::~ فساد مبكر..!!. منقول بتصرف ~::

[jamal nashwan]

::~ فساد مبكر، منقول بتصرف ~::



بهالزمــــانات، بنت زغيرِه أعطاها أبوها 3 دنانير، وقالّها روحي لغرفة أخوكي وشوفي شو بسوّي..


راحت، وشافته بدخِّن

.
.

- قالت له أبوي أعطاني 3 دنانير عشان أشوفك شو بتسوّي

* قالها بعطيكي 4 دنانير وقولي له نايم

- قالت له أعطيني 5 دنانير وبصوّرَك وأنت بتصلي..!.

بِقولّك، البنت الآن عضو فاعل ومؤثر في لجنة تسعير المحروقات...

[saed]

ليكون غلوه ؟

[حمزة قراقع]

هات بوسه

[Abu Al-Mothana]

حسبي الله في الظلمة

[ايمن راتب]

نزلوه 50فلس ولكن رفعوا الكاز والديزل

[jamal nashwan]

ليكون غلوه ؟

والله يا حبيبي يا سعيد احسبها..!.

البنزين 90 كان سعر اللتر 990 فلس، خفّضوه 5 فلسات (تعريفِه) وصار بـ 985 فلس/لتر.

البنزين 95 كان سعر اللتر 1300 فلس، خفّضوه 70 فلس (سبع قروش) وصار 1230 فلس/لتر.

السولار والكاز (وركِّـز على السولار والكاز على وجه الشتا) كان سعر اللتر للمادتين 755 فلس، رفعوهم 35 فلس (3 قروش ونص) وصاروا 790 فلس/ لتر من المادتين..

مين هي الطبقة اللي بتحُطّ بسياراتها بنزين سوبر 95، وقدّيش عددهم من هالشعب..؟!.
والتَّعَريفِه..؟!. شو التَّعَريفِه اللي خفَّضوها للطبقة الأكبر عددا من الناس وعامتهم الذين يمتلكون السيارات البسيطة..؟!.

بينما شوف الغالبية من الشعب اللي بتعبّي بِكَمَاتها ودياناتها الديزل وبتسترزق منها بنقل المواد، وباصات نقل الطلاب الديزل، والناس اللي بتدَفّوا على صوبات البواري وصوبّات الكاز، وحتى اللي عندهم روديترات تدفئة مركزية وحوارق من زمــــــان، ويا دوبك بالله واسم الله بمشّوا حالهم فيها..!.

فشوف أنت واحسبها، غلّــوه وِلّا لأ..؟!!.

[jamal nashwan]

هات بوسه

ههههههههههههه

خوذ

[jamal nashwan]

نزلوه 50 فلس ولكن رفعوا الكاز والديزل

المعلن والمتوقع أخي أيمن هو 5 فلسات (تعريفِه) وليس 50 فلس

[jamal nashwan]

https://royanews.tv/news/284603

[AnaFady]

5 فلسات مش 50 فلس وشتان بين الرقمين