بلاش تجيبنا كتاف يا بشار ... !!!

[اليازوري]

انا مش عارف ، كل المعطيات تقول أنه من الصعب تسجيل لاعبين جدد ، فبكفي ردح عالفاضي وإحنا عارفين النتيجة يعني الاتحاد الاردني ما رح يفتحلنا التسجيل لا هسة ولا قبل نصف النهائي ، ما احنا شايفين كيف ضغط المباريات بالكأس ومو راضيين حتى يستقبلوا منا أي اعتراض أو مساعدة .... !!

صحيح العهد فريق وصل لهذا الدور بس الوحدات أقوى بمراحل بس اذا رح نظل نطالب بسوبرمان رح اندمر نفسيات اللعيبة اللي لازم نكون كلنا خلفهم لأنهم هم اللي وصلونا لهذا الدور ... !!

جماهير مندسة .. يا جماهير الوحدات العظيمة هناك بعض الأشخاص واظنهم معروفين للجميع يحاولون تكبيد النادي أي عقوبة وغرامات فيجب على الجميع الوقوف يدا واحدة أمامهم والله بعدها لن نراهم ابدا لأنهم أجبن من أن يواجهوا جمهور الوحدات ، مع العلم أن بعض من اداريينا بعرفوا بعض هؤلاء ولكن الصمت أصبح عندهم ثلثين المرجلة ... !!!

أخ بشار احنا توسمنا فيك خير بس يا ريت تشتغلوا بحرفنة وشوية مكر وحاولوا تخففوا من التصريحات والله يوفقنا جميعا

[حازم الوحداتي1]

يازوري انت متأكد من معلوماتك عن العهد .....انا نزلت موضوع عن رصد فريق العهد اللبناني اذا بتحب تشوفه

[اليازوري]

يازوري انت متأكد من معلوماتك عن العهد .....انا نزلت موضوع عن رصد فريق العهد اللبناني اذا بتحب تشوفه

أخ حازم انا تابعت فريق العهد في الدوري المحلي اللبناني وفي مباريات كأس الاتحاد الاسيوي ، في فرق شاسع بينهم وبين الوحدات لمصلحة الوحدات ، الدوري اللبناني دوري موجه مثله مثل دورينا ومبارياته هناك ضعيفة وبالنسبة لمبارياته في الإتحاد الآسيوي يا ترجع للمباريات وشوف مع مين لعب وكيف كانت المباريات.

مشكلة الوحدات انه دائما يخلق بعبع من لا شيء ، صحيح يجب احترام أي فريق بس مو لدرجة تقعد نترجى الاتحاد لتسجيل لاعبين لمبارتينا مع العهد .... !!!

مشكور اخوي حازم على المرور

[ibrahem82]

بالعكس يجب على الادارة زيادة الضغط على الاتحاد
عشان توخذ الي بدك اياه او توخذ جزء من الي بدك اياه
اتوقع الادارة الجديدة بتشتغل صح والله ولي التوفيق
بالتوفيق للوحدات اسيويا

[ماجد جامع]

نتمنى الاستمرار بالموضوع لدى الاتحاد

[مهند الشاويش]

والله يا صديقي كنت مفكر اكتب موضوع نفس الفكره
قصة الاتحاد وتسجيل محترفين.
بصراحه بعيد عن التحيز من الاتحاد
لكن اذا فريقنا لسه بحاجة محترفين مشان هي البطوله.
طيب شو نسمي الي كان من بداية الموسم ربع محترفين مثلا؟
والمصاريف والخسائر والعقود والمعسكرات كلها ليش؟
واذا كل الي صار مشان دوري اردني بصراحه مش مستاهل نشتري ربع لاعب
لانه الاعب المحلي وزياده.وياريت كمان حصلنا الدوري.مع الي بنسميهم محترفين.
الفريق الموجود مطلوب منه البطوله بالموجود وغير هيك الفريق كله يروح
لانه لا قادرين على محلي وبدهم محترفين مشان بطوله خارجيه.اذا هيك شو بعمل الموجودين بالوقت الحالي وشو لزومهم؟

[osadeq]

