مع او ضد

[jamal nashwan]

حبيب القلب
بوجود بعض الاسماء من داخل النادي وخارج النادي
لعبة القوات المحموله حصن صعب اختراقه

- 1 ومستكثر علي يا ابو النشوان ازعل وانحرق واطلب مقاطعه

خليني افضي شوي يارجل
يارجل الوجع بس يكون اكثر من مكان صعب
بس كان الفريق بوضعه واشي برفع الراس ما حد كان حتى يهمه الي بصير داخل النادي
بس فريق واقع نهائي وفشل اداري بنفس الوقت كبيره علينا والله يا صاحبي

2 - برجع بقلك انا مع المقاطعه بهدف اوجه رساله للاداره

هههههههههههه

1 - وأنا من أول ما دخلت على الموضوع قلت أنني لستُ معترضا على أي شخص مقاطع، وليس من حقي أن أحجر على رأيه.. لكن بدون مزاودة على موضوع الشرف والكرامة عند أي شخص ضد المقاطعة الشاملة


2 - وأنت عزيزي مهند، لم تُشِـر في أية فقرة من فقرات موضوعك، ولا حتى في كلمة واحدة منه إلى غرضك هذا..

[مهند الشاويش]

1 - وأنا من أول ما دخلت على الموضوع قلت أنني لستُ معترضا على أي شخص مقاطع، وليس من حقي أن أحجر على رأيه.. لكن بدون مزاودة على موضوع الشرف والكرامة عند أي شخص ضد المقاطعة الشاملة


2 - وأنت عزيزي مهند، لم تُشِـر في أية فقرة من فقرات موضوعك، ولا حتى في كلمة واحدة منه إلى غرضك هذا..

ما أشرت لانه كل جماهير النادي الي بتطلب بالمقاطعة هي احتحاج على ضعف الاداره بموضوع حقوق الجماهير

[jamal nashwan]

وتصبح على خير

[مهند الشاويش]

موضوع مقاطعه بيتيه هي رساله للاتحاد والانديه
مقاطعه كامله هي رساله لادارة النادي
ما بدها توضيح
لانه بالاصل إدارة النادي ما عندها مشكله لو قاطعت الخارجي .لانه الفائده كلها للأندية الثانيه
انا هون بس اقاطع داخلي بقصد ادارة النادي الي القرار باثر عليها

[مهند الشاويش]

وتصبح على خير

الله معك
وجعتلك راسك اليوم

[ibrahim7881]

بصراحة أنا استمتعت في النقاش أو المناظرة الصغيرة بين الأخ العزيز مهند والأخ العزيز على قلبي جمال نشوان علما أني لا اعرفهم شخصيا ...
يتكلمون فيما يجول في خاطرنا بأدب واحترام فالشكر موصول لإثراء هذا الموضوع ..

[jamal nashwan]

بصراحة أنا استمتعت في النقاش أو المناظرة الصغيرة بين الأخ العزيز مهند والأخ العزيز على قلبي جمال نشوان علما أني لا اعرفهم شخصيا ...
يتكلمون فيما يجول في خاطرنا بأدب واحترام فالشكر موصول لإثراء هذا الموضوع ..

الله يكرمك أخي ابراهيم ويعزّ مقدارك ويرفع شأنك

لي الشرف بمعرفتك

[فلسطيني وحداتي بالفطرة]

خارجي فقط

مباراة الجيش بدنا الملعب فللللللللللللللللللللللللللللللللللللللل ل

انا لو بالاردن والله لالم كل جماعتي واطلع

الوحدات حقه علينا

فكونا من التعقيد

اتحادنا ملعون والدين شو بايدنا

الله ينتقم منهم

[بسام الحمران]

المقاطعه الكامله حتى يعلم الجميع من هو الوحدات

[علاء ناصر]

يا ريت بس بلاش من سيرة الكرامة في موضوع المقاطعة

بدكم تربّوا الإدارة ربّوها، بس ابعدوا عن موضوع الكرامة والشرف، وتزاودوش على اللي بِدْهم يروحوا يحضروا بقلّة هالصفات وبانعدامها عندهم..!.

