تويت
بهالزمانات.. عشنا ايام حلوة وأيام بعيد عنكم سودة ، أيام كنا نفتخر بالفريق وأيام كنا نتمنى ان تمحى من ذاكرتنا من رداءة الفريق .
ولكن ....
كنا " مع الفريق " وكنا مع " النادي "
لا أتذكر اننا هاجمنا لاعبا " هرم " ، أو لا تراجع مستواه ، ولا اتذكر اننا " نشرنا غسيلنا " على الملأ كي يتشفّى فينا منافسينا...
حتى جاءت حقبة التسعينات وغنينا... آه غنيناها مع جيل جديد " واحد اثنين الدوري للألفين " ...
بعدها بلّش المارد يتنطنط من قمة لقمة ، وبلّش الاحتراف ... بس عالظيّق !!
المهم بلّش الاحتراف وبلّشنا نحترف كإدارة ولجان ولاعبين ، يزم حتى الجماهير بلّشت تحترف وصرنا نشوف جماهيرنا بتعمل لوحات ودخلات اشي عكيف كيفكم ، ويا عيني لما بلّشنا نسمع اغاني وكليبات للنادي ، وصرنا نشوف العالم كله بغني اغانينا... ودخلنا كجماهير عصر النت ، وبلّش الجد عند جماهيرنا اشي نت واشي كوم واشي جو ، يعني وضعنا كان لوز وكانت نقلة نوعية لصوت الجماهير ... فكانت هاي المواقع صاحبة رسالة ومبدأ، كانت حلقة الوصل بين الجماهير والادارة واللاعبين ، كانت كلمتها مسموعة عند الجماهير .. فكانت جماهيرنا صوتها واحد وهدفها واحد .. !!
ولا دايم غير الله ...
فبعد العزّ وأكل الوزّ تحجمت هذه المواقع وهجرها الكثيرون... محسوبكم كاتب هذا المقال واحد منهم ، واتجهنا نحو منصات التواصل الاجتماعي.
أما شو طلعت هالمنصات التواصل هاي ، يا زم من الاخر طلعت منصات تباعد اجتماعي حتى تباعد أسري ... عشان الحق يعني في مواقعنا القديمة كنا نتمشكل مع بعض ويكون فيه نكشات من تحت لتحت اطلقنا عليها أدبيا اسم " الكولسة " بس كنا محترمين بعض
...... أما هسة وبعد ما شفنا حالنا على حالنا وصار كل واحد عنده صفحة بكتب فيها مثل ما بحب بدون ما يعدل عليه " مشرف " او " مراقب " .... واخد بالك ابو احمد !!
المهم .. الحقبة هاي فرقتنا، عن جد فرقتنا ، صار اللي بختلف بالرأي معك عدوك، حتى لو حاولت تبين حالك انك انسان اعصابك حجر بس من جوّاك معتبر اللي بخالفك الرأي عدو ، ومش سائل فيك خسرك ولا ما خسرك المهم انه الاثنين ممكن تشوف منهم " مستنقع " من أقبح الشتايم على بعض ... ومش فارقة معهم !!
حقبة جديدة ... مليانة من كله، مواضيع تخبيص، شتايم ومسبات، وتهليس وتدليس، وكذب ونفاق ....
بالتأكيد في صفحات ملتزمة وهادفة، لكن انا بحكي عن التفاعل عبر الصفحات عامة ..
صرنا نسمع الشتيمة علنا على قامات وحداتية ، يازم حتى اللاعبين في منهم بعرفش يفك الخط بتلاقيه منزل بوست بسرطع مخ الفيس فيه ... يعني الشغلة طعة وقايمة!!
المهم ... انا شو كنت بدي احكي ؟؟!!
آه .. مدام بلشنا بسيرة الحقبات وبدأنا بواحد اثنين الدوري للألفين ، يا ريت لو نصبر على لعيبتنا من فئاتنا ومن شبابنا وما نتنمّر عليهم ، ونوقف قدام كل واحد ابتعرفش هو وحداتي والا " خلّيط " نازل شتايم وتمسخر عليهم ... !!
وبالنهاية بعيني الله على ذكر موضوع الإدارة
... فيا جماعة الإدارة الحالية مثلها مثل أي إدارة سابقة بتصيب وبتخطيء، فخلينا معاها اذا صابت جابت واذا غلطوا بنحاول " ننصحهم..... ننصحهم لنصححهم " بدل ما ننزل قدح وذم ونضحك علينا اللي واللي ما ... !!
