رائد عساف

[jamal nashwan]

هالمصدر الخاص ما وده يوقف تسريبات

أبو محمد يا بركة، السيد بشار الحوامدة ظُهر هذا اليوم صرّح لصحيفة الملاعب أو لموقع رم، مِش متأكد لمين بالضبط، (والوسيلتين الإعلاميتين) تقريبا مالكهما نفس الشخص.. بعدها ما ظلّت صفحة وحداتية ولا غير وحداتية إلا ونشرت الخبر، والخبر انتشر مْغَمْغَم، يعني بالصيغة المكتوب فيها الخبر أعلاه، إشي باقي تفاصيل صغيرة، وإشي ثاني لم يتم التوقيع الرسمي بعد، وإشي بحكيلك لسّة مش معروف مين المساعد، وإشي بحكيلك كذا وكذا... وزيّ ما حكيتها سابقا، بيطرحوا مشروع القرار، لحتى يشوفوا شو ردّة فعل الناس عليه... ثم إن هذه التسريبات كانت قبل بطولة القدس-الكرامة واستمرت خلالها، وها هي باقية بعد انتهاء هذه البطولة وبتصريح من السيد رئيس النادي.. فالمصدر الخاص اللي بيسرّب مِش هو اللي في بالك..!.



ملاحظة: من كثر ما قرأت هذا الخبر على لسان (الحوامدة) وعبر عدة مواقع وصفحات، للأمانة انا نفسي مِش عارف لمين صرّح بالأول.

[شادي التلاوي]

مباراه الاتحاد اكبر إثبات على فشل العساف تبديلات غلط وتوجيهات غلط وعدم الضغط على اللاعب المستحوذ على الكره

[green1]

أبو محمد يا بركة، السيد بشار الحوامدة ظُهر هذا اليوم صرّح لصحيفة الملاعب أو لموقع رم، مِش متأكد لمين بالضبط، (والوسيلتين الإعلاميتين) تقريبا مالكهما نفس الشخص.. بعدها ما ظلّت صفحة وحداتية ولا غير وحداتية إلا ونشرت الخبر، والخبر انتشر مْغَمْغَم، يعني بالصيغة المكتوب فيها الخبر أعلاه، إشي باقي تفاصيل صغيرة، وإشي ثاني لم يتم التوقيع الرسمي بعد، وإشي بحكيلك لسّة مش معروف مين المساعد، وإشي بحكيلك كذا وكذا... وزيّ ما حكيتها سابقا، بيطرحوا مشروع القرار، لحتى يشوفوا شو ردّة فعل الناس عليه... ثم إن هذه التسريبات كانت قبل بطولة القدس-الكرامة واستمرت خلالها، وها هي باقية بعد انتهاء هذه البطولة وبتصريح من السيد رئيس النادي.. فالمصدر الخاص اللي بيسرّب مِش هو اللي في بالك..!.



ملاحظة: من كثر ما قرأت هذا الخبر على لسان (الحوامدة) وعبر عدة مواقع وصفحات، للأمانة انا نفسي مِش عارف لمين صرّح بالأول.

الغالي ابو احمد
كلامك عين العقل لكن اشعر ان اخبار الوحدات مشاع لكل من هب ودب للاسف
عنا ناطق اعلامي المفروض اي خبر من ادارة النادي تتم عن طريق الناطق الاعلامي.

انداري .. الله يهديهم

[Abu Al-Mothana]

لا مؤسسيه في النادي ولا احترام لاشخاص بعض
اخونا ابو فراس فرطها ولا بخلي شي ويظهر انه خارج الاداره
وقصه الرجوب معاه ما في داعي يكبرها لو اختصر واغلق الموضوع افضل

فهمنا انك اكثر مدير نشاط في تاريخ الاردن وممكن العالم لكن المصلحه العامه أولى وردة الفعل الشخصيه يجب أن تذوب .


للاسف مجلس اداره الواضح قلوبهم لا على بعض ولا حتى مجتمعيين على الوحدات

[AnaFady]

نفسي اعرف مين ياللي بسرب الاخبار هاي من النادي والله لو قربه مخزوقة ماهية هيك

ولا شغلت تخريب وتشتيت جهود بس

[ضيف]

عمان جبل عمان خلف معم كويك ميل

[FONT=""][COLOR=""]سلام للجميع

كل وانتم بالف بخير رمضان كريم

الواحد مش عارف ليش عم بيصير تخبط وقرارت غير مدروسه ما دام الوحدات قدم مستوى جيد في بطولة القدس والكرامه ليش


ما يظل رافت مع تعين مدرب عام ومساعد مدرب لانه ادا استلم رائد وفاشل الوحدات في البطولة الجماهير لن ترحم الادارة ولا رائد


يا اخوان الوحدات ناقصة شويه شغل على الدفاع ويصبح الفريق بادن رب العالمين ممتاز ليش تخبط ومش عارف ليش اشياء بتدور


خلف الكواليس وبعدين ريئس النادي عنده فهم في ادارة الشركات ما دام مدير عرف يشتغل صح ليش اروح واجيب واحد غيره


والعلم عند الله ينجح اولا اعطو الفرصة لرافت ما دام نجح في بطولة القدس والكرامه اللي عمله رافت والنهوض بالفريق بعد


ما حصل شي رائع[/COLOR][/FONT]

[Ramzi Hashweh]

لا يسعنا الآ ان نتمني التوفيق للجهاز الفني الجديد ... كلنا اجتهد بمن نرغب بتولي القياده الفنية والآن انتهي الاجتهاد ومطلوب الالتفاف والوقوف خلف الفريق... طبعآ الآن سيجد الكثير منا الفرصه للهجوم علي المنظومة فقط لاثبات ان رأيه كان صحيحآ... ومع كل تعادل أو خسارة, سيبدأ اللطم.

