ابو علي وام علي ........ دير بالكوا على الاولاد ....

[سيف الاخضر]

ام علي : شو مالك مروح بكير على البيت يا زلمة

ابو علي : حكيت خليني اروح واسكر الباب على حالنا بلاش اهلك يوخذوكي مني !!!!!

ام علي : شو مالك يا زلمة رجعت تشرب عصير نظيف !!!! ولا هسهست

ابو علي : هوا لو معي حق عصير نظيف بتشوفيني لابس شباح

.... الموضوع يا حرمة هناك ناس صارت تحكي بالمنابت والاصول وان ظل الحال هيك ممكن كل زلمة يطلق اللي عنده حسب لون الفريق والمكان

يعني يا حرمة انتي بتروحي عند اهلك الخضر .... وبطلق اختي زرقة من خضر

وكمان بدهم يعملوا اسواق للزرق واسواق للخضر وكمان اندية للخضر واندية للزرق وكمان اسواق اشي للخضر واشي للزرق وممكن مستشفيات كمان

والوطن يا ام علي بدهم بسكين يقسموه حسب لون السكان يعني ممكن كل شقفة تصير بحجم ملعب كرة قدم يا ام علي

ام علي : يا سخام البين طيب انا وانت يا ابوعلي ممكن نرجع عند اهلنا شقفة وحدة !!!!!!!!!!!

طيب وملايين الصغار اللي القلب ازرق والعيون خضراء

او اللي قلبهم اخضر وعيونهم زرقاء

اخ يا ابو علي مين هالمجرم السفاح

اللي بده يقطع ولادنا لاجزاء ..... انتي توخذ القلب وانا الراس

هذا اللي بقسم الوطن لاجزاء حسب اللون والمكان

قصده يجعل اهل الوطن جثث ويدوس عليها عشان مخطط لانجاس

ابو علي : لا تبكي يا خضرة دموعك زرقاء ساخنة بالك يا ام الاولاد ارضى بكلام حاقد اوجاهل واتنكر للدم الواحد والوطن اللي سماؤه زرقاء واشجاره ووروده خضراء ...... ومعقول يا ام الدار ابعد عن القلب والراس ولادي اللي همي وقت الشده بحموا الدار ..... اه يا ام علي :هذول ناس رؤسهم مثل الكرة فاضية وما بعرفوا انه الاخضر والازرق قلب الوطن والراس معقول عاقل يشيل القلب عن الراس .......

ام علي : صدق يا زلمة غير باسناني امزع قلبه للخاين اللي بده يقسم الدار

ابو علي : لحظة لافتح باب الدار

هلا باختي زرقة وجوزها خضر شرفتوا الدار هات احضنك يا القلب واختي تاج الراس ..... بتنزل دموع ابو علي :على كتف خضر

خضر : مالك يا رجل خوفتني دموعك ساخنة وهاي دموع رجال ما بتنزل الا للكبير والغالي !!!!!!!

ابو علي : نعم يا خضر هذه دموع الحب والوفاء لوطن كبر بجهد رجال

تشاركوا الخبز والملح والمكان .....

وغير رب العالمين ما بفصلنا عن بعضنا وعن البلاد

الاردن القلب وفلسطين نبض الشريان

ام علي : اه ما اجمل وطن يجمع القلب والشريان

من اليوم عدوي كل جاهل بحكي بالالوان

[سيف الاخضر]

وسنرى راي ابو علي بالعودة عن الانسحاب في حلقة قادمة

[جهاد علي]

مشكلتنا عاطفيين جدا اخوي سيف ، انت مبدع دائما بطرحك
وبتحكي في وحده وطنيه مقبوله عند البعض ومرفوضه عند
البعض الاخر وهي النسبه الغالبه طبعا ، للعلم اخوي انه ما بدهم
لون اخضر ، بدهم البلد كلها ازرق بازرق وان
لم تكن ازرق فانت خائن ، خائن للوطن وخائن
للرياضه والاقتصاد ، خائن للمباديء والقيم والاعراف والتقاليد
طبعا بالنسبه للون الازرق والاخضر ما هو الا حجه ، يحاجونك بها
للتعبير عن رفضهم للالوان الدخيله .

[سيف الاخضر]

مشكلتنا عاطفيين جدا اخوي سيف ، انت مبدع دائما بطرحك
وبتحكي في وحده وطنيه مقبوله عند البعض ومرفوضه عند
البعض الاخر وهي النسبه الغالبه طبعا ، للعلم اخوي انه ما بدهم
لون اخضر ، بدهم البلد كلها ازرق بازرق وان
لم تكن ازرق فانت خائن ، خائن للوطن وخائن
للرياضه والاقتصاد ، خائن للمباديء والقيم والاعراف والتقاليد
طبعا بالنسبه للون الازرق والاخضر ما هو الا حجه ، يحاجونك بها
للتعبير عن رفضهم للالوان الدخيله .

