرض عليهم لا على جمهور الوحدات

على راسي يا عقرباوي .. شكلك (كريب علينا ) اذا كنت من عقربة نابلس...

احترم رأيك .. بس يا عزيزي الكمال لله وحده فقط .. ولا يوجد انسان معصوم من الخطأ .. هذا كان قصدي .. فكلنا معرضون للخطأ ... فيجب الدعاء اولا لأنفسنا بالهداية .. مش خطأ أتوقع ..

ومشكور مرة اخرى .

[أبو فايز العنتري]

اولا شكرا الك كثير وانت والله اصيل ابن اصيل
بس قصدي اذا هذا الشخص صديقي الروح بالروح كيف غيرهم
الله يعينا عليهم يا اخي
بس وين كنت ساكن في الكرك وممكن نتعرف اكثر

يا عزيزي .. الصديق الوفي ليست صفاته من صفات صديقك الذي قلت عنه ... والباقي عندك .

يشرفني معرفتك ومعرفة الجميع ..
انا عملت في شركة البوتاس العربية في غور الصافي لفترة من الزمان .. والاغلبية هناك من الكرك .. والاغلبية العظمى من الرجال اللي بعجبوك عنجد .. وللآن أحتفظ بعلاقات طيبة معهم .. الجميد الكركي لهسه بجيني على اربد .. وعلى كيف كيفك .

شو بدك كمان ؟
يا سيدي انا اصلي من قرية صغيرة اسمها (دير شرف) قضاء نابلس .. من عشيرة (العنتري) .. اسأل حبيبنا (بدر فقها) .. مهو من كرايبنا طلع ...

شو بدك كمان ؟
انا كبير شوي في العمر .. يعني يعني .. موظف حكومي .. بس سامحني بلاش أكلك وين ... عندي ست أولاد ( ولدين و اربع بنات ) ... من سكان عروس الشمال (اربد) .

وحدااااااااااااتي ودمي ( أخظرررررررررررر) ... والكل حبايبي من فيصلاوي ورمثاوي والكل الكل ..

بكفي .. ولسه بدك كمان ؟

وسلامتكم .

[أبو فايز العنتري]

وانا معك جزاك الله خير،،،

بارك الله فيك وفي الجميع .

[أبو مالك الوحداتي]

هو مجهود الجميع يا ابو مالك ..
والله ان جميع الردود طيبة ومبشرة بالخير باذن الله تعالى .. بس قولوا يا رب .

قلوبنا دائما وأبدا ستظل مفتوحة، لكل اخواننا الفيصلاويين، ونحن لسنا أبدا بمنزهين، فنحن أيضا نرتكب الأخطاء، وكما نسامحهم في أخطائهم، نحب منهم أن يسامحوننا في أخطائنا أيضا.

[أبو فايز العنتري]

يا ريت الكل .. من الاعضاء والزوار الكرام ان يتمعن في هذه الآية الكريمة :


بسم الله الرحمن الرحيم

قال تعالي: {واعتصموا بحبل الله جميعا ولا تفرقوا واذكروا نعمة الله عليكم إذ كنتم أعداء فألف بين قلوبكم فأصبحتم بنعمته إخوانا وكنتم على شفا حفرة من النار فأنقذكم منها كذلك يبين الله لكم آياته لعلكم تهتدون} [آل عمران: 301]

[yazan93]

الفكرة هي المحبة جماهيرياً وانهاء العنصرية وابعاد تلك الامور عن الرياضية
انا اتمنى ذلك
والله يهدي الجميع

[فلسطيني وحداتي بالفطرة]

مين قلك انوا محتاجين مصالحة والله الي بعملوا قلق شرذمة من جمهورهم وباقي الناس مثقفين وخلوقين واخوننا وانسبائنا ولهم كل التقدير والاحترام والله يجمعنا فيكم عن قريب بالاردن بلد كل العرب