الفيصلي والاتحاد

[حازم الوحداتي1]

يا جماعة ثقوا تماما بانه ولا اي ادارة ولارئيس لنادي الوحدات او اي نادي اخر بقدرو يعملو اشي .... يا عمي نحكيها بكل صراحة الفيشلي وادارته وجماهيره محمي من الاتحاد ومن غير الاتحاد وهي اخر مهازل الاتحاد في التعامل مع عقوبة حسونة . والمخادمة وركلات جزاء الحسين اربد ...لازم رئيس نادي الوحدات يكون نائب سابق او وزير سابق ....... غير هيك انسى .. وبرضو بجوز ما يعمل اشي

حتى ادارات الاندية الاخرى حكي بالهوا و لاتجرأ على الاعتراض ..
لازم كل تجاوزات الفيصلي والاتحاد واللجنة التأديبية توصل الاتحاد الاسيوي واذا زبطوها الجماعة عالفيفا ... والله غير هيك حكي فاضي بدنا واحد زقرت يوصلها

لانه الامور صارت مهزلة ومسخرة وراح يتمادو ........

[ابو اوس]

صباح الخير حازم


الخلل اداري بحت وجماعتنا للاسف بعد الاحداث الاخيره اثبتوا فشل كبير بادارة الازمات ...والدليل انه في خطابهم الاخير والتراجع عن قرار التعليق ختموه بمعلومة انهم سوف يرفعوا ملف الى الفيفا كامل متكامل.....

هم لن يرفعوا ملف اوغيره وغيراته ولكن كل قصتهم الضحك على الجماهير الطيبة واللعب بعواطفهم والاستفادة من جيوبهم.....

لذلك انا لا الوم الاتحاد لانه مشكلتنا الحقيقة باصحاب الاقنعة المزيفة....

[osadeq]

مع انه الاتحاد غير نزيه ولكن يبقى الجرح في الكف

[حازم الوحداتي1]

الموضوع اكبر من هيك يا جماعة مش موضوع ادارة وغيره .................. الفيصلي بدو حدا يوقفه عند حده بس مش من الاردن الاتحاد والفيصلي يتحدو كل الاندية واداريها بهيك قرارات وهيك تحيز ...... في تخاذل حكام واندية يارجل لغاية الان الحكم احمد فيصل ماحكم مباراة للفيصلي بعد مباراة الفيصلي والجزيرة انت ايش بتحكي واذ حكم اي مباراة بدو يمشي زي ما بدهم لانه شنو عليه حملة رغم انه كان تحكيمه طبيعي جدا

مين من الاندية اشتكى فعليا عالتحكيم او عالاتحاد او عالفيصلي .................. مين من الاندية طلب حكام من برة فقط الجزيرة مرة واحدة وما عادها ولا راح يعيدها لو الاندية الاخرى عندها شوية شهامة كان اي مباراة مع الفيصلي طالبو بحكام من الخارج .

الحل من وجهة نظري توكيل محامي محايد اجنبي مختص بقضايا كرة القدم والتلاعب واطلاعه على جميع تجاوزات الاندية والحكام والاتحاد وتخاذلهم ...............................

[ياسر الحسنات]

بدنا واحد زي مرتضى منصور وغير هيك كله حكي فاضي وحسام حسن مدرب يعني واحد رئيس وواحد مدرب وجماعتنا بلزمهم اثنين مثل هيك

[بسام الحمران]

ههههههههههه شر البلية ما يضحك
صدقاً الاصلاح يجب ان يبدأ اولاً من نادينا الوحدات وادارتنا
بعد ذلك ننطلق الى ما هو مطلوب من حقوق لنا من اي جهة كانت
حالياً لن يقدر اي رئيس نادي على مجابهة الاتحاد ما دام الفيصلي والاتحاد عمله واحده ووجه واحد .

[حازم الوحداتي1]

بدنا واحد زي مرتضى منصور وغير هيك كله حكي فاضي وحسام حسن مدرب يعني واحد رئيس وواحد مدرب وجماعتنا بلزمهم اثنين مثل هيك

والله انك جبتها مرتضى منصور ما بجيب الرطل الا رطلين

[عبدالرحمن الحوساني]

والله ما مخرب الكرة الاردنية
غير الفيصلي وجمهوره
زي البنت يلي في البيت قوية ومن تحت لتحت وبتمشي الكل زي ما بدها



احكيلكم شغلة يمكن ما تصدقوني


سبب فشل الوحدات خارجيا
تواصي بالتشديد على الوحدات وجمهوره وعدم الوقوف مع الوحدات باقل الاحداث

والعكس صحيح الوقوف مع الفيصلي بالصغيرة والكبيرة واخرها ما حصل في بطولة الاندية العربية
لو الوحدات عمل ربع ما عملو الفيصلي محليا وخارجيا

كان زمان رحنا في الباي باي ... وتلولحي يا دالياااا

[التغريبة]

لو عندنا ناطق إعلامي قوي يعوض كل النقص لكن لاحياة لمن تنادي

[عبدالرحمن الحوساني]

لو عندنا ناطق إعلامي قوي يعوض كل النقص لكن لاحياة لمن تنادي

ناطق اعلامي
محامي شاطر
لجنة تسويق قوية
لجنة الجماهير

هاي الشغلات مش موجودة عنا

[hbatsh]

على هيك لازم يكون رئيس النادي القادم فيصلاوي عشان نحصل على حقوقنا

[halemoo]

بدك زلام توصلها للفيفا اللي عنا صارلهم شهر بحضرو بملف الفيفا ولا يقلو بيضة... ادارتنا لو الجمهور يوقف باب النادي لايغلوها برة..

[حازم الوحداتي1]

جميع ما تفضلتم به صحيح ومنطقي الجيل الحالي من الاداريين عفى عليه الزمن.. لابد هاي الانتخابات تفرز اداريين جدد ولا اداري سابق يكون موجود.. اداري واحد قديم رح يدمرنا

[ماجد جامع]

ربنا اقوى من الجميع ولا بد من الظلم ينتهي

[ابو سند 77]

بدك ادارة شابة مثقفة متعلمة
تدافع عن حقوق النادي بالقانون
تعرف تسوق اللاعبين و تعرف كيف تجلب لاعبين للفريق
سواء اجنبي او محلي