مهزلة شباب الاردن

[حازم الوحداتي1]

يا جماعة الخير والله عيب معقول راتب العوضات قلب مورينيو ولا جوارديولا ايش هاد

هاد هو شباب الاردن مطرود معتز ياسين من الدقيقة 20 يعني الفيصلي من الدقيقة 20 بلعب ب10 لاعبين وكانت النتيجة 1-0 الاهداف مسخرة واضح التآمر احنا مش ولاد صغار شباب الاردن يعتبر منافس عاللقب وقريب من المتصدر ب10 لاعبين ما قدرو يسجلو هدف حتى ركلة الجزاء ضاعت


ارجعو شوفو الاهداف وشوفو مدافعين شباب الاردن وخاصة الهدف الاول بالذات وكمان الثاني والرابع

بالله عليكو هدول شباب الاردن ........ وين اسلوب عيسى الترك المدافع ...................... عنجد مع الاسف ملعون ابو هيك فطبول وهيك رياضة منظومة كاملة وسخة قذرة شباب الاردن قطعو حالهم قدامنا وفزنا بالدعاء

[مهند الشاويش]

اه هو هيك ليش مستغرب
لاعبين الفيصلي بس تشحنهم بستجيبو وبركضو طول المباراه
احنى جماهيرنا طول الموسم رجائي لاعب عالمي الدردور كوبره بهاء ما اله حل
الدميري الماني الحارس من طينة الكبار
نفخناهم لدرجة انه بطل عندهم احساس نهائي ولا غيره ولا حراره مفكرين انهم عاملين المعجزات بالعربي بطلت فيهم احساس
لو مباراة السلط الإياب كانت مع الجيل الي قبل بنفوز 10
بس شبابنا خسروا بالذهاب ولا حتى بين انه منزعجين من الخساره ورجعوا بالاياب خسرو ولا كانه في اشي
3 خسائر ضيعت بطولتين ولا كانه صار اشي
ناس بطلت تحس
وبدك تلوم الفرق الثانيه
لا العوضات شاطر ولا الشباب تساهلوا
القصه كلها راتب شحنهم وضغطوا على الشباب بس بالركاض والضغط والشباب انهز ما عرف يتصرف هي كل القصه

[dahod_mohamad]

لو طلع بيدهم اجيبو قول ماقصرو هاي مستواهم كل مباراة شكل

[ابو النور]

لا يا حبيبي الفيصلي مع كل الاحترام لك مصمم على بطوله الدوري
ولاعبيه ياكلون الاخضر واليابس لتحقيق الفوز
بعكس لاعبينا كلهم طنطات ويشكون المدرب بانه شديد وهذا يثبت انهم طنطات بدهم مدرب يحسس عليهم
هذا كل ما في الموضوع

[ibrahim7881]

راتب العوضات نعم قلب مورينيو....

يا رجل جابو من اجل الفوز علينا لانه بيشحنهم بشكل رهيب مع وجود لاعبين مهاريين عندهم
ش الاْردن من لما جاب عيسى الترك خلص موضوعهم في المنافسة لانه مدرب بيخرب بيت اكبر فريق
الحكم طرد الحارس واحتسب ركلة جزاء ...
والحق يقال الحماس والاصرار عند العديم دائماً أكثر من لعيبتنا الطنطات
مع العلم جمهورنا يساند الفريق واللاعبين اكثر من جمهورهم
وتقبل مروري مع الاحترام

[مهند الشاويش]

لا يا حبيبي الفيصلي مع كل الاحترام لك مصمم على بطوله الدوري
ولاعبيه ياكلون الاخضر واليابس لتحقيق الفوز
بعكس لاعبينا كلهم طنطات ويشكون المدرب بانه شديد وهذا يثبت انهم طنطات بدهم مدرب يحسس عليهم
هذا كل ما في الموضوع

انت صح
لاعبين بفكرو انهم اشي كبير
مع انه لو عدل كرة قدم بالاردن
ولا لاعب منهم بروح منتخب لانه بالانديه الصغيره في افضل منهم
يخلف على اسم الوحدات الي مخليهم بالمنتخب يعني مجامله من الاتحاد للوحدات بس

