مبروك الدوري يا رمثا ...

[ايمن راتب]

الدوري للوحدات بأذن الله

[jamalsadeq]

لا حول ولا قوة الا بالله مش عارف أنتم بتشجعوا الوحدات غريبة والله!!!

[احمد2007]

بكل واقعية وصراحة ... الوحدات ما بستاهل الدوري وإذا ظل مركز ثاني يحمد ربنا ..
الرمثا فريق بلعب بأبنائها وأعمارهم وصغيرة يستطيعون تنفيذ واجباتهم كلاعبين علما بأن مستحقاتهم المالية لم يستلموها كلاعبي الوحدات ...
ولد مجنون رمى حجر بالبير ،، 100 عاقل ما قدروا يطلعوه ..
ألف مبروك للرماثنة الأبطال بطولة الدوري من اليوم وقبل مباراتهم مع الفيصلي البعيد كل البعد عن مستواه الطبيعي ...

اخي العزيز

شو رايك الان بالرمثا بعد مباراة اليوم بيستحقوا الدوري ..؟؟؟

[سفيان أبوشنب]

أنت لأنك حصتي بدّي أسجّل دخول وأرد:

لا يابوإيهاب، كلامك مردود عليك.. والوحدات بستاهل كل البطولات اللي الله خلقها في كل الألعاب، وحتى لعبة السبع شُحَف لو قرروها.
كل أكمِّن شهر بِتْـطُلّ علينا بتخبيصاتك اللي بتدلّ على تفاهة ما تكتب..!!.

وطبعا هذا مِش أنت لحالك اللي بتعملُّه، بل أكثر من واحد من المحصورين جدا والممقوتين اللي بكتبوا في المنتدى عَنّا كل ما الوحدات يتعثّر، بسّ للأسف بقدرِش أحكي لهم نفس الحكي، لكن أنت لأنك حصّتي زيّ ما حكيتلك، فعشـان هيك فضفضِت عاللي في بالي.

أبو أحمد الغالي ...
إنت حصتي الكبيرة ومثل ما بقولوا ( بيناتنا خبز وملح ) .. هاي التخبيصات والتفاهات إلي بتحكي عنها هي حقيقة ليش نتجاهلها ...
يعني تخسر من شباب الاردن وتتعادل مع الحسين إربد ذهاب وإياب وتخسر من الرمثا ذهاب وإياب وتعادل مع معان وتعادل مع السلط وبتحكيلي بستاهل كل البطولات ...
على كل حال بحكي شكرا يا فيصلي .. إلي خلى شوية أمل لتكرار دوري الكن.... بديش اكملها ...
احترامي لك ابو احمد

[سفيان أبوشنب]

اخي العزيز

شو رايك الان بالرمثا بعد مباراة اليوم بيستحقوا الدوري ..؟؟؟

أخي الغالي احمد ...
ليش نستنى نتائج الاندية الثانية .. ليش ما جابوها بذراعهم ؟؟

[سفيان أبوشنب]

لا حول ولا قوة الا بالله مش عارف أنتم بتشجعوا الوحدات غريبة والله!!!

أخي الحبيب جمال ...
ولد صغير خلانا نعوف الكرة ...

[سفيان أبوشنب]

الدوري للوحدات بأذن الله

قول يا رب

[سفيان أبوشنب]

الله لا يباركلهم سيدي لانه مال حرام بس بارك للاتحاد بكون احسن

والله من إيدينا أخوي إياس الغالي

[سفيان أبوشنب]

يا أخي صحيح فريقنا مش مقنع بس كل المنافسين واقعين
والظلم الواقع على الوحدات كبير ومكشوف
طول بالك

اخي الكريم راضي ...
يعني هناك اعتراف من الحكام بأن هناك ركلتين جزاء لم يتم احتسابهم ..
والمبارايات السابقة إلي أشرت إليها للنشوان

[سفيان أبوشنب]

[FONT=""][COLOR=""]التحكيم يحرم الوحدات من ٥ ركلات جزاء في مباراتين[/COLOR][/FONT]

