رساله الى ابو زمع

[green1]

اخي الكريم .انا ما بعرفك ولا بعرف الاخ اللي مختلف معه. انا شايف انك معصب زيادة عن اللزوم .الجميع اخوان هنا ما حدا ببكره ابو زمع بالعكس اله كل الاحترام والتقدير وهو مدرب مؤهل ومتمرس ولكن أعتى المدربين العالميين احيانا يتفلسف ويجتهد ويخطئ وصارت مع جوارديولا أكثر من مرة .هذا منتدى خلي الناس تحكي آرائها
لعل الفائده والنصيحة ويمكن ملاحظة مفيدة تأتي من اي مشجع يقرأها ويستفيد منها جهازنا الفني وليس بالضرورة اللي يحكي جوارديولا حتى نسمعله الناس مثقفة .ولا نحجر رأي احد ما دام ادب الحوار وحب الوحدات موجود بدون تشنجات . خالص الاحترام لحضرتك .وكل الدعم وأمنيات التوفيق للكابتن عبدالله ابو زمع والاستفادة من الرأي الآخر لقيادة الوحدات لمنصات التتويج .

يا اخي الكريم الموضوع عندي مش اني معصب زياده ولا اني بدافع عن ابو زمع. الموضوع بسيط حدا.

انا شخص عملي.. بنظر للنتائج فقط

ما بهمني مين لعب وكيف لعب وليش. ولا بفهم في كل الخطط التدريبيه ولا الي علاقه فيها

لو عندي فريق كره قدم بسلمه لا بو زمع لانه بجيب نتائج

التاريخ ما بيتذكر الاداء ولا بجيبوا سيرته. بيذكروا مين فاز ومن خسر

طالما ابو زمع بجيب نتائج انا شو خصني كيف بجيبها

بالمنطق البسيط. واحد من وراء كيبورد قاعد ينّظر علي المدرب في الملعب والتدريبات! مش مره وحده لا.. في كل مباراه تنظير سواء فوز او خساره او تعادل

كل شخص حر يقول رايه بس كل مره وكل مباراه .. صار الموضوع سخيف.
اذا فاز بقولك ما هو الفريق فاز بدون ابو زمع ! مبدا سخيف

واحد من الاخوه صار له سنتين بطخ علي ابو زمع اذا شايف حاله عنده الكفاءه بروح يدرب الوحدات

ما عاد الموضوع راي للاشخاص بل هي حمله منظمه ضد ابو زمع لتطييره من النادي لانه محسوب علي طرف من اطراف الاذاره

هذه الخلاصه اللي بنكروها وبتخبوا خلف بشجع الوحدات ومن هالحكي الفاضي

فعلوها مع دراجان ومع اكرم سلمان .. اي شخص ينجح مع الوحدات بتلاقي جماعه بتحاربه لاسباب اداريه وانتخابيه فقط

[ايمن صالح]

للجميع الحق في انتقاد المدرب حين يكون الأداء في ثلاث مباريات متتاليه لا يلبي الطموح لفريق مثل الوحدات صاحب الجماهيرية الجارفه في شتى دول العالم إحنا نعشق اسم الوحدات ، أما اللي بعشق شخص وبدافع عنه على الطالعه والنازله سواء قدم أداء ام لم يقدم صارت مكشوفة

[شادي التلاوي]

¢¦

[green1]

للجميع الحق في انتقاد المدرب حين يكون الأداء في ثلاث مباريات متتاليه لا يلبي الطموح لفريق مثل الوحدات صاحب الجماهيرية الجارفه في شتى دول العالم إحنا نعشق اسم الوحدات ، أما اللي بعشق شخص وبدافع عنه على الطالعه والنازله سواء قدم أداء ام لم يقدم صارت مكشوفة

ههههههه تناقض صارخ لا يا اخي ليس لك حق تنتقد المدرب عشان الاداء سيء .. تنتقد المدرب لما تكون النتائج سيئه.

عندكم تناقضات عجيبه..

يا اخي الجزيره عنده اداء كويس .. وشوف مركزه! خلي الاداء ينفعه وينفعكم

ما بندافع عن ابو زمع لمجرد المناكفه معكم .. ندافع عن المدير الفني للوحدات اللي خلتوه مسخره في الاردن وهو متصدر .

شو يعني مكشوفه؟ ما بدي احلف بس المكشوف هو انتم اللي بدكم اطيروا ابو زمع بحجة الاداء ونفس الاسطوانه المشروخه من سنتبن

[شاهر العربي]

للجميع الحق في انتقاد المدرب حين يكون الأداء في ثلاث مباريات متتاليه لا يلبي الطموح لفريق مثل الوحدات صاحب الجماهيرية الجارفه في شتى دول العالم إحنا نعشق اسم الوحدات ، أما اللي بعشق شخص وبدافع عنه على الطالعه والنازله سواء قدم أداء ام لم يقدم صارت مكشوفة

ارحمونا بكفي
اذا شايف حالك انت وكم طخيخ على الكيبورد
خلينا نحطك مدرب ونشوف شو راح تعمل
اتقو الله في المدرب
بكفي

[Abu Al-Mothana]

برأيي يحق لنا الانتقاد عندما تتوفر جميع الظروف

الوحدات لم يلعب مكتمل الصفوف 3 مباريات متتاليه حتى الان ومع هذا متصدر الدوري ونأمل من اللاعبيين تحقيق الانتصار في اول 4 اسابيع لننهي الدوري

[ايمن صالح]

ارحمونا بكفي
اذا شايف حالك انت وكم طخيخ على الكيبورد
خلينا نحطك مدرب ونشوف شو راح تعمل
اتقو الله في المدرب
بكفي

والله يا خوي متقيين الله في أبو زمع، الموضوع بالنسبه لي هو فني بحت وما في داعي نقول طخيخخ كيبورد وتعال درب انت ومش عارف شو خلي الحوار حول الموضوع