[dr.ashraf]

انت صح
لاعبين بفكرو انهم اشي كبير
مع انه لو عدل كرة قدم بالاردن
ولا لاعب منهم بروح منتخب لانه بالانديه الصغيره في افضل منهم
يخلف على اسم الوحدات الي مخليهم بالمنتخب يعني مجامله من الاتحاد للوحدات بس

بهاي معك حق ... لاعبينا كلهم متواضعين ... ومتواضعين جدا

[jamalsadeq]

بلا شحن بلا بطيخ واضح التخاذل من شباب الأردن توطؤ ما بعده تواطؤ

[عبدالحكيم عامر الشراونه]

لا تخاذل ولا ما يحزنون
لا تظلمو حدا
مستوى لاعبي الفيصلي مع الشحن اكبر بكثير من مستوانا حتى واحنا مشحونين
فريق يبحث عن بطولة ولن يفرط بنقطة
ليش لما نفوز على فريق ما بنقول تخاذل وبنقول لاعبي الوحدات مبدعين
لاعبي الوحدات بالعربي نصهم بدهم كب على مزبلة التاريخ
وكرة القدم توفيق من الباري
الفيصلي موفق جدا باختيار عناصره وشحن لاعبيه

احنا الشللية بالمعلب قاتليتنا قتل
كل مجموعة من اللاعبين محسوبين على واحد
وعنا باللاعبين كل حدا محسوب على حدا بينهم

بتتذكرو بعض اللاعبين لما يحرقوهم شو بعملو فيهم
ببطلو يعطوهم لا تمريرة ولا باص
اخر مثال كان توريس
حرقوه لاجل عيون بهاء بالهجوم
مين حرقو؟ لاعبينا المتآمرين لمصلحة بعضهم

بكفي حكي والامور واضحة
يستحو على دمهم لاعبي الوحدات

بطلو بدهم اليعقوبي لانه ما بضحك للرغيف السخن
بدهم واحد يحسس عليهم ويجامل وسخهم

[حازم الوحداتي1]

لا زلت عند رأيي..
تخاذل الالوسي بالخط الخلفي والله واضح..
لاعب طوله مترين بينترك لحاله والله انه الاهداف مسخره.. واحنا مش هبايل
عيسى الترك ما عمره اعطاهم اقل من ثلاث..

[yaseen13]

للتذكير
مباراة الذهاب انتهت رباعية للشباب. اذا ما طبقنا نفس المنطق هل نقول ان الفيصلي تواطئ مع الشباب؟!
الفيصلي توفق اليوم بالاصرار والشباب لم يكن في يومه

[ابو الباسل]

مجرد سؤال ليش ما يصير في فحص للمنشطات
يعني كل هالنشاط نابع من تشجيع الضبع مستحيل
مليون بالمية منشطات من النوع الأصلي

[halemoo]

خذها مني الصافي عيسى الترك دمو ازرق، وراجع الفرق اللي دربها الترك امام الفيشلي خسر فيها جميعا...
بدي اذكرك مباراة الفيشلي والحسين قبل كم موسم والترك كان يدرب الحسين والفيصلي وقتها كان بنافس الوحدات اللي متصدر وعند الدقيقة 60 تقريبا كان الحسين فايز 3-1 وبضيع فرص كثير،، ووقتها كان واقف عند الخط وبخلي حالو انو برشد بلاعبين وكان بشبر وبعدها رمى حالو على الارض بحجة انو اغمى عليه وحملو بالاسعاف.. في مسرحية هزلية لن تنسى لكي يفوز الفيشلي ووقتها اثر ذلك على معنويات لاعبي الحسين وانتهت المباراة تعادل 3-3..
اقسم بالله حكيتها لكل وحداتي من اصحابي انو لايتأملو الشباب يعثر الفيشلي بما انو الترك مدربهم.. وبعدها صدقوني..

[ابو سند 77]

لا حظوا ابو جلبوش و العرسان
افضل من كل لاعبي الفئات اللي عنا من فترة طويلة

[ماجد جامع]

بعين الله