بصراحة وما حدى يزعل

[abumoo]

بصرحة وما حدى يزعل
جمال ارحل ارحل
النادي معاك اتبهدل
خوذ جهازك واتوكل
السي في تبعك اتكمل
وصار عندك دوري مجلجل
بدنا الاسيوية .. ارحل
ويا مختار لسه بتسأل
أيوه كلكانين وين الحل
والله الجمهور اتحمل
خوذ الادارة وارحل
ومعاهم طفلك المدلل
خلينا ساكتين أفضل
سيبونا وحلوا عنا
نرجّع وحدات الافضل
نرجّع وحدات الأكمل
نرجّع وحدات المارد
مش قزم بيخزي وأهبل
منعرف انكم وحداتية
ولسه فيكم والله منأمل
بالله عليكم سيبونا
بدكم اكثر من هيك نزعل
سرقتوا الفرحة من قلوبنا
والعناد ما بتجمل
العناد كفر يا سادة
والطريق لسه أطول
كل النتائج والخسائر
ما خلت مشاعركم تتزلزل
مش معقول اللي بصير فينا
الأعمى شايف والأحول
إلا انتو مش شايفين
لا انتو الآخر ولا الأول
ارحل مشان الله ارحل
ارحلوا خلينا نعمل

[عبدالرحمن الحوساني]

بدنا الاسيوية بالحلم
هاي اذا ضلينا بالدرجة الممتازة وما هبط الفريق

اذا بالعصر الذهبي لنادي الوحدات
ما جابو الاسيوية

بدك شوية لاعبين هواه يجيبوها

[abumoo]

بدنا الاسيوية بالحلم
هاي اذا ضلينا بالدرجة الممتازة وما هبط الفريق

اذا بالعصر الذهبي لنادي الوحدات
ما جابو الاسيوية

بدك شوية لاعبين هواه يجيبوها

لا للتشاؤم
الوحدات قادر على العودة لكن بشروط

يقال لكل جواد كبوة... واحنا كبوتنا طولت اكثر من اللازم

[abumoo]

1122 شخص قرأوا الموضوع
وأكيد فيهم المؤيد وبينهم المعارض للفكرة
لم يقم بالتعليق الا شخص واحد فقط

أعيدها وأكررها
جمال محمود هذه المرة صرح بأنه مصمم على الاستقالة
الادارة رفضتها
هل كان جمال محمود ينتظر الرفض حتى يعود عن قراره
سؤال للكابتن جمال... شو بالنسبة للجمهور الذي تحدثت عنه في موضوع استقالتك

انا اعتقد ان الاستقالة من مصلحة الكابتن جمال اكثر منها مصلحة الفريق لأنه حين تبلغ حد الاشباع ولا تملك المزيد فمن الافضل ان تترك المجال لغيرك فربما لديه اضافة غير موجودة لديك

رأي شخصي وسامحوني

[جهاد علي]

الرحيل ما عنه قرارات الادارة مجاكره فقط بالجماهير
لانه الكلمة الاولى والاخيره للجمهور الى هو راس
مال النادي, ولا شو بسوا النادي بدون جماهير الاخضر ؟؟
اليوم جددوا الثقه بالكوتش وياماااا تم تجديد لغيره
في النهاية ( بح ) , النادي ظل هو نفس النادي والجمهور
هو نفس الجمهور لكن المدربين هم الي بتغيروا .
المجاملات الكذابه حطتنا في قاع سلم الترتيب
وفي النهاية عشان ما حد يزعل أنا بنتقد
العمل ولا انتقد الشخصيات لانه كل الناس احسن
مني .

