اسباب خسارة الوحدات

[حازم الوحداتي1]

انا سميتها خسارة لانو لما تكون انت عامل كل اشي الشوط الأول وأهداف جميلة ونيكي تاكا ومتقدم 2-0 امام فريق زي الجليل لا حول له ولا قوة
والشوط الثاني استهتار وبسوء حظ ومع حكام ما شاء الله تنقاية..


اللي بحط الحك على المدرب انا مش عارف شو بتهيألو..
يا اخوان. احنا صايرين زي غيرنا.. بنحط الحق على المدرب.. هاي مباراة ايش دخل المدرب لما حارس يختبر فقط في كرتين تافهات يتسجلو طوال المباراة بدون اي تحرك او ردة فعل من حارس سعرو بالآلاف.

المدرب ايش دخلو لما اللاعبين صارو بالشوكة والمعلقة يلعبو

لما بوجبا على الحامي والبارد تسديد حتى لو 2 من منفردين معك..

لما الحكم يحتسب تسلل انفراد هنري الدقيقة 19 وفي قدامه مدافعين من الجليل..
وحتى في ركلة جزاء للوحدات بعد ما صارت النتيجة 2_2...

لما لاعب الجليل عمدا وأمام الجميع يدفع اللاعب بدون كرة واستفزازات ومهارات بإضاعة الوقت ولاعب ثاني بدخل اللاعب اللي برة الخط جوة الخط عشان يضيع وقت.! يا رجل احنا بدوري درجة ثالثة...


يعني النتيجة 2_0 والمدرب شايف انو الجليل مش ممكن يرجع لانو شافو الشوط الأول مش هذا الفريق..... فعمل تبديلات مش دفاعية. دخل موالي ودخل عوضات يعني متى بدو يلعب ويعمل تدوير للاعبين الموجودين...


بس هدف الجليل الأول قلب كل الموازين لانو الفاخوري متعاحز يحرك حالو وكملها بالهدف الثاني. بدون اي تحرك او ردة فعل ( طبعا هون سوء حظ مش طبيعي لو تنعاد مليون مرة ماراح تيجي زي هيك مع ابو الجزر)
سبحان الله الهدف لما بدو يجي بيجي لو من الصين.


حارس زي الفاخوري منتخب ووحدات وبكرتين بهدفين والله مسخرة.

يعني الوحدات لازم كل فرصة جول! لازم ينهي الشوط الأول 5_0

ضحكنا على جول الفيصلي العكسي مع السلط. وهي تسجل فينا واحد بطعم العلقم وهدف تعادل. مش زي الفيصلي كانت النتيجة الهم 2_0.



الشوط الثاني اللاعبين بتعازمو مين يركض عالكرة معقول المدرب احكيلهم

لا تركض ولا تدافع...


فراس شلباية والله يا صديقي انو مع وجودك احنا بنلعب ب10....

الوحدات دفاعيا ما كان عندو اي مشكلة وما كان في عليه أي ضغط
استحواذ من الجليل تم بسبب تسليم الوحدات المباراة..



عكل القرص في هذا الوقت ممتازة بأول الدوري وياريت نصحصح...... لانو كل الفرق عندهم نقطة من الوحدات ببطولة....


ما في امان لأي فريق ولازم استغلال كل الفرص... وتوقع الحظ السيء دائما


هاردلك واتمنى التوفيق للوحدات ..... وهذا درس لكل اللاعبين

[البطل]

عمي المدرب سبب الخسارة بدون جدال

[ناجح]

يا صديقي المدرب إلي بطلع هنري وبخلي بوغبا مدرب يا رجل بوغبا ضيع كرات ما بضيع أقل ما فيها بدو يدور لعيبه ينزل مالك علان محل بوغبا والفاخوري نفس هدف محمد أنس إلي ضيع علينا دوري والله بنادي يا رجل لا تتقدم رب يستر على احمد عبدالستار والعوضات هم من أحرز السوبر
شو ما كان ابو طه حرام يتبدل كان الافضل تأخير في نزول العوضات ليش
للأسف جمهورنا من ينفخ اللاعبين والمدرب شوكت نفسي يسدد تسديده قريبه من المرمى مش بين الخشبات
مال خالد عصام والزحراوي ليش ما نزلهم
والله أي مدرب محلي أفضل منه
أما التحكيم تعودنا عليه
أما ظاهرة ضرب لاعبينا ما بعرف الله يساهل عليك يا رأفت وباسم فتحي وشفيع وووو

[حازم الوحداتي1]

