الاتحاد يوافق على تعيين حكام اجانب

[ابو سند 77]

وافق الاتحاد الاردني على تعيين حكام اجانب لمباراة الجزيرة و الفيصلي يوم الجمعة و قد تجاوز الاتحاد القانون الذي يقضي بطلب حكام قبل أسبوعين من المباراة
للعلم ان الوحدات تم رفض طلبه بهذا الشأن أكثر من مرة

سجل يا تاريخ

[ابو اوس]

تعليمات اتحاد الكرة في الموسم الحالي "المادة 32..المراقب الاداري والحكام" تشير نصا في البند 32-12: يحق للأندية طلب الاستعانة خطيا بحكام غير أردنيين وبحد أقصى 5 طواقم فقط خلال الموسم، قبل 7 أيام عمل من موعد المباراة، على أن يتم تسديد كافة التكاليف المالية المترتبة على ذلك الى صندوق الاتحاد نقدا عند تقديم الطلب.

[ابو اوس]

الجزيرة قدم طلبه امس يعني المدة 5ايام فقط،،،

[ابو سند 77]

تعليمات اتحاد الكرة في الموسم الحالي "المادة 32..المراقب الاداري والحكام" تشير نصا في البند 32-12: يحق للأندية طلب الاستعانة خطيا بحكام غير أردنيين وبحد أقصى 5 طواقم فقط خلال الموسم، قبل 7 أيام عمل من موعد المباراة، على أن يتم تسديد كافة التكاليف المالية المترتبة على ذلك الى صندوق الاتحاد نقدا عند تقديم الطلب.

اخي ابو اوس الاتحاد مؤخرا منع الاستعانة بحكام اجانب هذا الموسم
و قبلها عدل القانون و اصبح طلب الحكام قبل اسبوعين

[ابو سند 77]

للعلم رفض طلب الوحدات بطلب حكام اجانب لمباراة ضد الفيصلي مع ان الوحدات طلب حكام ضمن الفترة القانونية

[ابو سند 77]

و هذا الموضوع يقودنا ايضا للتذكير ان الاتحاد يرفض طلب تأجيل مباراة للوحدات بالدوري
من أجل المشاركة الآسيوية
للعلم الاتحاد أجل للفيصلي و الجزيرة مباراة من أجل مبااراتهم الآسيوية

نرجو من إدارتنا ان تدون هذه التجاوزات

[مهند الشاويش]

يا عمي حقهم
لو انا بالاتحاد وبشجع الفيصلي ولا أي نادي ثاني بهبط نادي الوحدات على الدرجه الثانيه و بعمل فيهم العجب حيطهم واطي وما حد بطالب الهم .وجماعتهم بهمهم بس انتخابات وكراسي
ما بدنا حكام بس يطلع رجل واحد مره وحده كمان مش على طول يسال الاتحاد ليش سمح للجزيره ورفض الوحدات بس هي ما بدنا اكثر

[firas wehdate barca10]

اللهم اهلك الظالمين

[Abu Sara]

أهلين رياضه .... و بدكو نتطور و نصير محترفين و نصل كأس العالم

[Abu Al-Walled]

احنا ناس طيبين اوييي!! ولما بقول بدنا واحد زي مرتضى منصور يشلتخ للكل ما حد برد علي، على الادارة الاعتراض اذا لسة في ادارة،،

[مهند الشاويش]

احنا ناس طيبين اوييي!! ولما بقول بدنا واحد زي مرتضى منصور يشلتخ للكل ما حد برد علي، على الادارة الاعتراض اذا لسة في ادارة،،

مع اني ما بتمناه يرجع بيوم للنادي
بس سامي السيد بهيك مواقف لسانه ثقيل بصراحه وما بسكت

[Abu Al-Walled]

مع اني ما بتمناه يرجع بيوم للنادي
بس سامي السيد بهيك مواقف لسانه ثقيل بصراحه وما بسكت

اذا سامي السيد بهيك موقف بدو بفتح صوته على الاتحاد، فاهلا بعودته اليوم قبل مبارح،،

[jamal nashwan]

مع اني ما بتمناه يرجع بيوم للنادي
بس سامي السيد بهيك مواقف لسانه ثقيل بصراحه وما بسكت

حبيبي مهند، صدقني لو ييجي هولاكو رئيس لنادي الوحدات لا رَح يْفِتّ ولا رَحْ يْغمِّس في ظل هيك وضع..!.

