نقطة خلاف

[ابو اوس]

جريدة الغد


نقطة الخلاف الوحيدة بين الوحدات واللاعب يزن عرب، تتمثل في حصة وكيل اللاعب الذي يطلب حوالي 7 آلاف دولار.

[ابو سند 77]

كل شيئ بالاتفاق
و اللاعب ايضا ملتزم بعقد مع وكيل أعماله
لا أرى نقطة خلاف بين الوحدات و اللاعب
اما الاتفاق او كل في حال سبيله

[ماجد جامع]

نتمنى ان يكون هناك اتفاق يرضي جميع الاطراف

[jamal nashwan]

إذا هالحكي صحيح زيّ ما بتحكي الغد:

فَـ خلّي وكيلُه يشوفلُه عقد مع نادي الثُّقبِه السعودي ويوخذ 70 ألف بدل الـ 7،، هنـــــــــــــــاك بيدفعوا أكثر..!.

[jamal nashwan]

نتمنى ان يكون هناك اتفاق يرضي جميع الاطراف

نتمنى أن يكون هناك اتفاق يُرضي الوحدات، فقط

[محمد المصري]

ب عالم الاحتراف شئ طييعي وجود وكيل ووجود عموله .. ندفع ونحصل على اللاعب ونتوكل على الله .. ال7 الاف دولار كاموا يضيعوهم بحكي فاضي قبل

[khaled edwan]

اذا عقده اكثر من موسم شو المشكلة
يعني حوالي 5000 دينار مش كثير

[jamal nashwan]

ب عالم الاحتراف شئ طييعي وجود وكيل ووجود عموله .. ندفع ونحصل على اللاعب ونتوكل على الله .. ال7 الاف دولار كاموا يضيعوهم بحكي فاضي قبل

الله يصبّحك بالخير أخي محمد،،

طيِّب في عالم الاحتراف برضُه، شيء طبيعي يعطوا طارق خطاب 70 ألف أو 80 ألف، ويخلّصوا معه بدون شروط منه، وكذلك، كان أعطوا عبد الله ذيب 50 ألف على الرغم من أنه كان مستعد يوقع بأقل من الـ 50 ألف، وحتى رجائي اللي وقّع معنا بـ 45 ألف فقط ولمدة موسمين أن يعطوه هو الآخر 50 ألف وِلّا 60 ألف،، زيّ ما أنت بتحكي في عالم الاحتراف..
أم أنه حرام على بلابله الدوحُ حلال للطير من كل جنسِ..؟.

هذا،، إحنا بنحكي هالحكي أعلاه، والله أعلم كمان قدّيش الأخ يزن ووكيله مِتْشَـرّطين يكون مدة عقده، أما قيمة عقده الموسمي فواضحة أنها 70 ألف دولار، حيث العمولة لأقل وكيل هي 10%..!.

[ابو سند 77]

على الاقل لن يشترط على الوحدات وضع بند بفسخ عقده
في حال حصوله على عقد خارجي

[jamal nashwan]

اذا عقده اكثر من موسم شو المشكلة
يعني حوالي 5000 دينار مش كثير

أبو الوليد يا غالي، الشغلِه مش شغلة كثير وقليل، النادي بيتفق مع اللاعب على مبلغ مقطوع لقيمة العقد، وهو يروح يدبِّر راسه مع الوكيل تبعُه، إذا إلُه وكيل.

بعدين يعني هو زايِد عن بقية اللاعبين..؟!!.

[ابو ناصر]

صباح الخير يزن اه يعطوه بشرط عقد سنتين طارق لا يشفوف في السعوديه درجه ثالثه احسن لاعبية النادي $$$$$$

[jamal nashwan]

على الاقل لن يشترط على الوحدات وضع بند بفسخ عقده
في حال حصوله على عقد خارجي

أبو سند يا غالي، بحِسَّك في تعليقاتك من آخر مرة اقتبست فيها تعليق لي وردّيت عليّي، وأنا ردّيت عليك وقلتلّك: أنت بتكتب بس عشان تكتب، بحِسَّك بتداقِر فيّي مداقرَة بدون ما تُدرك حيثيات الموضوع بالكامل ولا بتفكِّر للحظة في الكلام اللي أنا بكتبه، لإنّي أنا الوحيد اللي جبت سيرة طارق خطاب في هالموضوع وحكاية تعاقده مع الوحدات..!.