شخصيآ, انا مع المنظومة قلبآ وقالبآ وبما انني عضو هيئه عاملة, ساحاسبها بالنهاية.

[jamal nashwan]

الغالي ابو احمد
كلامك عين العقل لكن اشعر ان اخبار الوحدات مشاع لكل من هب ودب للاسف
عنا ناطق اعلامي المفروض اي خبر من ادارة النادي تتم عن طريق الناطق الاعلامي.

انداري .. الله يهديهم

ذاكِـر أيام مواضيع الانتخابات المطروحة هنا في عهد الإدارة المؤقتة، لما في أحد النقاشات حكيتلك عن اللقاءات والتجمعات اللي بتصير في البيوت والمطاعم والكوفي شوبّات بين المرشَّحين وأعضاء الهيئة العامة من مناصري هذول المرشحين، هذا غير مجموعات الواتس أبّ المتعددة بينهم لما الظروف ما تسمحِش أنهم يلتقوا Live..؟!.
وقتها حكيتلك أن معظم تصرفات المرشّحين ومبادراتهم وشعاراتهم وبرامجهم الانتخابية وشو اللي بدهُم يسوّوه، أو شو اللي وعدوا أنهم يسوّوه.. أمور كلها مرسومة وموضوعة من أنصار هذول المرشّحين من أعضاء الهيئة العامة، والمُرشّحين كانوا يهزّوا براسهم.. تأمروا أمر، واللي بدكم ايّاه بيصير، وعلى عينّا وروسنا، وغالي والطلب رخيص.. ولسان حالهم يقول: بسّ ننجح بيفرجها الله..!.

كلهم بلا استثناء بيطلعوا وبيصرّحوا، بسّ في منهم اللي بيطلع وبيصرّح علنا وبشخصه لمواقع إعلامية ومؤسسات صحفية مباشرة، وفي منهم عن طريق زُلمُه وجماعته من الصفحات الشخصية والصفحات الوحداتية العامة اللي بيحكولهم أصحاب الحصريات، وبالتالي تنتقل لتلك المواقع الإعلامية والمؤسسات الصحفية اللي بتكحّل هذا النقل بعبارات (علمنا من مصدر مطّلِع، وعرفنا من شخصية مقرّبة، وغيرها من عبارات) وعشان هيك أنت تشعر أن اخبار الوحدات مشاع لكل من هب ودب...

بعرفش إذا أنت بتلاحظ يابومحمد أن معظم التصريحات لو تدقِّق فيها بتلاقي أن مضامينها كلها عبارة عن تصريحات تبريرية:

أنا ما كنتِش بدّي فلان لاعبا أو مدربا، ولكن علّان هو اللي بدُّه ايّاهم.
أنا مِش مع إنّا نعمل هيك، بسّ علّان هو اللي أجبرنا، هو وجماعته عالطاولة.
(أنا بحكي بشكل عام عن أي قرار وعن أية أعمال)


نفس القصص والدواوين كل دورة انتخابية في حال بوادر الفشل أو حصول الفشل فعليا، ومع كل الكتل والجماعات اللي بتنجح، أنا ما بحكي عن رئيس بعينه أو عن كتلة بعينها.. الرئيس بيطلع وبيحكي أنا ما كُنتِش صاحب قرار على الطاولة، الأغلبية مِش معي، أنا كنت محارب، ومن ثم بيطلعوا اللي بأيّدوه من الهيئة العامة يحكوا حكيُه... والأعضاء في المجلس بيحكوا هو اللي استقطب وهو اللي أقصى وهو اللي شال وهو اللي حطّ، ويتبعهم جماعتهم ومناصروهم من الهيئة العامة.

[نضال ابوبكر]

كل الي بصير خطيت البرنس ، شو الي كان يعيب فيه ، ولي جاي راح يكون اسوء

[الزعيم]

يا صديقي .. كلامي ليس دفاعا عن الحوامده.. ما يحدث في الوحدات ان من يفوز برئاسه النادي يكون متحالف مع افراد ليضمن الرئاسه .. ومجموعتهم غير متفقه .. جمعهم فقط حب الكرسي.
وبعدها نرى هؤلاء الافراد يتصرفوا كما يحلوا لهم دون ان يكون عملهم كمجموعه . فنري التسريبات الاعلاميه- مفاوضات سريه دون علم المدير الفني او رئيس النادي. فرض لاعبين والتعاقد معهم لانه ابن فلان او علان .