طولت عليكم ... المعذرة
ولكن ....
كنا " مع الفريق " وكنا مع " النادي "
لا أتذكر اننا هاجمنا لاعبا " هرم " ، أو لا تراجع مستواه ، ولا اتذكر اننا " نشرنا غسيلنا " على الملأ كي يتشفّى فينا منافسينا...
حتى جاءت حقبة التسعينات وغنينا... آه غنيناها مع جيل جديد " واحد اثنين الدوري للألفين " ...
بعدها بلّش المارد يتنطنط من قمة لقمة ، وبلّش الاحتراف ... بس عالظيّق !!
المهم بلّش الاحتراف وبلّشنا نحترف كإدارة ولجان ولاعبين ، يزم حتى الجماهير بلّشت تحترف وصرنا نشوف جماهيرنا بتعمل لوحات ودخلات اشي عكيف كيفكم ، ويا عيني لما بلّشنا نسمع اغاني وكليبات للنادي ، وصرنا نشوف العالم كله بغني اغانينا... ودخلنا كجماهير عصر النت ، وبلّش الجد عند جماهيرنا اشي نت واشي كوم واشي جو ، يعني وضعنا كان لوز وكانت نقلة نوعية لصوت الجماهير ... فكانت هاي المواقع صاحبة رسالة ومبدأ، كانت حلقة الوصل بين الجماهير والادارة واللاعبين ، كانت كلمتها مسموعة عند الجماهير .. فكانت جماهيرنا صوتها واحد وهدفها واحد .. !!
ولا دايم غير الله ...
فبعد العزّ وأكل الوزّ تحجمت هذه المواقع وهجرها الكثيرون... محسوبكم كاتب هذا المقال واحد منهم ، واتجهنا نحو منصات التواصل الاجتماعي.
أما شو طلعت هالمنصات التواصل هاي ، يا زم من الاخر طلعت منصات تباعد اجتماعي حتى تباعد أسري ... عشان الحق يعني في مواقعنا القديمة كنا نتمشكل مع بعض ويكون فيه نكشات من تحت لتحت اطلقنا عليها أدبيا اسم " الكولسة " بس كنا محترمين بعض
...... أما هسة وبعد ما شفنا حالنا على حالنا وصار كل واحد عنده صفحة بكتب فيها مثل ما بحب بدون ما يعدل عليه " مشرف " او " مراقب " .... واخد بالك ابو احمد !!
المهم .. الحقبة هاي فرقتنا، عن جد فرقتنا ، صار اللي بختلف بالرأي معك عدوك، حتى لو حاولت تبين حالك انك انسان اعصابك حجر بس من جوّاك معتبر اللي بخالفك الرأي عدو ، ومش سائل فيك خسرك ولا ما خسرك المهم انه الاثنين ممكن تشوف منهم " مستنقع " من أقبح الشتايم على بعض ... ومش فارقة معهم !!
حقبة جديدة ... مليانة من كله، مواضيع تخبيص، شتايم ومسبات، وتهليس وتدليس، وكذب ونفاق ....
بالتأكيد في صفحات ملتزمة وهادفة، لكن انا بحكي عن التفاعل عبر الصفحات عامة ..
صرنا نسمع الشتيمة علنا على قامات وحداتية ، يازم حتى اللاعبين في منهم بعرفش يفك الخط بتلاقيه منزل بوست بسرطع مخ الفيس فيه ... يعني الشغلة طعة وقايمة!!
المهم ... انا شو كنت بدي احكي ؟؟!!
آه .. مدام بلشنا بسيرة الحقبات وبدأنا بواحد اثنين الدوري للألفين ، يا ريت لو نصبر على لعيبتنا من فئاتنا ومن شبابنا وما نتنمّر عليهم ، ونوقف قدام كل واحد ابتعرفش هو وحداتي والا " خلّيط " نازل شتايم وتمسخر عليهم ... !!
وبالنهاية بعيني الله على ذكر موضوع الإدارة
... فيا جماعة الإدارة الحالية مثلها مثل أي إدارة سابقة بتصيب وبتخطيء، فخلينا معاها اذا صابت جابت واذا غلطوا بنحاول " ننصحهم..... ننصحهم لنصححهم " بدل ما ننزل قدح وذم ونضحك علينا اللي واللي ما ... !!
طولت عليكم ... المعذرة
تعليق