صدقني لو ما تسجل فينا هيك هدفين من الفاخوري ما بكون الانتقاد لداركو

[محمد جبريل]

لعب حواري ما شفنا تيكتاكا ولا صرامي تمريرتين ورى بعض ما شفت
لازم الليله يروح المدرب ويوخذ معاه الفاخوري و ابو الجزر ماقوير

[وسام حسام]

قدر الله وما شاء فعل

[Abu Al-Mothana]

الفاخوري مستهتر وهنالك لاعبيين لا يستحقو هيك فريق

صالح راتب في تصاعد مستوى والانانيه هلكنا فيها ابو طه وسريوه بالشوكه والسكينه وشلبايه جبهته مسرح عمليات الخصم وداركو اخطأ باخراج شوكت والاصل ابو الجزر مكان شلبايه وايتو مكان سريوه ليعود التوازن

وهنري لا يخرج ويحول بوجبا لجهه ابو طه ويدخل العوضات

[ابو المجد70]

الفاخوري اظن مخدر
ما في ردة فعل

[ابو المجد70]

سريوة لا يصلح لاي دور في الدفاع
ابو الجزر لاعب ممتاز

[حازم الوحداتي1]

برضو بكررها وبعيدها....
نفوز على الفيصلي ونوخذ السوبر ونخسر من الجليل
افضل من انا نخسر السوبر
ونفوز عالجليل 5 _0

الوحدات عائد وبقوة. العيار اللي ما بصيب بدوش

[حازم الوحداتي1]

برضو بكررها وبعيدها....
نفوز على الفيصلي ونوخذ السوبر ونخسر من الجليل وفي مباراة دوري بأوله،
افضل من انا نخسر السوبر
ونفوز عالجليل 5 _0

الوحدات سيعود وبقوة ان شاء الله...... ومع داركو. اللي هزم الفيصلي رايح جاي في ظرف اسبوع. وكان سبب في استقالة مدربهم واستقالة إداريين عندهم وفسخ عقد اللاعب العراقي

[AnaFady]

استهانو بالجليل وللاسف خوزقنا وبأقدام صديقة


لاعبين طنطات ومش عارفين يلعبو زي البشر وبتعازمو قدام المرمى


ابوجزر مرة بتفرحنا ومرة بتحزننا



والفاخوري مش جايييله نفس يلعب ومفكرها سهلة طلعت على راسه للاسف


المدرب ما بتحمل المسؤولية وانما اللاعبين الهمل اللي استهانو بالخصم

[حازم الوحداتي1]

الفاخوري مستهتر وهنالك لاعبيين لا يستحقو هيك فريق

صالح راتب في تصاعد مستوى والانانيه هلكنا فيها ابو طه وسريوه بالشوكه والسكينه وشلبايه جبهته مسرح عمليات الخصم وداركو اخطأ باخراج شوكت والاصل ابو الجزر مكان شلبايه وايتو مكان سريوه ليعود التوازن

وهنري لا يخرج ويحول بوجبا لجهه ابو طه ويدخل العوضات

والله لما عرفت انو شلباية راح يلعب حطيت أيدي على قلبي..... وابو جزر لازم ثابت ظهير ايمن يافراس انت حتى وانت مش مصاب يادوب مسلك

[halemoo]

يا اخوان الفريق خبص واستهتر بس في لمسة يد للاعب الجليل داخل منطقة الجزاء عندما سددها احد اللاعبين.. والمخرج المحترم ما عاد اللقطة ولا مرة مع انو صار توقف بعدها.. واللي بعرفو حسب القانون الضرب بدون كرة طرد مباشرة.. وهذا حدث امام عيون الحكم وااعطى اصفر.... على اي اساس بيعطي اصفر..؟؟

[محمد جبريل]

والله لما عرفت انو شلباية راح يلعب حطيت أيدي على قلبي..... وابو جزر لازم ثابت ظهير ايمن يافراس انت حتى وانت مش مصاب يادوب مسلك

لا ابو الجزر لازم راس حربة هداف عالمي الزلمة
بس بالسنبة لعمليات الخصم ما شفتها احنا سجلنا هدفين بحالنا وهدف عالمي من ابو الجزر لا ميسي ولا رونالدو بجيبو مثلو
طول ما النيه هيك والحقد الكره هذا موجود عمر النادي ما رح يصير زي الناس طول عمركم بتحاربو فراس عشان بتكرهو ابوه يا اخي اشتغلو مكان زياد وترشحو بدالو متى بدنا نخلص من هالقصة