::: بكفي خيانة ::::

[سفيان أبوشنب]

في آخر تمرين للفريق صرخ اليعقوبي وقال (بكفي خيانة) موجها كلامه الى مجموعة من اللاعبين ...
من هم المقصودين ؟؟؟
من هم اللاعبين الذين يتحكمون بالفريق ؟؟؟
هل الشللية ما زالت موجودة ؟؟؟

[علاء ناصر]

وهل اختفت حتى تعود!!!!

[ibrahim7881]

غطيني يا بهية ....
بالنسبة لليعقوبي عندما أتى واستلم الفريق ولعب دون النظر للاسامي الفريق أعطى مردود اكثر من طيب
لحد ما رجعو الشباب من الإصابات وفرض ابو إصبع التشكيلة وإملاءات ما الها داعي

[عبدالرحمن الحوساني]

بصراحة اليعقوبي فشل فشلا واسعا
ولاعبين هواة وبدهم فت خبز

[بسام الحمران]

ولو هذا الامر صحيح اخي ابو ايهاب يبقى الوحدات كمستوى بعيد جداً عن واقع الحال
الفريق بحاجه الى فريق اخر ومدرب اخر يعرف كيف يتحكم بكل اللاعبين
محترفين لا يوجد بهم الا الاسم للاسف
يعني بالمختصر المفيد قضوا على الفريق وسمحوا لكل الفرق بالاستهزاء بنا .

[ابو النور]

والله يا يعقوبي اذا انك رجل
تذكر اللاعبين بالاسم

[ابو النور]

عندي احساس انه احمد الياس واحد منهم
والله اعلم الباشا

[raedimran]

كلنا بنعرف مين الخونه...بس مش قادرين نحكي الأسماء
.
كلنا شفنا مين اللي اداؤو تراجع
.
كلنا شفنا مين اللي بيلعب بلا نفس...وعم يتعمد فقد الكره
.
ترى شي مش جديد...معظم لاعبيتنا من زمان عبارة عن دمى بايدي أعضاء الادارة...وهلاؤ انتخابات وتصفيات حساب..وطز بالفريق
.
ارجعو ل ورا شوي وتذكرو كيف طار أكرم سلمان ومحمد عمر وغيرهم...منظومه كرويه عفى عليها الزمن
.
واقع مؤلم

[مهند الشاويش]

اليعقوبي مروح مروح
نعرف منه قبل ما يترك الفريق مين هي الشله ونشتعل شغلنا فيهم حتى نعرف مين الإداري الي وراهم ونلعن اهل اهله
لانه بكفيه رغم اني اشك بنفس الشخص لكن بلاش نتهم بدون دليل

[Abu Al-Walled]

طيب هذا اتهام خطير،، واذا الوحدات نت سمح بتمرير، الموضوع بهاي الطريقة بدون ذكر اسماء الاعبين فالوحدات نت مساهم ومشارك بهاي الخيانة على حد تعبيرك

[ماجد جامع]

ياريت يطل علينا ويحكيلنا مين هما اللاعبين لانو لاعب متخاذل ومقصر بحق ناديه ما الو مكان فيه

[سفيان أبوشنب]

طيب هذا اتهام خطير،، واذا الوحدات نت سمح بتمرير، الموضوع بهاي الطريقة بدون ذكر اسماء الاعبين فالوحدات نت مساهم ومشارك بهاي الخيانة على حد تعبيرك

اخوي ابو الوليد ..
هاي المعلومة من مصدر ثقة ..واحنا مش شريكين بالخيانة ..ويا ريت اعرف مين هم اللعيبة ...والله اني مش رايح اتستر على واحد منهم ..

[سفيان أبوشنب]

محمد عمر ...اكرم سلمان ...عدنان حمد ...ابو زمع ..جمال محمود .. عماد خانكان..
وغيرهم وغيراتهم ..معقول هذول فاشلين واللعيبة صالحين ؟؟؟

[saed]

محمد عمر ...اكرم سلمان ...عدنان حمد ...ابو زمع ..جمال محمود .. عماد خانكان..
وغيرهم وغيراتهم ..معقول هذول فاشلين واللعيبة صالحين ؟؟؟

لا بس احنا مركنين عالجاهز والجاهز ريحته طالعه .. لعيبه الاردن عاديين جدا وجيل مش مبدع والفيصلي جاب ولدين كويسين تغير كل جلده .. صدقا اغلب لعيبه الاردن بتمشيش بدوري مساجد وبدها الاف

[مهند الشاويش]

طيب هذا اتهام خطير،، واذا الوحدات نت سمح بتمرير، الموضوع بهاي الطريقة بدون ذكر اسماء الاعبين فالوحدات نت مساهم ومشارك بهاي الخيانة على حد تعبيرك

اشرحلي كيف الوحدات نت مشارك بالخيانه
بالعكس احنى من زمان بس حد يذكر الاسم بنطلب الدليل
لكن هون سفيان ذكر موضوع صار بالتمرين
يعني المدرب بس يذكر كلمة خيانه اكيد ما بقصد حد غير لاعبين
وانت ابو الوليد اكثر واحد بالوحدات نت بتتهم وبتهاجم وعمرنا ما طلبنا منك دليل
وموضوع الخيانه بين اللاعبين هي قديمه كثير حتى الاسطوره تعبنا رافت عملها والذيب عملها وحسن عملها
بلاش نخبص اكثر من هيك.
الوحدات نت طول عمره افضل موقع وحداتي ولو مش هيك ما استمر14 سنه
اذا بعمل تصويت اعضاء على توقيف عضو انا متاكد انك رح تكون اول واحد بتوقف لانك اكثر عضو بتهاجم الاغضاء لكن لانك بالوحدات نت ما تعاملنا معك بعاطفه تعاملنا حسب تعليمات الموقع وانا لو ابعثلك رسائل خاصه انا تهاجمت وتقريبا انغلط علي لانه بعض الاعضاء بتفكرني انا والمشرفين بنعاملك بطريقه غير عن الاعضاء