تويت
المشاركة الأصلية بواسطة Abu Hammash
مشاهدة المشاركة
وكل الاحترام لك والمحبة أخي العزيز أبو هماش..
كلامك عين العقل وقمة المنطقية بشكل عام وفي ظروف وأحوال ومباريات غير مباراة اليوم.. لأنه والله ما أنا شايِف إشي مستاهِل لهيك تعليقات على هاي المباراة.
وبرضُه العصبية وفرض الرأي ما يكونِش بالطريقة المتكررة والأسطوانة الدائمة بعد كل مباراة وشو ماكانت الظروف وشو ما كانت النتيجة، خاصة من الأخ 1977alsaif وبعض الإخوة الزائرين، لأنه كمان تعليقاتهم بهيك عبارات وفي هيك مباراة فيها عصبية وفيها فرض رأي.
يعني بكل صراحة قلتها وذكرت اسمه للأخ 1977alsaif..... والصحيح تعليقاته وردوده بتخلّي اللي بدّوش يكتب أو يشارك أو يردّ، غصبِن عنُّه يفوت ويكتب ويعلّق بعصبية، وبنرفزِه كمان..!.
أنا مِش عارف كيف حسبها الأخ 1977alsaif..؟!. يعني إحنا مع مين بنلعب هذي المباراة..؟!.
صدقا يا إخوان وما إلكُم عليّي يمين، أنا بحترمه للأخ الكريم جدا وبحترم رأيه، وواضح من كلامه ومن اللي بيكتبه أنه شخص فهمان كرويا، مع أنه املائيا ولغويا ضعيف.. وذكرتُ عبارتي الأخيرة هذه لكي أؤكِّـد أنني أكتب بكل صراحة بخصوصه، الصراحة البريئة والصادقة، مِش الصراحة الفاضحة والوقحة، وأيضا.. أشهد الله أنني أكتب وأنا مِش معصِّب ولا منرفِز و
Easy cooooooooooool جدا جدا، بعد كل هذا الوقت الذي مر على انتهاء هذه المباراة اللي أنا شايفها تمرين وتحضير وتجريب وفكّ عضلات.
فَـ يا أخ 1977alsaif احسبها مرة، مرة واحدة مباراة نقاهة، زهزهزة، تسلايِه، غرض بدنا نحصل عليه شو ما كان الأداء، ومشّيها.. والله ما إحنا قدّك في اللي بدّك ايّاه من (أبوزمع) ومن الفريق، ومن الأمور الفنية المثالية و TOP الـ TOP اللي في دماغك.. وقدِّر كمان أنه في ناس ما بتقدرِش تظلّها ساكتِه على هيك تعليقات وما فيها من عبارات منّك، والتي تمسّ كل المنظومة الوحداتية من لاعبين ومدربين لأنهم بالنسبة لهؤلاء الناس هم رموز وأعمدة في الكيان اللي أنت بتحبّه زي ما همِّه بحبّوه.
مع الاحترام للجميع
تعليق