زمان كنا إحنا، وأقصد بإحنا .. الجماهير، نعم الجماهير .. الجماهير هِيِّه السيف اللي كان بيهِدّ فيه كل أعضاء مجلس إداراتنا الوحداتي ورؤساء الأندية السابقين على الاتحاد وعلى منظومة كرة القدم بالكامل.. هسّة معونة الاحتراف منهم، ورواتب الحكام منهم، والملاعب منهم، والمرافق منهم، إضافة لحقوق الرعاية التلفزيونية منهم، ما ظلّش غير هالتذاكر، اللي جمهورنا صار يِتفنّن هو الآخر بأساليب الحضور، مرة مقاطعة ومرة حَرَد ومرة انتقام.. سيبنا حبيبي مهند، الأمر ما عاد بإيد إداراتنا.. أولا، لأن العصمَة صارت بإيد الاتحاد ولجانه وبإيد المؤسسات الرياضية الأخرى، يعني هُمِّه اللي بيصرفوا علينا.. وثانيا، جمهورنا إتْقسَّم وِتْجزَّأ وما عادَتِش كلمتنا وَحَدِه..!.

[جهاد علي]

انا مع الحكام الاجانب في هذه المباراة خص نص
على الاقل حكامنا بطلعوا برات الموضوع ، وبغض
النضر عن اي تجاوز غير مشروع من اتحاد البطيخ

[مهند الشاويش]

حبيبي مهند، صدقني لو ييجي هولاكو رئيس لنادي الوحدات لا رَح يْفِتّ ولا رَحْ يْغمِّس في ظل هيك وضع..!.

زمان كنا إحنا، وأقصد بإحنا .. الجماهير، نعم الجماهير .. الجماهير هِيِّه السيف اللي كان بيهِدّ فيه كل أعضاء مجلس إداراتنا الوحداتي ورؤساء الأندية السابقين على الاتحاد وعلى منظومة كرة القدم بالكامل.. هسّة معونة الاحتراف منهم، ورواتب الحكام منهم، والملاعب منهم، والمرافق منهم، إضافة لحقوق الرعاية التلفزيونية منهم، ما ظلّش غير هالتذاكر، اللي جمهورنا صار يِتفنّن هو الآخر بأساليب الحضور، مرة مقاطعة ومرة حَرَد ومرة انتقام.. سيبنا حبيبي مهند، الأمر ما عاد بإيد إداراتنا.. أولا، لأن العصمَة صارت بإيد الاتحاد ولجانه وبإيد المؤسسات الرياضية الأخرى، يعني هُمِّه اللي بيصرفوا علينا.. وثانيا، جمهورنا إتْقسَّم وِتْجزَّأ وما عادَتِش كلمتنا وَحَدِه..!.

كلامك ميه ميه
لكن عن تجارب مش كلام .شفت مواقف اخذنا فيها الحق أضعاف
وموضوع الجماهير خليها على جنب شوي
الجزيره بداية الموسم هدد بالانسحاب من الدوري وهو ما عندو جماهير
صار اتحداك يهز ذنب الهم اكثر من الفيصلي.
جماعة الاتحاد اكثرهم فاضيين من جواهم .واكثرهم مش عارف شغله مبرمج ضد الوحدات يعني حافظ مش فاهم.بس بدهم شخص يعرف يتعامل معهم

بدي اسالك سؤال
لو الوحدات احتج على موضوع معين واعلن انسحاب او تجميد نشاط الكره
بالك الامير علي رح يسكت ويسمح بالموضوع ؟
المصيبه انه ما في حد يوصل معاناة الوحدات لانه صحاب الحق ساكتين
ومش زمان كثير قصة منصة الوحدات ومشكلة سامي معهم .واكيد سمعت فيها
اخذ الحق يومها وزياده شوي بس لانه ما سكت