اللي بتحكي عنه:
على الاقل لن يشترط على الوحدات وضع بند بفسخ عقده
يعطوه في الموسم زيّ ما بدهم يعطوا يزن العرب وبالمدة اللي بوقِّع فيها يزن، وهو لن يضع هذا الشرط، أما يدفعوله 45 و50 وتيجي تحكيلي يتشرّط وما يتشرّط، أي حقُّه وحقّ كل أهله وقرايبُه يحطّوا شرط من بكرة يفسخوا عقدهم..!.

[abumoo]

اللاعب المحترف يفضل أن يكون لديه وكيل أعمال لتسويقه حيث أنه أصبح مثله مثل أي سلعة تحتاج الى تسويق وما يتبعها
طبعا هناك شروط لمصلحة الوكيل ولا يمكن للاعب التنصل منها وخصوصا ان لاعبينا لا زالوا عجينة طرية بيد الوكلاء وبالتالي يفرضون عليهم شروط لا يمكن للاعبين ان يتهربوا منها وبالتالي يقعوا في فخ الوكيل الذي يوهمهم في البداية بعقود خليجية كبيرة
نصيحة لكل لاعب يريد التوقيع مع وكيل ان يكون من ضمن شروط العقد امكانية فسخ العقد في حال لم يستطع الوكيل تأمين عقد خارجي بقيمة تتجاوز كذا خلال مدة كذا
حاليا وبصراحة أفضل تسويق للاعبين هي الاعتماد على أنفسهم وتطوير مهاراتهم من خلال الانضمام الى الفرق المعروفة والمتابعة والتي تمتلك قاعدة جماهيرية مثل الوحدات
أثبت نفسك مع فريقك تتسوق تلقائيا والامثلة كثيرة

في النهاية مبلغ مثل هذا يجب الا يكون عائقا اذا كان الفريق بحاجة للاعب

أعجبني رد الاخ ابو احمد (جمال نشوان) فيه الكثير من الواقعية

[ابو سند 77]

أبو سند يا غالي، بحِسَّك في تعليقاتك من آخر مرة اقتبست فيها تعليق لي وردّيت عليّي، وأنا ردّيت عليك وقلتلّك: أنت بتكتب بس عشان تكتب، بحِسَّك بتداقِر فيّي مداقرَة بدون ما تُدرك حيثيات الموضوع بالكامل ولا بتفكِّر للحظة في الكلام اللي أنا بكتبه، لإنّي أنا الوحيد اللي جبت سيرة طارق خطاب في هالموضوع وحكاية تعاقده مع الوحدات..!.

اللي بتحكي عنه:
على الاقل لن يشترط على الوحدات وضع بند بفسخ عقده
يعطوه في الموسم زيّ ما بدهم يعطوا يزن العرب وبالمدة اللي بوقِّع فيها يزن، وهو لن يضع هذا الشرط، أما يدفعوله 45 و50 وتيجي تحكيلي يتشرّط وما يتشرّط، أي حقُّه وحقّ كل أهله وقرايبُه يحطّوا شرط من بكرة يفسخوا عقدهم..!.

اهلا اخي ابو احمد
انا لا بداقر و لا اشي يا طيب و انا كتبت ردي بعد ردك بثواني و ما لحقت اقرأ شو كتبت عن خطاب

ممكن توضح كم طلب طارق خطاب و كم قيمة عقد يزن العرب اذا عندك معلومة
مشان نفهم

[اليازوري]

يا جماعة الصحفيين اللي بالبلد مو لاقيين شغلة برضوا تأخير الموسم مأثر عليهم ....
هسة التفاوض بين الوكيل والنادي صار عقبة .. ؟؟
هذا اسمه بزنيس ومفاوضات جارية ، بس الله أعلم مين كان يأرغل مع هالصحفي وحكاله لسة بنتفاوض على حساب الوكيل .