للأسف لو عنا لجنة احتراف محترفة كان ما اضطرينا لجميلة هيك إتحاد

[حازم الوحداتي1]

والله مش بحاجة اي محترف او لاعب المفروض اللي عنا مع تفتيحة مخ مدرب بنجيب الاسيوية

[اليازوري]

والله يا صديقي كنت مفكر اكتب موضوع نفس الفكره
قصة الاتحاد وتسجيل محترفين.
بصراحه بعيد عن التحيز من الاتحاد
لكن اذا فريقنا لسه بحاجة محترفين مشان هي البطوله.
طيب شو نسمي الي كان من بداية الموسم ربع محترفين مثلا؟
والمصاريف والخسائر والعقود والمعسكرات كلها ليش؟
واذا كل الي صار مشان دوري اردني بصراحه مش مستاهل نشتري ربع لاعب
لانه الاعب المحلي وزياده.وياريت كمان حصلنا الدوري.مع الي بنسميهم محترفين.
الفريق الموجود مطلوب منه البطوله بالموجود وغير هيك الفريق كله يروح
لانه لا قادرين على محلي وبدهم محترفين مشان بطوله خارجيه.اذا هيك شو بعمل الموجودين بالوقت الحالي وشو لزومهم؟

والله يا مهند انا كنت دايما بحكي انه فرقنا الأردنية ما بدها غير قناصين وهذا اللي بقوم فيه الفيصلي مع ضعفه ولكن يسجل عن طريق محترفيه، الوحدات كان لازم يستقر من سنتين على محترف قناص فقط لا غير حتى ينهي الكثير من جهود بقية اللاعبين في الميدان

[jamal nashwan]

كلام منطقي أخي أبوأحمد...

وباللهجة الدارجة، يا ريت نحشد ونتوحد ونقرر ونواجه في أمور ومشاكل وعراقيل أكبر من هيك،
لأنه بالفعل الشغلِه مِش مستاهلِه

ولجماهيرنا الحبيبة على مختلف أطيافها وتوجهاتها عتب، وعتب كبير كمان.. الموسم هذا والموسم اللي قبله كنتم سببا رئيسا في تدهور أداء الفريق قبل نتائجه
اخزوا الشيطان في باقي استحقاقات هذا الموسم والموسم القادم، وسيبونا من تبعية الأشخاص


مع الاحترام

[firas wehdate barca10]

يجب ايقاف الشتائم

[احمدحسن]

انداري

[عبدالله قاسم]

اولا انا ضد بشار الحوامده كشخص,,بس اذا ضل ساكت ما بعجبنا واذا حكى ما بعبجبنا
ثانيا بالنسبه للشتائم,امبارح حضرت المباراه بالملعب ومجموعه وحداتي بكل اعضائهاا كانت تشتم,وفي مجموعه طالعه جديد ع الاولى برضوا كل المباراه وهي تشتم

[بسام الحمران]

ما شاء الله ماذا يفرق جمهورنا عن جمهور الفيصلي ........... لا شيء
اذا يجب تكاتف الجميع في وجه هذه المجموعه التي تحاول المساس من جمهورنا الرائع وتوسيخ سمعته والتأثير على النادي وصندوق النادي
لا زلت اقول يجب ان يكون رأس الهرم في النادي على قد حالو حتى يمشي مع هيك اتحاد .

[اليازوري]

اولا انا ضد بشار الحوامده كشخص,,بس اذا ضل ساكت ما بعجبنا واذا حكى ما بعبجبنا
ثانيا بالنسبه للشتائم,امبارح حضرت المباراه بالملعب ومجموعه وحداتي بكل اعضائهاا كانت تشتم,وفي مجموعه طالعه جديد ع الاولى برضوا كل المباراه وهي تشتم

أهلين اخوي عبدالله ،،،
انا ما جبت سيرة انه الربس مو عاجبنا ، كل اللي حكيته هو تمني انه نشتغل على اللاعبين اللي عنا لأنه استجداء الإتحاد ما منو نتيجة غير أنه بهز معنويات لعيبتنا وجماهيرنا. ...

مشكور مرورك عالموضوع أخ عبدالله