مديونية النادي..

[حازم الوحداتي1]

بسم الله الرحمن الرحيم
يطل علينا السيد زياد شلبايه في تصريح لاحد المواقع الوحداتيه بأن المديونيه وصلت لاعلى سقف في تاريخ النادي ...
بالمختصر نحن لا نختلف عن اي نادي محلي في المديونيه والفرق هو ان النادي لا يبخس اللاعبين حقهم ويقوم بالسداد بشكل دوري . .
ما الحل؟
والانتخابات اقتربت والاداره الحاليه ستسلم النادي مثقل بالديون..
والديون هي انهيار مؤقت مغطى بعامل الوقت فقط.
ماذا عسانا ان نفعل.؟

[مهند الشاويش]

ليش مين سببها المديونيه
مش هو نفسه عراب كل الامور الي بالنادي
وتعاقدات اللاعبين
وخلينا نحكي حقيقه
زياد صاحب الكلمه الأولى والأخيرة بالنادي
والقرارات ما بتمشي الا يكون مقتنع فيها
والانتخابات ما حد بنجح الا الي بتحالف معه
وعند الغلط بطلع يصرح و بعمل انه هي سياسات الجميع
المجد الك لحالك والغلط على الجميع

[حازم الوحداتي1]

انا لست في صف احد من الاداريين احنا وحداتيين وما بهمنا غير النادي.
هل من حلول؟

[اسلام حسين]

زياد شلباية عمري ما حبيته...مش مريح

[raedimran]

يعني زياد شلباية باي صفة بيصرج
بعدين صار الو بالنادي 30 سنة ليش هلاؤ بيحكي عن المديونيه
ولا صحيح قربت الانتخابات

[K H A L E D]

نادي جماهيري مثل الوحدات والله عيب يكون مديون كل هالعقول والاداريين والمستثمرين ورجال الأعمال مش قادرين يخلقوا مداخيل للوحدات الأكثر جماهيرية والله عيب على من يظل يطنطن على وتر الديون عيب على رجال عندهم مصالح بالملايين ومش قادرين يستثمرو في الوحدات وللوحدات خلي الي له مسمار ياخذة وخلينا نطوف على الواح خشب وما بدنا مركب بس ما حدا يظل يركب هالأسطواتة المشروخه مش قادرين تمشوا هالمركب سيبوة الله ببعتلة قبطان وافراد تسوقه الى البر بس خلو المجاديف وخدوا المسامير

[ماجد جامع]

يعني هو بس بصرح وخلص

[wehdaty-mor]

والله بياع الترمس اللي بحارتنا لو اوكله باستثمار شعار الوحدات و جماهيريته غير خزينة النادي تملين.. مش فاهمكم. ارجع يا طحيل

[Abu Al-Walled]

زياد شلباية اخر واحد يحكي عن المديونية، الانتخابات لسة 5 اشهر وانت حددت موقفك مع بشار، زياد شلباية تتباكى على النادي و المديونية ورجينا ماذا فعلت لانقاذ مديونية النادي؟؟!! بدل ما تصرح اشتغل وساعد النادي او حل عن هذا النادي يا اخي

[ابو اوس]

زياد شلباية اخر واحد يحكي عن المديونية، الانتخابات لسة 5 اشهر وانت حددت موقفك مع بشار، زياد شلباية تتباكى على النادي و المديونية ورجينا ماذا فعلت لانقاذ مديونية النادي؟؟!! بدل ما تصرح اشتغل وساعد النادي او حل عن هذا النادي يا اخي

هههههههه

بشوفك كل فترة بتقلل مطالبك يعني كنت مصر على ان زياد وعامر ذيب ورافت يحلوا عن النادي،،، وبعدين فقط زياد وعامر ذيب ،،، والان قلصت مطالبك بشخص زياد شلباية.

المهم هذا الاسطوانه دائما يستخدمها وقبل كل انتخابات وكانه رئيس النادي هو المسؤول الاول والوحيد عن المديونية والمصيبة انه سحيجته بيعملوا لهذا الهرج
زيطة وزمبليطة ،،،،، اه بلا صحيح كمان مرة ثانية بومتك صدقتك والنادي ما وقع مع اللاعبين اللي نسب فيهم اليعقوبي والمصيبة انه اليعقوبي بشحمة ولحمة طلع مش عامل تنسيب بالتعاقد مع شاهر شلباية والمركز الاعلامي للنادي صرح انه وبناءا على رغبة اايعقوبي تم التنسيب بالتعاقد مع شاهر وطبعا تم تجاهل البند 24 ،،
يماه الكهن

[حازم الوحداتي1]

ما الي دخل بالسيد زياد شلبايه او غيره جميعهم على راسي وهاي قدراتهم والاوضاع والظروف وما شابه..
المهم هل سيتدخل الجمهور لانقاذ النادي من الانهيار؟
ام يأتي مجلس اداره ينهض بالنادي ويكونوا كالاسود ونحن كجمهور نيارك جهودهم باعجاب؟

[ابو اوس]

ما الي دخل بالسيد زياد شلبايه او غيره جميعهم على راسي وهاي قدراتهم والاوضاع والظروف وما شابه..
المهم هل سيتدخل الجمهور لانقاذ النادي من الانهيار؟
ام يأتي مجلس اداره ينهض بالنادي ويكونوا كالاسود ونحن كجمهور نيارك جهودهم باعجاب؟

جمهور مين اللي يساعد يا حازم،،،، العالم مش لاقيه توكل لتروح تدفع فلوس للنادي وبعدين الجماعة بكل اريحيه يوزعوهم على هادي المصري وهادي المش مصري،،

خليها على الله والله الواحد يجيب لولاده 2كيلو جاج على شوية لحم وصحارة بندورة احسنله واشرفله وكمان اذا وضعه على عيلته ممتاز يتبرع فيهم للايتام والفقراء احسنله،،،

[dr.ashraf]

يعني بضحك هذا الشلباية.. يعني انا اذا بلوم حدا بالمديونية فما بلوم الا انت يا سيد زياد. أولا لأنك الوحيد الذي لا تتغير بالنادي .. يعني الكل ممكن يغادر و يرجع بس انت مكانك ثابت ..
ثانيا يا كابتن . التعاقدات ممنوع تتم إلا بعد موافقتك ..
ثالثا .. جرب ابو فراس .. الانتخابات الجاية ريح شوي ولا تخوضها.. و خلي غيرك يفوت .. وريح دورة و شجع الوحدات كمشجع و خلينا نشوف الوحدات بمشي من دونك ولا لأ..
او مادام انك هيك خبرة و اقدم عضو وعمرك ما فارقت النادي . خلص رشح حالك كرئيس. واكيد رح تفوز لأننا بنعرف عدد الأصوات الي كل مرة بتجيبها و معروف انك بتفوز اي رئيس بدك اياه .. خلص يا عمي صير رئيس و حل مشكلة المديونية .. الله يوفقك

[osadeq]

لا اقول سوى لا حول ولا قوة الا بالله العلي العظيم

[Hesham]

الله المستعان