غيابات الوحدات بمباراة الوحدات المقبلة،،،

[ابو اوس]

هل سيتاثر الوحدات بهذه الغيابات؟؟؟

برايك من هو اكثر الغيابات تاثيرا على تشكيلة الوحدات ؟؟

[مهند الشاويش]

ما شاء الله
كلهم محترفين
صار الوحدات اما مركز علاج او مكان لنهاية المشوار

[ابو المجد70]

سيتاثر بالجميع باستثناء الباشا.
احب هذا اللاعب بس مستواه متذبذب

[بنت فلسطين ام يزن]

يزن ثلجي شو مشكلته يعني شو نوع الاصابة معقول شد العضل يغيب علشانه كل هالمدة

[جهاد علي]

للامانه جميعهم مؤثرين ، وبتمنى المرحله الاولى للادارة الجديده هي نفض الفريق من الاصابات
يعني مش معقول الي بصير !!

[حازم الوحداتي1]

مهو النية ثلجي جاهز وملتزم في التدريبات .... شو اللي صار بعدين ؟؟؟ اصابته الاخيرة بسيطة ( شد بسيط) ما الها علاقة بالاصابة اللي بسببها سافر الى قطر وتعالج منها ......
ان شاء الله يجهز ويشارك

من وجهة نظري غياب الباشا والدميري غير مؤثر بالمرة لانهم لما يلعبو ما بعطو اضافة حقيقية بل بالعكس اخطاء كارثية وخاصة الباشا اخطاء تمركز وبطئ وتردد وما بعرف يغطي او يتمركز ......والدميري كظهير ايسر والله يا دميري نفسي اتذكر انك رفعت اوفر او عرضية صح واستفدنا منه او تسديدة لا سمح الله ...

ولكن غياب ثلجي وعبيدة مؤثر ومؤثر جدا

[محمد رباح]

بتوقع غياب السمارنة والدميري فقط
لانو الباشا كارثة
ويزن مع كل المهارات بس الموسم الحالي ما لعب اصلا
يعني وجوده وعدمو صار واحد
مهو غايب موسم كامل راح تفرق مباراة
يجيبو على الدكتور ابو السمن يشوف قصتو والله زهقنا
الله يشفيه ع كل حال

[ماجد جامع]

ربنا يجيب الخير للوحدات ان شاء الله

[ابو احمد 75]

بغض النظر عن الغيابات لازم يعرف جميع الاعبيين انها مباراة مهمة جدا
ولازم الفوز وينسوا نتيجة مباراة الذهاب ويلعبوا بكل روح وعزيمة

[ياجبل ما يهزك ريح]

لا يوجد في الفريق لاعب غيابه مؤثر..

[عبدالحكيم عامر الشراونه]

الدميري والباشا وثلجي غير مؤثرين ابدا
لقد لعبنا طول الموسم تقريبا بدونهم
وحين لعب الباشا في بعض المباريات ورطنا بكوارث
ثلجي مش مؤثر ابدا لانه طول الموسم احنا بدونه ولم يلعب في كاس الاتحاد ابدا

اما عبيدة السمارنة فقد يكون مؤثرا ولكن الحمدلله اشراك فادي عوض في اخر مبارياتنا سيغطي غياب السمارنة

انا بقول للباشا يغير اسلوبه وطريقتو في اللعب والتعامل التكتيكي حتى نكون معه وندعمه ونخليه وبقول للدميري انتهى امرك لم يعد وجودك مؤثرا
اما انت يا ثلجي فشو مشكلتك,,, هل تدعي الاصابات,,, هل تتدلع,,, الم يعجبك البقاء في الوحدات,,, ان كنت كذلك ارحل او قدم ما نأمله منك

[Elayan]

يا اخوان لا تظلموا حد بالله عليكم ما في إنسان بدعي الاصابة اكيد موسم كامل و لو الحكي صحيح الحق مش عليه بكون لانه مستحيل بعمل حاله مصاب موسم كامل و ما في حد اكتشفه لا الصور ولا الدكاترة ولا مركز اسبيتار القطري !!!
السنة الماضية صالح راتب غاب كل الموسم كاااامل ما حد حكى انه بدعي الاصابه !!!
يزن السنة الماضية هداف الفريق بمرحلة واحدة و ساهم بشكل واضح بالدوري ...
الاصابات بالعضلات جدا سيئة اذا ما تم التعامل معها بشكل صحيح 100% الله يقومهم جميعا بالسلامة يا رب ...
قبل مباراة النجمة كان المفروض عبيدة بس مباراة الحرمان !!!

[ابو الباسل]

بدي اعلق على موضوع يزن ثلجي فقط لو بلعب مع فريق غير الوحدات بسمحوله بهيك دلع زايد واذا ما بده يلعب مع الوحدات الله يسهل عليه.

[كريم عامر راتب]

بلش الطخ على يزن ثلجي لو كان بدلع فسيكون هو الخسران لانه رح يخسر مكانه بالمنتخب يا اخوان ان بعد الظن اثم الرجل اكيد مصاب ولا يدعي الاصابه ويكفينا جلد للذات ويسعد صباحكم جميعا

[osadeq]

يزن ما اعتقد انه راح يأثر كثير لانه من بداية الموسم غايب