أخي باسم ..
كل الاحترام والتقدير لك

[سفيان أبوشنب]

يا اخي اذا بدك تبارك بارك بنفسك ولنفسك
لو بطوله الدوري اخذوها بجداره ممكن نبارك.. لكن ما يحصل عكس هذا الكلام

على راسي من فوق ..
كل الاحترام والتقدير لك أخي الكريم

[AnaFady]

الدوري وحداتي على رغم كل شيئ وشوف الرمثا تبعك كيف كان قدام الفيصلي ... اي الدردور اللي كان بيمللي المباراة صياح وغضب وتعزيق على الحكام ما قدر يفتح ثمو امبارح مع الحكم عرفة وصار زي الصوص المنتوف ريشه



فريق واقع للاسف بس احنا اللي بنضيع البوصلة والهدف في الامتار القليلة بس ان شاء الله يكون الدوري النا
ساعتها حذكرك يا اخ سفيان ... الله المستعان

[jamal nashwan]

أبو أحمد الغالي ...
إنت حصتي الكبيرة ومثل ما بقولوا ( بيناتنا خبز وملح ) .. هاي التخبيصات والتفاهات إلي بتحكي عنها هي حقيقة ليش نتجاهلها ...
يعني تخسر من شباب الاردن وتتعادل مع الحسين إربد ذهاب وإياب وتخسر من الرمثا ذهاب وإياب وتعادل مع معان وتعادل مع السلط وبتحكيلي بستاهل كل البطولات ...


على كل حال بحكي شكرا يا فيصلي .. إلي خلى شوية أمل لتكرار دوري الكن.... بديش اكملها ...
احترامي لك ابو احمد

يسعد صباحك أيها العزيز

لو تتّبع توقيت مشاركتي أعلاه بتلاقيني كتبتها قبل أهداف الفيصلي في مرمى الرمثا مبارح، يعني النتيجة في علم الغيب كانت قبل ما أنت تطرح موضوعك وقبل ردّي عليه، وهذا بسّ عشان أثبت لك جزء من التخبيص اللي أنت خبّصته، والله تخبيص يابوإيهاب.. هسّة تزعل أو ترضى، تظلّك تخبِّص أو ترتقي في اللي بتحكيه وبتكتبه، هذا شأنك وأنت حر طبعا، إنما هذا تخبيص.. وأنا بحكيلك هيك بالعشم وعشان الخبز والملح اللي بينّا، واللي بيني وبين كثيــــــــــــــــر من الإخوة والأصدقاء الأعزاء الذين تمثّلتُهم فيك أنت من خلال ما طرحتَه أنت هنا، ومِش قادر أحكيلهم أو أوصلّهُم أن الذي يكتبونه في مواقع أخرى وخاصة على الفيس بووك هو تخبيص وتفاهات لا تليق بنا نهائيا، وكمان فوق هيك تخبيصات دخلت ترد لتشكر الفيصلي اللي رجّع دوري الكنــــادر، وخلّى أمل لعودته..؟!.

الفيصلي يابوإيهاب لعب لاسمه ولتاريخه ولعراقته ولسمعته، مِش لسواد عينين الوحدات، تماما زيّ ما لعب البقعة مع الفيصلي وفاز عليه في دوري الكنادر وبقي في دوري المحترفين أيامها في موسم 2016 وتجنّب الهبوط بذلك الفوز على الفيصلي، وأنا إذا بدّي أشكر الفيصلي، وبالفعل بدّي أشكرهم وحق عليّ إنّي أشكرهم وأقدّرهم كل التقدير، فإنني أشكر تلك الصفحات البيضاء من صفحاتهم على عدة مواقع قرأتها، وأشكر تلك الأعداد التي لا بأس بها من جماهيرهم التي تابعتُ لها العديد من التعليقات المحترمة، والتي عرَّت بها وشرّحت هذا الكمّ الكبير من التخبيصات والتفاهات التي كتبتها وتكتبها جماهيرنا بعد كل تعثر.. وأعتقـد أنك تعرف ويعرف الكثير من الإخوة المتابعين عن أي شيء وعن أي موقف/مواقف أتحدث فيما تناولته تلك الصفحات وتلك الأعداد من جماهير الفيصلي النظيفة..!.


