يخزي العين

[مهند الشاويش]

بجد يخزي العين على هيك ادارة
موضوع ابو زمع خلال 24 ساعه طلع فيه الف تصريح وقع ما وقع وافق ما وافق
كيف نادي محترم بعتبر نفسه محترف بطلع اخبار عن تعاقد مع مدرب بهيك طريقه .وين السريه بالموضوع.و ليش ما حد من النادي طلع كذب اي خبر من الي على المواقع ومين الي كان يسرب كل تحركات الادارة واجتماعهم مع ابو زمع
ليش الانديه ا
كلها ما بنعرف صفقاتهم الا بعد التوقيع وبتكون مفاجأه.
ليش بنفتح مجال لاي حد ناوي يخرب علينا يعرف اسرارنا.
حسبي الله ونعم الوكيل على هيك ناس .نادي كبير زي الوحدات كل اموره مكشوفه للجميع.
وحسبي الله على شلة القوات المحموله الي بتخلي مجموعه جاهله معفنه تتحكم بنادي بحجم الوحدات

[ابو سند 77]

و فوق هذا فشلوا بالتوقيع مع ابو زمع

[مهند الشاويش]

و فوق هذا فشلوا بالتوقيع مع ابو زمع

يا سيدي تفشل تنجح مش مشكله بس ليش الخبر بنتشر قبل ما يكون في اشي رسمي
من اسبوعين وكل الاردن بتعرف بقصة ابو زمع
وقبل هيك قصة ثلجي وشفت شو صار محاولات تخريب
ليش ما يكون في ناطق اعلامي هو بس الي بصرح بعد ما تخلص الصفقه

[محمد القلقيلي]

احيانا هناك تكتيك بإفشاء السر لغاية إفشال الصفقة.
وبعدين الادارة كل واحد راس وزعيم.

[ماجد جامع]

كل واحد بدو مصلحته مافي حد حاس بالجماهير

[ابو النور]

شكله اللي بسرب الاخبار بقبض على كل خبر عشر نيرات
فعلا الله يخزي هيك اداره بزعامه ابو الغلابا

[مهند الشاويش]

احيانا هناك تكتيك بإفشاء السر لغاية إفشال الصفقة.
وبعدين الادارة كل واحد راس وزعيم.

شوف بدي اختلف معك بموضوع تكتيك
لانه الادارة اصغر من فهم كلمة تكتيك ههههههههههه
احكي خباثه ولائم

[Palestinian2005]

هنالك من يتقصد تسريب المعلومات الخاصة بالنادي سواء بموضوع التعاقد مع المدربين او التفاوض مع اللاعبين على مدار الإدارات المتعاقبة ، على الإدارة الحالية تحديد مصدر التسريبات ومطلقي الإشاعات بالسرعة الممكنة قبل إنطلاق الموسم القادم .

[ابو الباسل]

العصافير اللي بتسرب الأخبار بتقبض حبيبي ما في شيء ببلاش واللا كيف الأخبار بتصل للاقلام الصفراء والمريضة اولا بأول.

[بسام الحمران]

لان ادراتنا فاتحه بابها على الشارع مباشره .
ادارتنا محترفه بمعنى الكلمه العين تطرقهم كلهم .
لازم الجيران يسمعوا صياحنا وفضيحه وعليها شهود .

[K H A L E D]

الشمس ما بتتغطى بغربال والمسربين اكيد معروفين ولكن ما في حساب ولا مسائله والحبل على الغارب

[ابو سند 77]

يا سيدي تفشل تنجح مش مشكله بس ليش الخبر بنتشر قبل ما يكون في اشي رسمي
من اسبوعين وكل الاردن بتعرف بقصة ابو زمع
وقبل هيك قصة ثلجي وشفت شو صار محاولات تخريب
ليش ما يكون في ناطق اعلامي هو بس الي بصرح بعد ما تخلص الصفقه

اخي ادارة بتحب الشو الإعلامي بهذه المواضيع
و عند أول خسارة بختفوا
هذا اصبح معروف للجميع

[jamalsadeq]

المهم وقع والحمد لله

[dr.ashraf]

هسا قول بالنهاية حسموا الموضوع و وقع ابوزمع او بالأصح اتفقوا على التوقيع .
هسا اصبر وشوف التعاقدات ... و اسمع نشر أخبار ...
والي بزعلك انه هاي امور بتحدث بنادي اسمه الوحدات.
الي المفروض بخبرته يدرس الاندية الثانية فنون إدارة اي صرح ..
بس يا حسرة