شكرا اخي الكبير جهاد
الواقع اخضر وازرق
وهذا ما لا يستطيع اي ما الغربان ان يغيره
باذن الله الاخضر باقي وهو فرح الوطن
والازرق باق لان اللونين وطن
لا توخذ بحكي اكم جاهل وولد وغراب
لا يصح الا الصحيح الاخضر والازرق اهل البلد
وانا بعرف هذا وهم يعرفون
بان ازالة الازرق يعني ازالة الاخضر
وازالة الاخضر ازالة الازرق
يعني بصريح العبارة خراب الوطن
.... وبحكي كمان الوطن للي بعطيه لا للي بسرقه ويحكي شعر

[مهند الشاويش]

ااذا الانتماء للوطن محصور بالازرق
انا خائن
وبالرياضه بكره الازرق ورح اضل اكره الازرق

[سيف الاخضر]

ااذا الانتماء للوطن محصور بالازرق
انا خائن
وبالرياضه بكره الازرق ورح اضل اكره الازرق

نعم المعنى الناس الطيبي من كل المنابت والاصول
يعني انا اخضر وهذا لا ينفي بانني اردني
هيك الامور
اما من يريد ان يختزل الوطن بلون فهذا حاهل
انا اعشق الوحدات رياضيا
وما بحب الفيصلي رياضيا
ولكن هناك اصدقاء وقرايب ممن يشجعون الفيصلي والعكس
الوطن اكبر منا.
مشكور مهند

[ibrahim7881]

يا صديقي في لون رمادي ما ذكرته وهو أصل المشكلة
رياضيا من حقك تشجع اي نادي بدك إياه
لكن دعني أسالك هل يوجد مشجع وحداتي جده السابع من شرق النهر طبعا لا
لكن في الجهة المقابلة تجد مشجعين للفيصلي زي ما تفضلت من قرايبك او من أصل غربي النهر
وهذا اللون الرمادي اللي قلبه اسود اكثر من اللون الأزرق
هل تعلم اخي الكريم ما هي المشكلة طول عمرنا بنعرف الأسباب المؤدية للحظة القائمة حاليا و عمرنا ما فقينا هالدملة وعالجنها قبل ما تنفجر
وتقبل احترامي واختلافي معك ان وجد في بعض الطرح

[أحمد محمد الرفاعي]

للاسف الله يبعد عنا العنصريه ونضل ايد وحده وجزء واحد

بلا وحدات بلا فيصلي بلا هم

وحدتنا اهم

[عبدالحكيم عامر الشراونه]

بلا اخضر وبلا ازرق
انا بشجع نادي رياضي لاجل الرياضة ولا انظر للون
ان كنا نشجع الرياضة لاجل الرياضة اهلا وسهلا
وان شجعناها لاجل اشياء اخرى فطز وطزين ومية طز فيها

حين تخرج الرياضة عن اطارها الرياضي لا تصبح رياضة تصبح د ع ا ر ة

[سيف الاخضر]

يا صديقي في لون رمادي ما ذكرته وهو أصل المشكلة
رياضيا من حقك تشجع اي نادي بدك إياه
لكن دعني أسالك هل يوجد مشجع وحداتي جده السابع من شرق النهر طبعا لا
لكن في الجهة المقابلة تجد مشجعين للفيصلي زي ما تفضلت من قرايبك او من أصل غربي النهر
وهذا اللون الرمادي اللي قلبه اسود اكثر من اللون الأزرق
هل تعلم اخي الكريم ما هي المشكلة طول عمرنا بنعرف الأسباب المؤدية للحظة القائمة حاليا و عمرنا ما فقينا هالدملة وعالجنها قبل ما تنفجر
وتقبل احترامي واختلافي معك ان وجد في بعض الطرح

نعم شاكر لك طرحك المميز جدا
ولهذا وجب علينا ان ندافع عن حقوقنا ونطالب بها حسب الدستور
انا اردني ولن يستطيع احد ان ينال من اردنيتي ان دافعت ووقفت ضد كل مشككك
المشكلة اننا سلمنا لبعض المشككين واصبحنا مواطنين درجة ثانية
لا انا مواطن اذدني ودرجة اولى
نعم والمشكلة من يريد ان يثبت انه اردني من اللون الرمادي فهذا اشد من العنصريين
شكرا

[سيف الاخضر]

للاسف الله يبعد عنا العنصريه ونضل ايد وحده وجزء واحد

بلا وحدات بلا فيصلي بلا هم

وحدتنا اهم

اني اشجع الوحدات فهذا ليس خروج عن الوطنية
واني اشجع الفيصلي هذا ليس وطنية

[سيف الاخضر]

بلا اخضر وبلا ازرق
انا بشجع نادي رياضي لاجل الرياضة ولا انظر للون
ان كنا نشجع الرياضة لاجل الرياضة اهلا وسهلا
وان شجعناها لاجل اشياء اخرى فطز وطزين ومية طز فيها

حين تخرج الرياضة عن اطارها الرياضي لا تصبح رياضة تصبح د ع ا ر ة

وهذا ما حاول البعض ان يوصلنا له
اذا بتشجع الفيصلي انت وطني
واذا بتشجع الوحدات انت منقوس الوطنية
والوطن اكبر من الجميع
الوحدات عشقي والاردن وطني

[ماجد جامع]

للاسف ناس مريضه

[osadeq]

للاسف هناك اناس كثيرون يسيؤون للوحدة الوطنية وللاسف اكثر انهم ليسو مواطنين عاديين
والله المستعان

[سيف الاخضر]

للاسف ناس مريضه

وحاقدة