فيصبح رئيس النادي مرهون واسير لتصرفات هؤلاء وليس لديه القدره علي عمل شيء.

انهم من يديرون النادي من المقعد الخلفي وفي الظلام .
لا فرق من يرأس النادي فالافراد نفسهم موجودون في كل انتخابات .

نظام الانتخابات فاشل وقديم ويجب تحديثه .

اهلا وسهلا بالحج green1

[yousefsh]

كون الفريق يتقدم للافضل والادارة تتحدث عن احترافيتها



فيجب الابقاء على الكادرالفني كما هو مع جلب مدرب لياقه


ومساعد للكابتن رأفت علي

[firas wehdate barca10]

للاسف حتى الكتلة الناجحة في الانتخابات تدب الخلافات فيها
مدرب بعيد عن التدريب اكثر من سنة ........ويعين
حسبنا الله ونعم الوكيل في كل واحد متآمر على الوحدات من نفس اعضاء الادارة

[green1]

ذاكِـر أيام مواضيع الانتخابات المطروحة هنا في عهد الإدارة المؤقتة، لما في أحد النقاشات حكيتلك عن اللقاءات والتجمعات اللي بتصير في البيوت والمطاعم والكوفي شوبّات بين المرشَّحين وأعضاء الهيئة العامة من مناصري هذول المرشحين، هذا غير مجموعات الواتس أبّ المتعددة بينهم لما الظروف ما تسمحِش أنهم يلتقوا Live..؟!.
وقتها حكيتلك أن معظم تصرفات المرشّحين ومبادراتهم وشعاراتهم وبرامجهم الانتخابية وشو اللي بدهُم يسوّوه، أو شو اللي وعدوا أنهم يسوّوه.. أمور كلها مرسومة وموضوعة من أنصار هذول المرشّحين من أعضاء الهيئة العامة، والمُرشّحين كانوا يهزّوا براسهم.. تأمروا أمر، واللي بدكم ايّاه بيصير، وعلى عينّا وروسنا، وغالي والطلب رخيص.. ولسان حالهم يقول: بسّ ننجح بيفرجها الله..!.

كلهم بلا استثناء بيطلعوا وبيصرّحوا، بسّ في منهم اللي بيطلع وبيصرّح علنا وبشخصه لمواقع إعلامية ومؤسسات صحفية مباشرة، وفي منهم عن طريق زُلمُه وجماعته من الصفحات الشخصية والصفحات الوحداتية العامة اللي بيحكولهم أصحاب الحصريات، وبالتالي تنتقل لتلك المواقع الإعلامية والمؤسسات الصحفية اللي بتكحّل هذا النقل بعبارات (علمنا من مصدر مطّلِع، وعرفنا من شخصية مقرّبة، وغيرها من عبارات) وعشان هيك أنت تشعر أن اخبار الوحدات مشاع لكل من هب ودب...

بعرفش إذا أنت بتلاحظ يابومحمد أن معظم التصريحات لو تدقِّق فيها بتلاقي أن مضامينها كلها عبارة عن تصريحات تبريرية:

أنا ما كنتِش بدّي فلان لاعبا أو مدربا، ولكن علّان هو اللي بدُّه ايّاهم.
أنا مِش مع إنّا نعمل هيك، بسّ علّان هو اللي أجبرنا، هو وجماعته عالطاولة.
(أنا بحكي بشكل عام عن أي قرار وعن أية أعمال)


نفس القصص والدواوين كل دورة انتخابية في حال بوادر الفشل أو حصول الفشل فعليا، ومع كل الكتل والجماعات اللي بتنجح، أنا ما بحكي عن رئيس بعينه أو عن كتلة بعينها.. الرئيس بيطلع وبيحكي أنا ما كُنتِش صاحب قرار على الطاولة، الأغلبية مِش معي، أنا كنت محارب، ومن ثم بيطلعوا اللي بأيّدوه من الهيئة العامة يحكوا حكيُه... والأعضاء في المجلس بيحكوا هو اللي استقطب وهو اللي أقصى وهو اللي شال وهو اللي حطّ، ويتبعهم جماعتهم ومناصروهم من الهيئة العامة.

اه والله ذاكر كلامك..
صدقت .. الواحد فينا بيحكي من حرقة قلبه علي النادي.
الموضوع اكبر من بطوله او فريق الموضوع صرح ضخم قائم رح يجيبوه اكتاف اذا استمروا علي نفس المنوال.

والحل اراه بتجديد قانون الانتخابات العجوز الذي اصبح لا يتناسب مع العصر الحالي.

بدايةً الصوت الواحد سوف يطيح برؤوس كثيره اينعت واختمرت

[green1]

اهلا وسهلا بالحج green1

حياك الله يا زعيم

[ضيف]

جلد الذات بالذات

[FONT=""][COLOR=""]سحقا فان الوحدات لا يستحق ان نكون من جمهوره
الاخ سيف و غيره من يجلدون الذات
كثيرا من الاعضاء فقط ينتظرون اي مناسبه للتشاؤوم للهجوم لجلد انفسنا
لماذا فقط حب الظهور ام ماذا[/COLOR][/FONT]