تويت
أمانـــــــة:
يا لاعبينا يا حبايبنا .. لا تزعلوا (معلش) .. تعادل في ملعب الرمثا الذي أشبههه مثل ما قال مورينهو (حقل بطاطا) ... خلينا نقول تعادل إيجابي !!
خرجتم جميعا والحمد لله سالمين من الحفر (الإمتصاصية) في الملعب (المبجل)!!
أمانـــــــة :
يا لاعبينا يا حبايبنا .. قولوا معنا ( قدر الله وما شاء فعل ).. بصراحة كانت جميع النتائج لصالحنا والحمد لله .. وكأن الجولة الرابعة (ما فيش)
أمانـــــــة :
يا لاعبينا إنكم (تنبسطوا ) .. وفداكم أي نتيجة ... وديروا بالكم عاد من المباراة القادمة ( مع الشباب) .. وأرجو أن تكونوا عند حسن الظن .. وستكونون بمشيئة الله كما عهدناكم أسود لا تعرفون اليأس... فالفرصة التاريخية للوحدات ما زالت قائمة.
أمانـــــــة :
يا إتحاد إنكم تحاولوا تزرعوا الملعب المذكور ( فول او حمص او بازيلا .. ) وخاصة مع قرب دخول فصل الشتاء .. لأن الملعب محروث (حرثة شتوية) ممتازة .. بس الأرض بدها (شوية تقليب كمان) بتصير جاهزة لكل انواع الزراعة!!!
وراح تظلوا يا لاعبينا .. فوق روسنا ... مهما حصل .. بس المسألة بدها شدة همة (شوي صغيرة) .. وشدوا الهمة .. الهمة قوية ..
فأمانة عليكم .. تفرحونا .. بلاش تزعلونا
ويا جبل والله ما يهزك ريح
تعليق