ومالك معصب يا حبّاب !!!
انا كفلسطيني كرامتي فوق كل شئ

[جهاد علي]

والله مختصر للحكي هذا كله ,, خلي الادارة تشوفلها دخل ثاني غير
الي بجيها من الجماهير لانه هذا الباب "بح" سكر وما عاد ينفتح الا
لما يريد ربنا ,,, خليهم يفتوا من جيابهم , مش بدهم مناصب ؟
وعلى حد زعمهم انه عمل تطوعي , ومش مستفيدين قرش أحمر
من ورى النادي ,,,
لكن السؤال الي محيرني ومش ملاقي جواب , ما دام خدمة النادي
عمل تطوعي , شو بخليهم يتقاتلوا لهدرجه عشان اشي ما في فلوس
وشو يعني منصب رئيس نادي ؟؟ أو اي منصب ثاني في نادي ؟؟
اشي كثير يعني ؟؟ لا بد في اشياء ثانيه بتخليهم يستميتوا على
هذه الكراسي ؟؟ احنا بس نفكر فيها كويس .

[jamal nashwan]

ومالك معصب يا حبّاب !!!
انا كفلسطيني كرامتي فوق كل شئ

بالله جد..؟!!.
بعد كل هالنقاش هاد، جاي تحكيلي معصّب..؟!!!.

وشو دَخَّل فلسطين بالنُّص وبموضوع الكرامة في هالمقاطعة هاي وهذا الموضوع المطروح تحديدا..؟!.

ليكون الوحدات فريق فلسطيني وانا مش عارف،، وِلّا لتكون البطولات اللي بشارك فيها الوحدات هي بطولات تحت مظلة الاتحاد الفلسطيني لكرة القدم، أو ليكون الدوري هاد هو دوري جوّال الفلسطيني وأنا معيش خبر..؟!.
أو لتكون لعبة كرة القدم كلها على بعضها بمنظومتها كاملة وعناصرها صارت مقياس لمدى كرامة البني آدم..؟!!!!.

[علاء ناصر]

بالله جد..؟!!.
بعد كل هالنقاش هاد، جاي تحكيلي معصّب..؟!!!.

وشو دَخَّل فلسطين بالنُّص وبموضوع الكرامة..؟!.

ليكون الوحدات فريق فلسطيني وانا مش عارف،، وِلّا لتكون البطولات اللي بشارك فيها الوحدات هي بطولات تحت مظلة الاتحاد الفلسطيني لكرة القدم، أو ليكون الدوري هاد هو دوري جوّال الفلسطيني وأنا معيش خبر..؟!.
أو لتكون لعبة كرة القدم كلها على بعضها بمنظومتها كاملة وعناصرها صارت مقياس لمدى كرامة البني آدم..؟!!!!.

طبعا انت معصب والسبب ليس هذا الموضوع
وشو دخل كرة تتقاذفها الارجل بفلسطينيتي ام انكم قزمتم كل شئ بكرة قدم !!!
انا كفلسطيني لا ارضى الهوان وتاريخنا دليل على ذلك

[ابو اوس]

صباح الخير على الجميع

ابو احمد ...والله انا مصدومين من كلامك بخصوص العمولة والسمسرة انها غلط ولكن مش حرام......راجع حالك يا رجل ... ليكون جاوبت وانت مسطل بالليل..

وراجع قصة الرسول عليه الصلاة والسلام مع الصحابي بموضوع الهدية وليس السمسرة....انا ماراح اضع الادلة والبراهين الا بعد ان اتاكد انك جوابت هذا السوال عن قناعه تامة..؟؟؟؟

بتعرف لو اخذت سمسرة او بونص بمجال عملي..لكان من 10 سنوات حاط رجل على رجل في الاردن وقاعد شيخ شباب؟؟؟


قبل ما انهي ....بالنسبة لي باعتبرها سرقة( حتى لو ال11 عضو موافقين)

[علاء ناصر]

تعقيب بسيط
لو انا مكان جلالة الملك عبدالله كان من الصبح رجعت بطولة مراكز الشباب ولأعدت تسمية نوادي المخيمات الى مراكز المخيمات