...إدفن سرك بتحتار الصحافة فيك ...

[سفيان أبوشنب]

بعده الذهاب ما لحق ينتهي وبعدها الصبة خضرة وما لحقت الفاردة تصل الصالة ..صارت بعض الاخبار واصلة كوكب زحل ... الرسول الكريم قال ،،استعينوا على قضاء حوائجكم بالسر والكتمان ،، ..
يعني مش معقول اخبار اجتماع الادارة صار واصل للناس انه في لاعبين كانوا يلعبوا معنا في طريقهم للعودة للفريق ..وكأنها الاسماء جاهزة ...مش هيك يا جماعة الشغل ...
طيب بتعرفوا انه في فريق لامع صار بينه وبين لاعبهم الكابتن مشاكل وصلت لأبو موزة وما حدى عرف عنهم !!! وبتعرفوا انه نفس الفريق بده يجيب اثنين كانوا يلعبوا معه قبل فترة وما حدا بعرف عن اخبارهم ..
ليش بس عندنا بصير هذا الكلام ...

[محمد رباح]

لانو بنتسابق ع نشر الخبر
الجزيرة دخل الموسم ومفهم الكل انو مديون وعندو مشاكل مع اللاعبين
لحد ما كل الفرق لعبت قبالو باستهتار

[Hesham]

للاسف الاحتراف مفقود

[جهاد علي]

هذا مثل جديد ؟؟؟؟؟؟

اصحاب الحصريات هم السبب

[ماجد جامع]

لانو الشاطر بدو يعمل خبر حصري

[ابو سند 77]

طول عمرنا على هالحالة و لا بتتغير اطباعنا
غسيلنا دايما منشور عالحبل

[jamal nashwan]

والله اللي بدّو ايانا ورايِدنا لو انحكى فيه شو ما انحكى، ولو اندفع فيه شو ما اندفع، ما بِمَيِّل راسه كلمِه من هون أو من هناك..

أنا بدّي الظهير اليمين (س) أو المهاجم (ص) أو الجناح الأيسر (ع) وبتفاوض معهم، وانتشر الخبر.. يقوم يْخُشّ الفيصلي عليهم عشان يْخَرِّب الصفقات، مثلا، أو الجزيرة مثلا مثلا، طَبْ خلّيهم يوخذوهم.. أصلا الأشكال اللي زيّ هيك ما بتلزمنا كلاعبين، هذي وَحَدِه، والثانيِه خلّي اللي بدّو يوخذهم يتدبَّس فيهم وِنشوف من وين بدهم يدفعوا لهم...

أنا مِش عارف ليش إحنا عاملين من هالموضوع قصة..؟!.
وخاصة أن هيك أمور من الصعب جدا السرية فيها... التعاقدات اللي إلنا فيها الخير الله يكتب لنا اياها، واللي إلنا فيها نصيب بنوخذها، واللي ما إلناش الله يبعدها عنا...

عـ اليوم لو صفقات هادي وكارلوس وورد كانت علنية، والمفاوضات كانت مفتوحة عـ البحري..!.

[raedimran]

ادارة تفتقر لادنى درجات الاحتراف

[firas wehdate barca10]

عادي

[jamal nashwan]

عارفين مين هذا المحترف يا شباب..؟!!.

[jamal nashwan]

قال اللاعب رقم 18 رافع إيده على أساس إنْها فاوْل..!!.


خخخخخخخخخخ

[jamal nashwan]

ورقم 13 جـــــــــــافِل....

[ابو سند 77]

عارفين مين هذا المحترف يا شباب..؟!!.

طيب الذكر الحاج مالك
كان يتقاضى مع الوحدات 15 الف عقد سنوي
الان سعره ربع مليون دولار

[jamal nashwan]

طيب الذكر الحاج مالك
كان يتقاضى مع الوحدات 15 الف عقد سنوي
الان سعره ربع مليون دولار

هسّة بغض النظر عن سعر هذا اللاعب وقتها.. والله يا حبيبي ابو سند ما طرحت الصورة هاي إلا عشان كل واحد فينا يفكِّــر بينه وبين نفسه:


مين اللي جاب اللاعب هذا، وليش جابوه..؟!.
مِش الإدارة، وكان النية الاستثمار فيه..؟!!.

طَبْ مين اللي طفّشُه..؟!!.
مِش إحنا الجماهير اللي هسّة قاعدين بندوِّر عـ السرية..؟!!.

طَبْ هذا اللاعب مِش كان يلعب جناح أيسر ومهاجم ومرات جناح يمين ومرات خلف المهاجم..؟!.

بَعرَف أنه كان وكيله سامر الحوراني، وبعرف كمان أنه كان بدّو يستثمر فيه، بسّ لو وقّعنا معاه على ثلاثة مواسم إضافيات أو خمسة مواسم، وأعطينا هذا الحوراني حَلاوتُه فيه، مِش كان هسّة فايِدنا، إذا مِش باللعب، كان عـ الأقل بأكمّن عشرة آلاف أو 100، أو 150 ألف دولار..؟!.

[jamal nashwan]

القصد، مِش الإدارة لحالها المحقوقة في مسألة التعاقدات.. لا، إحنا كجماهير برضو محقوقين، والغلط راكِبنا.. وُحَكِيْنا الكثير بأثّـر على قرارات مهمة للإدارة.. رجاء، ما حدا يحكيلي إنّي بدافع عن الإدارة، بس إحنا الجماهير في المواسم الأخيرة كان لنا تأثيرات سلبية كبيرة على النادي بمنظومته كاملة، وعلى فريق كرة القدم اللي هو عصب هذه المنظومة..!.