ممكن جواب يا من احببتم هذا التصرف

[المعتز بالله]

ما فعله الحكم اجرام بحق الوحدات
وما فعلة شفيع لا يليق بالوحدات
الوحدات فريق عالمي

[عجوري مغترب]

أنا برأيي أن شفيع أخطأ ولا جدال في ذلك
لكن أعتقد أنه بإمكان الحكم المخادمة أن يحتوي الوضع ويكمل المباراة
ولكنه شخص حاقد على المارد الأخضر واستغل الفرصة التي أتته على طبق من ذهب لينتقم من الوحدات ويخسره 3 نقاط ثمينة
حسبي الله ونعم الوكيل

[ابو احمد 75]

كلامك صحيح بس بلرضه الحكم زادها وانهى المباراة بسرعة وهذا يدل على انه تم التخطيط له

والصور هي افضل من تبين الامور

[سمير يونس]

أجمل لقطة شاهدتها بحياتي هي نطحة زيدان لقليل الادب اللاعب الايطالي لانه فش غلنا بلاعب عديم الاخلاق
وكذلك عامر شفيع فش غلنا بحكم مرتشي ومتحامل ومشحون على الوحدات

اغرسوا الاخلاق والحيادية بالحكام اولا وبعدين حاسبوا اللاعبين على اي تصرف

تسلم ايدك يا شفيع ولا تهتم لاي ايقاف او غرامة وارجو لك الاحتراف بدوري محترم

[وحداتي قريوتي]

شفيع لم يعتدي على الحكم

كانت ردة فعل وتراكمات استفزاز لقرارات الحكم الظالم

والحكم مثّل انه انضرب .. وشفيع لو انه واعي وضبط اعصابه ما كان استنظف ودفعه

عالعموم ... هو مخطط لايقاف الوحدات بكل الطرق ... التخسير او الظلم التحكيمي او ضرب الجماهير واستمرارية استفزازها والتضييق عليها دخولا وخروجا

.......................................

حسبنا الله ونعم الوكيل ... وتخبط دراغان واستهتار بعض الشباب بعدين بنحكي فيه

[عباس قراقع]

انا مش عارف متى نصبح محترفين لاعبين وجمهور شو يعني خسرنا مباراه او تعادلنا
شو يعني حكم اخطئ وظلمنا
هل هذا مبرر للاعتداء على حكم (فش غلكم شفيع )
تسلم ايدك يا شفيع كبير يا شفيع
والله عيب ان نؤيد ما قام به شفيع ,,,عيب
انا مع حرمانه وتأديبه من قبل الاتحاد عشان يرتاح ويفش خلقه على المزبوط
ادارة ما شاء الله عليها وحوليها لو اللاعب عارف انه راح يتعاقب
عمره ما بعمل غلط حتى لو عمل ما بكررها
بس اللاعب عارف شو اخرتها صلحه وراح يترجو فيه انه يرجع يلعب اذا نزلت عليه عقوبه
وطبعا الجمهور اول ناس راح تكتب وتطالب الاداره بمسامحة اللاعب لانه نحتاجه
واللاعب اذا قعد فتره بدون لعب او تمارين راح تنزل لياقته ويغيب عن اجواء المباريات
يا اخوان يا اعضاء انا لا اتهجم على احد ولكن العقل يقول ان هذا التصرف غير معقول
متى نصلح انفسنا ومتى نتعظ من اخطاءنا ,,,الم نتعلم من المواقف التي حصلت معنا
اللاعب يجب عليه ان يلعب بجد وانتماء واعرف ان له احاسيس وشعور بالظلم جراء قرار جائر من حكم
لكن الاعب مهمته ان يلعب بالملعب 90 دقيقه ويعطي ما عنده من طاقه وفنيات والتزام
والباقي عند الاداره هي المسؤوله عن حق النادي وعن الدفاع عن لاعبيها لدى الاتحاد الموقر

ملاحظه : نفسي اعرف شو الفائدة من الى حصل

كيفت و وفيت والله
انا والله حكيت هذا الحكي

[ابن الفارس]

انا تصرف عامرشفيع ما عجبني بالمره المفروض انو الحكم طلع من الملعب على البشير اخي الكريم كلامك مزبوط بس لما الحكم تكون اخطاءه طبيعيه مش اخطاء اختي الي عمرها سنين ما بتخربط فيها حتى الحكام الي بترتشي وبتبيع مباريات مش هيك بتعمل بالعقل مش عينك عينك تكليح

بتمنى ما تزعل يا صاحب الموضوع

[jihad77]

هل ضرب الحكم رد كرامتنا
هل ما تعرض له الجمهور هو من الحكام
هل الحكام اصبحوا من الدرك

هل ان ضاع الدوري سوف نكون سعداء


مش عارف شو استفدنا بالضبط

[mort de whedat]

الحكم اخطا و لكن شفيع فعل الكارثه و ماذا يعني لو خسرنا مباراه او تعادلنا عادي جدا الريال دفع الملايين على الفريق والفرق بينه وبين البرشا 7 نقاط و لم يفعلوا شي نحن متفوقين على الغريم ويوجد توتر وعصبيه واعتراض على كل قرار من الحكم صحيح او خطأ

[الطيار]

والله ياخوي ماحد بقبل بالظلم واحنا مقهورين من احداث القويسمة والي صا وقلنا رح ننسى ونبدأ بداية جديدة وشفت كيف كان الحكم اللاعب رقم 12 في المنشية يعني والله غصب عنه الواحد بعمل هيك وبحكي هيك صحيح ان ما بصير يضرب الحكم او يعتدي عليه ولكن الانسان لما يحس حاله محاصر من كل جانب ومش عارف يتحرك بحاول يهرب من اي زاوية والانسان الي ما بعرف يسبح بس يفوت المي بصير يلاطش يمين وشمال الله لا يسامحه الي كان السبب

ولكن يبقى الوحدات فوق الجميع

[ابو مايا]

عنجد عيب يا شفيع

[احمد الاخضر]

يا اخ لطفي انت مبين عليك حامل على شفيع اكثر من المخادمه
ومبين عليك كمان ما شفت اللقطة مزبوط صدقني يا اخوي انها تمثيل
ميه بالميه والله يجازي اللي كان السبب

[سماح عاطف]

على فرض انو احنا مطبقين للاحتراف
بنسه لأرضيه الملعب شو ؟؟؟
في احتراف بجيب هيك حكم ؟؟
عالم الاحتراف بحكي اضربو الجمهور يا قوات الدرك
هدول عالم ما بتفهم الا العصايه خلص مضطرين نتعامل معهم بناء على مقدرهم العقلي

[عمر اللحام]

عندما يكون الحكم على حق ,
ويتصرف شفيع مثل هذا التصرف ,
نلومه , ونقيم الدنيا ولا نقعدها ,

لكن الحكم كان ظالماً ..
منحازا .. غير موضوعي ..
غير عادل .. واستفز اللاعبين ..
وغير مجرى اللقاء .. لذلك ..
استحق ما قام به شفيع

[العرابي]

ما قام به عامر شفيع اكبر غلط لانو مش من مصلحة حد

الاتحاد بدور على نكشه صغيره حتى يرضي الهظولاك

تخسرينا بهاي المباره 3-0 الفارق بتقلص بدل ما يزيد او حتى الثبات عليه

المباريات القادمه فيها خوف كبير من المجهول

ما بدنا نحط السبب على شفيع بس يلي عملو غلط كبير