[صالح عساف]

1122 شخص قرأوا الموضوع
وأكيد فيهم المؤيد وبينهم المعارض للفكرة
لم يقم بالتعليق الا شخص واحد فقط

أعيدها وأكررها
جمال محمود هذه المرة صرح بأنه مصمم على الاستقالة
الادارة رفضتها
هل كان جمال محمود ينتظر الرفض حتى يعود عن قراره
سؤال للكابتن جمال... شو بالنسبة للجمهور الذي تحدثت عنه في موضوع استقالتك

انا اعتقد ان الاستقالة من مصلحة الكابتن جمال اكثر منها مصلحة الفريق لأنه حين تبلغ حد الاشباع ولا تملك المزيد فمن الافضل ان تترك المجال لغيرك فربما لديه اضافة غير موجودة لديك

رأي شخصي وسامحوني

اخي العزيز
مصلحة الفريق استمرار جمال محمود، لانه بالنهاية لا يوجد وصفة سحرية للنجاح، وهاي الفيصلي مع الكوكي ابعد اغلب لاعبي الفريق لانه ببساطة غير مقتنع بقدراتهم، و هذا ما سيحدث بالوحدات لو تم التعاقد مع مدرب جديد، اول اشي راح يطلبه تغيير اللاعبين، والحجة جاهزة انا ما اخترت اللاعبين، وهذا الموضوع تم تجريبه مع الوحدات (تغيير المدرب بنص الموسم) مرات كثيرة و فشلنا بتحقيق اي نتاءج بكل الحالات السابقة وسنفشل مرة اخرى اذا رحل الكابتن جمال

[firas wehdate barca10]

ربنا كريم بعودة الفريق الى ألقه

[ماجد جامع]

جمال باقي ولن يرحل

[عبدالرحمن الحوساني]

لا للتشاؤم
الوحدات قادر على العودة لكن بشروط

يقال لكل جواد كبوة... واحنا كبوتنا طولت اكثر من اللازم

هاذ واقع مش تشائم
ويلي بحكي غير هيك بكون بضحك على حالو
فش لاعبين رجال يجيبو الاسيوية ويمكن محلية بدعاء الوالدين

[بسام الحمران]

خلينا انشوف شو اخرتها
ولو الامر بايدي ساشكل فريق ثلثينه من الشباب وبلا من هالدوري هذا العام
وعلى شرط الاساسي على الاحتياط وخليه يشوف الشباب ويكون بديل لهم .

[osadeq]

نعم هناك اخطاء من المدرب ولكن اعتقد ان الخطا الاكبر يتحمله اللاعبين لان الغيرة على اسم الوحدات منزوعة منهم
يا ريت بس لو المدرب يكون عنده جزء من شخصية جوزيه مورينيو كان خلاهم يمشوا زي الساعة

[abumoo]

الرحيل ما عنه قرارات الادارة مجاكره فقط بالجماهير
لانه الكلمة الاولى والاخيره للجمهور الى هو راس
مال النادي, ولا شو بسوا النادي بدون جماهير الاخضر ؟؟
اليوم جددوا الثقه بالكوتش وياماااا تم تجديد لغيره
في النهاية ( بح ) , النادي ظل هو نفس النادي والجمهور
هو نفس الجمهور لكن المدربين هم الي بتغيروا .
المجاملات الكذابه حطتنا في قاع سلم الترتيب
وفي النهاية عشان ما حد يزعل أنا بنتقد
العمل ولا انتقد الشخصيات لانه كل الناس احسن
مني .

في النهاية لا نريد الا الخير لماردنا

[abumoo]

اخي العزيز
مصلحة الفريق استمرار جمال محمود، لانه بالنهاية لا يوجد وصفة سحرية للنجاح، وهاي الفيصلي مع الكوكي ابعد اغلب لاعبي الفريق لانه ببساطة غير مقتنع بقدراتهم، و هذا ما سيحدث بالوحدات لو تم التعاقد مع مدرب جديد، اول اشي راح يطلبه تغيير اللاعبين، والحجة جاهزة انا ما اخترت اللاعبين، وهذا الموضوع تم تجريبه مع الوحدات (تغيير المدرب بنص الموسم) مرات كثيرة و فشلنا بتحقيق اي نتاءج بكل الحالات السابقة وسنفشل مرة اخرى اذا رحل الكابتن جمال

وجهة نظر نحترمها

لكن في النهاية من لا يرى من الغربال بكون أعمى

[abumoo]

ربنا كريم بعودة الفريق الى ألقه

آمين يا رب العالمين
هذا ما نتمناه جميعا

[abumoo]

جمال باقي ولن يرحل

على الرغم من تصريحه بان استقالته نهائية ولا رجعة فيها
الا ااننا جميعا نعلم انه غير جدي في تصريحه