بث مباشر مباراة اليوم الوحدات والسلط بث مباشر دوري المحترفين الاردني

[1977alsaif]

انا اقترح بعد موسم الانتقالات تبيعوا احمد الياس ورجائي وصالح راتب، وتشوفولنا 3 خط وسط مناح من هالدوري، في لاعبين ممتازين. ممكن يقدموا افضل من هيك.

100% مع طارق خطاب للاسف أنبح صوتنا واحنا نقول لاعب وسط دفاعي يستطيع بناء اللعب والتحرك بشكل طولي افضل من كل موجود
راينا فهد اليوسف عندما عاد إلا الخلف أصبح اللعب أسرع رتم لاعبي الوسط بطيء يتيح لا اي فريق العوده وايضا نقل الكرة والابداع معدوم والاخ هيثم احمد ان وحدات لا يستطيع اللعب تحت ضغط وهنا من غير تجريح القصد لاعبي الوسط

[1977alsaif]

على عكس الفرق العالميه عندما يكون الفريق محتاج الفوز يخرج مهاجم ويدخل لاعب وسط كي يستطيع كسب الكرة الثانيه و ان يستخدم التسديد ولا يفتح ملعب وابو زمع فتح وخسر كل مواجهات
سؤال آخر اين انت من الكرات الثابته التي أصبحت مسخرة والتنفيد

[ابو علا]

الدميري بذل جهد كبير بالدفاع
الفاخوري بيسوى فريق كامل ما شاء الله

[jamal nashwan]

فريقنا ومدربها بخير
بس اليوم كان في حسابات اخرى...

هلاء فهمت تغريدة بو أحمد

لا والمشكلة يا ابو فايز الإخوة الأعضاء الكرام بيعلّقوا وكأن الوحدات ولاعبي الوحدات وجهازه الفني بيلعبوا لحالهم في ستاد الملك عبدالله، وكأنه ما فيش قدّامهم فريق نصفه إن لم يكن أكثر لاعبو منتخب، ومدير فني في اعتقادهم لا اعتبار ولا وجود له، وتمسّكهم بالحصول على النقطة أكبر بكثير من رغبة الوحدات ولاعبيه وجهازه الفني بالحصول على الثلاث نقاط..


الحسابات من الآن لآخر الدوري، وفي كل المباريات، هي حسابات تجارية بحتة، وياما رح نشوف لعب زي هيك كثير..

ذكرتُ قبل هيك أن الدوري الآن طابقين فقط، الطابق الأول = الوحدات الثلاثيني + الجزيرة والرمثا العشرينيين، والطابق الثاني = باقي الفرق الـ (ـــطعش) وسبعة

وأكبر فرق بين الرابع والحادي عشر من هذا الطابق الثاني هو خمس نقاط، يعني مباراتين بينهم جميعا، يعني مباراة واحدة بين آخر اثنين من هذول الـ (هدعش).. يعني الثمانية فرق من الرابع حتى الحادي عشر بيدوّروا على النقطة، بحماس وبدافعية وباستقتال وبروح يا تعيش يا تموت أكثر بكثير من كل خطط وفنيات الأجهزة الفنية للوحدات والجزيرة، وبدرجة أقل الرمثا، وأكثر بكثير من كل روح ودافعية ومهارات ونجومية لاعبي هذه الفرق الثلاثة... ولسّة ياما حنشوف

في ظل هذه النتيجة، أو بشكل عام، في ظل نتائج هذه المرحلة، أنا أعتبر الوحدات هو الفائز، وللأمانة أنا أعتبر تبديلات وتغيير أسلوب الفريق في آخر ثلث ساعة مغامرة غير محسوبة، بل مغامرات متعددة في كل تبديل أجراه، مِش لأن عبد الله أبو زمع فتح اللعب واندفع بكل قواه الهجومية، لا بل لاعتقادي أنه فعل ذلك لإرضاء أو لإسكات كل مَن يقول أنه عندنا أحسن لاعبين في البلد، وليش ما لاعَبِش فلان، وليش مخلّي علّان عـ الدّكِّه، وما عندوش حلول..!.

هيّو ما خلّى لاعب هجومي إلا وأشركه في هذه المباراة، شو سوّوا..؟!.
وبرضو، شو سوّوا هاي مش انتقاص من اللاعبين اللي أشركهم، إنما هناك فريق بلعب قُدّامك، وهذا الفريق عنده لاعبين أساسيين وعنده بدلاء زيّ الأساسيين ويمكن أحسن كمان، وعنده جهاز فني، وهذا الجهاز بخطط وبيحسب وبيرسم وبيحلل وبيقرأ مباريات.. وبرجع وبحكي هذا الحكي على قدّنا وعلى قدر فنّياتنا وإمكاناتنا في هذا البلد، لأن اللي بيقرأ (من خارج البلد) اللي أنا كاتبه والتعليقات اللي الإخوة الأعضاء كاتبينها، بيفكّرنا عاملين بث مباشر لمباراة مانشستر سيتي وتوتنهام اللي قرّبت تنتهي 2:0 لصالح توتنهام..!.

[ضيف]

نصائح عامة

[FONT=""][COLOR=""]أحسن شي ممكن تعمله وانت بتحضر مباراة للوحدات

* حط أعصابك في الثلاجة لأنك رايح تكتشف بعد المباراة إنك زعلت كل أهل الدار منك على شي فاضي

* قبل بداية المباراة تأكد من أن جميع الأدوات الحادة والمؤذية بعيدة عن متناول ايدك أحسن تخسر الشاشة وما حولها

* تذكر دائما وأبداً إنك بتشاهد مباراة في الأردن مش في لندن كعزاء

* حاول تسد حلقك بحبة ملبس علوز بلا ما تطلع منك كلمة هيك ولا هيك وهات قطبها بعدين

* بعد المباراة بنصحك تروح تحضر النمر الوردي وتفقع من الضحك على حالك لأنك ضيعت ساعتين على مباراة فارطة ومعلق ميت

واستوديو تحليل بمغص

( بكفي استهتار يا وحدات , بكفي استهتار أبو زمع , بكفي استهتار يا لعبية) اللي حاسس حالو أكبر من الوحدات أو مش قد

الوحدات يفرقنا بريحة طيبة[/COLOR][/FONT]

[ضيف]

قرفتونا كرة القدم

[FONT=""][COLOR=""]أقسم بالله قرفتونا إشي اسمه كرة

رفعتوا ضغطنا وسميتوا بدنا

لا لعب ولا تنظيم ولا روح ولا ...............

لو نازلين قدام برشلونة مش هيك

حلوا عنا مشان السماااااااااااااااااااااااااااااااااااا


أبو زمع باشا لا تحسسنا السلط السيتي وشباب الأردن الريال يا راجل كل الأردن ما فيها كرة قدم زي البشر ولولا حب الوحدات

عيب على شواربي إذا بضيع ساعتين مشان أحضر تخبيص

استثمر هالميزة عندك كم بني آدم أحسن من غيرهم العب فيهم صح

أنا عني قرفت كرة القدم اليوم لأجلك[/COLOR][/FONT]