::: مدى رضاك وتقييمك للمدير الفني ( دراجان ) ..:::

[مهند الميلان]

صوتت بأنه جيد تبعا للنتائج التي أحرزها مع الوحدات لغاية تاريخه،،،

وانا كذلك...بصراحة انا ما شفت ولا اي مباراة السنة هاي للوحدات - في افريقيا موجود- وتقييمي بناءا على النتائج

[ahmadhh]

يا اخوان الي بحكي ما خسرنا بس يعرف ليه ما خسرنا لانو ما في فريق منافس للوحدات في الاردن ثاني شي وين لعب الوحدات والتمريرات الي كنا نشوفها بين لعيبتنا الي بحكي غيابات يعرف انو كامل الفريق كان موجود في المرحلة الماضيه احنا بدنا بطوله خارجيه ولعب الوحدات ما بأهلو ليجيب هيك بطولة لانو ما في اساس من لعب الوحدات انو ما في تكتيك ما في تفاهم بين اللعيبه متل ما كنا نشوف السنوات الماضيه والاخوان الي حكو انو دراغان مدرب نفسي انا بوافقهم الرأي.... وبتمنى الله يوفق الوحدات ..

[فايز الوحداتي]

انا ببصمله بالعشره اذا اخد بطولة اتحاد اسيا غير هيك مدرب جيد وليسه بالمتفوق

[عاشق عامر شفيع]

ولا ما انا عارف شو بدي احكي يعني بدي احكي انه غير جدير والله كان مع شباب الاردن رائع والشباب لعبه اوروبي بدي احكي مقنع وجدير لكني لا ارى اي تكنك للفريق بالملعب والله فوتني بالحيط

[nidalcoo]

والله هو الزلمة برفع المعنويات
بس يا عمي ما في تكتيك ....!!! وأحنا ما خسرنا لأنه ما في فريق منافس للوحدات..
أعطونا طريقة التصويت التلقائي بسرعة!!!!!! والله بمزح

[أبو فارس]

مشاهدة نتائج الإستطلاع: ما هو تقييمك للمدير الفني دراجان ؟؟
جيد 156 68.42%
غير جيد 53 23.25%
غير قادر على تكوين رأي حتى الان 19 8.33%
المصوتون: 228.

[محمد رامي غيث]

والله انك زلمه مليح يا دراجان بس دير بالك ازي بتخسر مباره وحده مع الوحدات يمكن ينزولوا من المدرجات وسلموا عليك وكل فاهم 000000000

يا شباب الوحدات او يا جماهير المارد الاخضر المدرب دراجان من اول ما وصل الي الوحدات ما خسر ولا مباره في الدوري وجاب بطوله عدد (2) وبطوله علي طريق عدد (2) شو بدكم اكثر من هيك يعني لازم يلعب بتكتيك ونحكي خسرنا ( بعيد الشر )بس اللعبنا في تكتيك وعلي فكره يا شباب دراجان بحب الوحدات زي ما بحب اولادوا وبحب جماهير الوحدات كمان طيب ليش ما نحبوا ونحكيلوا شكرااااااااااااااا دراجان

[جمال الصالح]

اقل من الوحدات لاكن يصلح ليكون مع ابو سعدو مشجع محترف

[وحداتي مقهور]

يعني لو جبنا مدرب ثاني وخلى الوحدات لعبه خيالي بس ما اخدنا ولا بطولة- يا ترى شو نحكي عن هذا المدرب؟

بوجهة نظري المتواضعة أن هذا المدرب ممتاز وواقعي جدا وأوفى بما وعد حتى الآن - صدقني يا عزيزي أنه المستوى الفني بدون نتائج لا شيء - والتاريخ يسجل النتائج وليس المستويات- وبالنهاية دراجان بشر يخطئ ويصيب

[teacher1]

أعجبني قول الأخ أبو زيد سمارة : "لست بمستوى يؤهلني لتقييم اي مدرب ...."
تواضع جميل منه .. والكثير منا غير مؤهل للتقييم
لكن مع ذلك أرى دراغان من أروع المدربين حتى الآن وإذا كنا غير قادرين على قراءة فكره الكروي وغير قادرين على فهم التكتيك الذي يعتمده فهذا ليس مبرر لذم الرجل بل على العكس تماما ً لأنَّ العبرة في النتائج
أنا كمشجع عادي لا أفهم كثيراً في التكتيك بل تهمني النتيجة ويهمني الفوز
ونحن مع دراغان لم نخسر أي مباراة وبلغ الفرق بيننا وبين أقرب المنافسين 10 نقاط
ودراغان متواضع ويحسن التواصل مع الجمهور
يا جماعة شو بدنا أكثر من هيك ؟؟؟؟

[أبو فارس]

مشاهدة نتائج الإستطلاع: ما هو تقييمك للمدير الفني دراجان ؟؟
جيد 164 69.20%
غير جيد 53 22.36%
غير قادر على تكوين رأي حتى الان 20 8.44%
المصوتون: 237