أنت عنجدّ يابوإيهاب بتحكي أنه رجع الأمل في بطولة دوري هذا الموسم..؟!.
أنا حكيتها قبل الآن، وحتى من أيام بطولة دوري الموسم السابق:
إحنا خسرنا الدوري من زمــــــــــــــــــــــان، خسرناه من لمّا صار الكل زُعَما..
ما فيش عنّا شعب.

[سفيان أبوشنب]

يسعد صباحك أيها العزيز

لو تتّبع توقيت مشاركتي أعلاه بتلاقيني كتبتها قبل أهداف الفيصلي في مرمى الرمثا مبارح، يعني النتيجة في علم الغيب كانت قبل ما أنت تطرح موضوعك وقبل ردّي عليه، وهذا بسّ عشان أثبت لك جزء من التخبيص اللي أنت خبّصته، والله تخبيص يابوإيهاب.. هسّة تزعل أو ترضى، تظلّك تخبِّص أو ترتقي في اللي بتحكيه وبتكتبه، هذا شأنك وأنت حر طبعا، إنما هذا تخبيص.. وأنا بحكيلك هيك بالعشم وعشان الخبز والملح اللي بينّا، واللي بيني وبين كثيــــــــــــــــر من الإخوة والأصدقاء الأعزاء الذين تمثّلتُهم فيك أنت من خلال ما طرحتَه أنت هنا، ومِش قادر أحكيلهم أو أوصلّهُم أن الذي يكتبونه في مواقع أخرى وخاصة على الفيس بووك هو تخبيص وتفاهات لا تليق بنا نهائيا، وكمان فوق هيك تخبيصات دخلت ترد لتشكر الفيصلي اللي رجّع دوري الكنــــادر، وخلّى أمل لعودته..؟!.

الفيصلي يابوإيهاب لعب لاسمه ولتاريخه ولعراقته ولسمعته، مِش لسواد عينين الوحدات، تماما زيّ ما لعب البقعة مع الفيصلي وفاز عليه في دوري الكنادر وبقي في دوري المحترفين أيامها في موسم 2016 وتجنّب الهبوط بذلك الفوز على الفيصلي، وأنا إذا بدّي أشكر الفيصلي، وبالفعل بدّي أشكرهم وحق عليّ إنّي أشكرهم وأقدّرهم كل التقدير، فإنني أشكر تلك الصفحات البيضاء من صفحاتهم على عدة مواقع قرأتها، وأشكر تلك الأعداد التي لا بأس بها من جماهيرهم التي تابعتُ لها العديد من التعليقات المحترمة، والتي عرَّت بها وشرّحت هذا الكمّ الكبير من التخبيصات والتفاهات التي كتبتها وتكتبها جماهيرنا بعد كل تعثر.. وأعتقـد أنك تعرف ويعرف الكثير من الإخوة المتابعين عن أي شيء وعن أي موقف/مواقف أتحدث فيما تناولته تلك الصفحات وتلك الأعداد من جماهير الفيصلي النظيفة..!.


أنت عنجدّ يابوإيهاب بتحكي أنه رجع الأمل في بطولة دوري هذا الموسم..؟!.
أنا حكيتها قبل الآن، وحتى من أيام بطولة دوري الموسم السابق:
إحنا خسرنا الدوري من زمــــــــــــــــــــــان، خسرناه من لمّا صار الكل زُعَما..
ما فيش عنّا شعب.

أبو أحمد الغالي ...
لا تفكر إنه ردي عليك من باب الزعل ..
بالعكس اخوي .. هي عبارة عن وجهات نظر تحتمل الصواب والخطأ ...
صدقني يا ابو احمد إني من النادر والنادر جدا أن أقوم بمشاركات عالفيس ..
يسعد كل اوقاتك يا رب

[عبدالرحمن الحوساني]

بتبارك لما يكون بذراعهم
مش لما الحكام يضيعو علينا جهد عام كامل