الحل في سرطان الوحدات !!

[Hesham]

لك الله يا وحدات

[we7daty_2adeem]

اللي براهن عالهيئة العامه والانتخابات زي اللي بصيد سمك بالصحراء

انا واحد من اللذين قبلوا كاعضاء هيئة ادارية ورأيت بعيني يوم مجزرة التسجيل كيف اللي واقفين مثلي هاظ محسوب عفلان وهاظ محسوب على علتان يعني اذا في الف واحد شريف بده مصلحة النادي سجلوا في زيهم الفين همه وكلتهم لانهم قوات محمولة محسوبين على ال او ال او ال

الامل مرفوع والسرطان استفحل والكهنة اياهم لو بسخروا الجن والشياطين ينتخبوهم ما بفلتوا الكرسي وحتى لو ماتو برضه ورانا ورانا واللي خلف ما مات يعني اولادهم موجودين وجاهزين وبتشوفوهم لكدام شوي اذا ربنا اعطانا واياكم عمر
في ميلان وفي انتر ميلان بنفس المدينة
في ريال مدريد وفي اتلتيكو مدريد بنفس المدينه
في جوفنتس وفي تورينو بنفس المدينه
في روما وفي لاتسيو بنفس المدينه
لندن لحالها فيها عشر اندية ومعظمهم قوي وبنافس

ليش ما يكون في شلباية الوحدات ونادي اتحاد الوحدات ومشان الله فكونا من كيان ووطن وانتماء وحكي بطعميش خبز
ما عندي مانع اشجع نادي جديد اذا بني على اسس سليمة وعلمية بسواعد ابناء الوحدات

أحسنت وأصبت
معك بكل حرف

[هادي]

كلام منطق

[ماجد جامع]

الوحدات مصنع للنجوم لكن يريد ناس اديهم بيضاء بخافو الله

[التغريبة]

الحل اعتصام الجماهير امام النادي حتى يتم التغير حسب الجماهير إقامة خيم اعتصام ومقاطعة المبارايات كافه

[alqadiri]

الوحدات مصنع للنجوم لكن يريد ناس اديهم بيضاء بخافو الله

هذول اللي ايديهم بيضاء وبخافوا الله انتقلوا الى جوار المولى عز وجل من زمااااان واخر واحد مالوش متوفي اكمن شهر

كلهم بدهم حرق

[التغريبة]

الحل بتر العضو المصاب بالسرطان

[alqadiri]

الحل بتر العضو المصاب بالسرطان

اذا بتعرف جراح ايدي بزنارك

[Abu Al-Walled]

لا يا عمي،، مش 11 واحد رح يخلونا نترك فريقنا،، الحل طرد كل اداري متخاذل ومحاسبته حساب، عسير علي اي تقصير

[AboOmar]

هذا خطأ
الوحدات هو رمز وكيان لابناء المخيمات ولا يقتصر على لعبة تافهة
ممكن هذ الاقتراح يدمر الفريق مثل ما حصل في الرمثا
عندما تم انشاء نادي اتحاد الرمثا
هذه الدعوة تدعو الى انقسام الجماهير وبالتالي ضعف الفريق

3 ارباع جمهور الوحدات مش اولاد مخيمات . مع كل الاحترام طبعا . اذا الوحدات بمثل المخيمات فقط ففعليا لازم انشاء كيان جديد يمثل البقية

[ibrahim7881]

والله يا اخي ان شاء الله تكون سباق للخير صارلي من زمن بعيد تدور نفس الفكرة في بالي وأريد طرحها ...
انا اتفق معك تماما قلبا وقالبا وهذا فعلا هو الحل لوأد هذا المرض الخبيث الي هو للعلم لجميع الاخوان الي معارضين فكرتك
ليس وليد اللحظة او حالة عابرة بل تراكمات عديدة ....
بالنسبة لاعضاء الادارة ولا عمره في الحياة رايحين نقدر نشيلهم زي ما ناس بتكتب نشيلهم غصب بس مين ومتى راح تطبق
11 عضو مش ساءلين ومتلاعبين بمشاعر ملايين البشر خليلهم مبنى النادي زي ما تترك لعبة لطفل يلتهي فيها واسحب البساط من تحت رجليهم كما تفضلت
اخيراً الجمهور قادر على هذا الحل لانه من قاطع المباريات من قبل قادر على أسماعهم وتوصيل فكرتك اللي المفروض قمنا بها من زمن بعيد

[ibrahim7881]

3 ارباع جمهور الوحدات مش اولاد مخيمات . مع كل الاحترام طبعا . اذا الوحدات بمثل المخيمات فقط ففعليا لازم انشاء كيان جديد يمثل البقية

+1 100/% انا معك اخي الكريم يسلم تمك

[بسام الحمران]

مستحيل ومش متصور حالي اشجع غير الوحدات الاول وسيبقى الاول ما حييت