الجمهور الي قدم بس ومحدش الو جميلة على النادي واعضاء الهيئة العامة تتقي الله

[عمر دواغرة]

الاعب خدم النادي الاعب ضحى من اجل النادي !!!!!!!!!!!!!!!!!!!!!!!!!!!!!!

ممكن الناس الي بدافع عن شفيع والدميري وعبد الله ذيب وعبد الحليم وعن وعن وعن اي لاعب بقولو انهم خدمو النادي يشرحلنا كيف خدمو النادي ؟؟؟؟؟؟؟

الاعب عبارة عن موظف وبستلم راتب حسب عقدو وبوخذ مكافأت حسب اللوائح الداخلية للنادي يعني الاعب ما الو جميلة عنا ومش من حقو يتفلسف على النادي ولا يتشرط بدو مدرب على كيفو

الجمهور فقط هو الي قدم وخدم النادي الجمهور الي بيجي قبل 6 ساعات للمبارة بعز الحر والبرد الجمهور الي بدفع مواصلات وتذاكر سودة الجمهور الي بقطع عن بيتوا وجامعتوا ومدرستوا المصاري هو بس الي خدم وقدم للنادي

ليكون شفيع كان يدفع من جيبتوا واحنا مش عارفين ليكون شفيع وغيروا من الاعبين كانو يامنو معسكرات فكونا من كلمة خدم النادي بنظري فعلا الي خدم النادي هو لاعب واحد فقط حسن عبد الفتاح والكل بعرف شو قدم الحسون
شفيع الموسم الي فات قضاها غايب عن التمارين ويدعي الاصابة وما لعب 40% لانو مش جاهز شفيع اكثر لاعب ادلل على النادي الله معو والقلب داعيلو

عبد الله ذيب اول من هرب للاحتراف وما فاد النادي وكان بس يرجع يعمل اسشفاء عنا ويرجع يشلف كالعادة

الدميري هاي ثالث مرة بحترف شو قدم للنادي الي طلعو ورباه ولا قرش استفدنا منو

عبد الحليم انصاب مع المنتخب ورفضوا يعالجو واتلبس علاجو الوحدات وصبر عليه سنة ونص ومستوى بالنازل راح جاب دواوين عشان يطلب مصاري علما بانو النادي عمروا ما اكل حق لاعب وما ننسى حركتو مع يزن ثلجي اثبتت حقدوا

عامر ذيب على اليرموك عشان كم الف ومنها طلع احترف بالامارات وفاد اليرموك هزلت

ابو عمارة مش عاجبو يوقع 3 سنيين معنا ويحترف عن طريق النادي بدو بس يستفيد لحالو مش من حق النادي يا منذر بستفيد منك على تعبوا عليك يا عيب بس

النادي ربى الاعب من سن 14 لحتى وصل الفريق الاول النادي دفع رواتب وامن معسكرات وعلاج ووما قصر مع حد منهم وبالاخر مش عاجبهم يوقعوا سنتين وثلاث ضمن سقف معين يا عيب العيب

تعال على الاعب الي بنجيبوا من برا حقوا يدلل عليك لانو النادي مش تعبان على تجهيزوا وللامانة السنة الي فاتت استفدنا من سعيد واحسان والدردور وثلجي واول مرة بنستفيد من محترف ( فهد اليوسف )من اكثر من 10 سنيين

هسا بنط حد بقلك الاعبين الشباب طيب يابو الشباب

قويدر اتنمرد وبدوش يوقع زيو زي رجائي وصالح وبهاء وقنديل وطلع ولف على الاندية شو قدم فش شي قدموا وفشل والكل شاف بعينوا شو مستواه

تعال على منذر رجا نفس شي احترف ولعب مع اندية محلية محلي وللامانة ما قدم شي واخذ فرصتو معنا وما اثبت حالو

تعال على احمد هشام ابو الاراجيل نفس الموال اخذ فرصتو معنا واحترف وما قدم شي

تعال على البشتاوي ابو السلفي نفس الموال هيو احتياط مع الاهلي وشباب الاردن ومن يوم ما طلع وبعد عن بهاء فيصل كلنا شفنا كيف صار بهاء

للامانة لاعب واحد ازعلت عليه الي هو سمير رجا سنتين شال نادي الحسين فيهم لاعب ممتاز
باقي اسماء الشباب لاعبين مستوى عادي

لو الادارة طلعت وحكيت بدناش لعيبة من برا ولا محترفين وبدنا نلعب بسن 20 زي انس العوضات وسمير الحاج وغيرهم وبعض الاعبين امثال رجائي والياس وثلجي وقنديل وبهاء وكنت اتمنى هالشي بس هل اغلبية الجمهور بصبر على النادي سنتين ولا ثلاث بدون بطولات هون السؤال

بنيجي على اعضاء الهيئة العامة والله انتخاب شخص بالوحدات امانة رح تنسئل عند الله عليها يعني
زياد شلباية عوض الاسمر غصاب خليل بسام شلباية خضر صوان وزيد ابو حميد والخوري وبشار كلها اسماء بتتردد على الادارات من 20 و 30 سنة والوضع زي ما هو للاسوء هسا بنط واحد بقلك الخوري وزياد وغصاب
ووباقي الاسماء جابو بطولات ورباعيات

يا عمي لو انا ولا انتا بنستلم والله بنجيب بطولات بس السؤال القوي
شو قدمو الاسماء الي بتنتخب كل مرة للنادي شو قدموا ك عمل اداري او مالي او اعلامي او تسويقي او احترافي للنادي ممكن حد يتفضل يحكيلنا

النادي كل مالو للاسوء ماليا كل سنة المديونية بتترحل وبتزيد ومصاريف ومحترفين فاشلين
الفئات العمرية ممكن نعرف شو مؤهلات زياد لحتى يستلم الفئات العمرية كمدير الها

مش عارفين نسوق لاعب ونستفيد منو ماديا فش عمل احترافي بالنادي ولا رياضي نهائيا

على اي اساس بتم اختيار المدرب عنا وتنسيب لاعبين ولا نظام فزعة عايشين للاسف

عوض مقضيها ينزل بوستات على الفيس عوض بحارب بالنادي عوض بحارب بالجمهور هاد شخص اداري للاسف لا يصلح يكون بدكان

اعلاميا بنط عوض بصرح وبكتب وغصاب بأيدو واياد الشملتي بعارضو والسعودي ومش شو التفكير الي عندهم اغلب اعضاء الادارة 24 ساعة على الفيس بوك بردوا وبدخلو بنقاشات مع الجمهور روحوا صفو نيتكوا واشتغلو للنادي وفككوا من الفيس وغيروا

الخوري وبشار من كبار رجال الاعمال على مستوى عالي جدا طيب ليش تركتوا النادي متخزوق ماليا وتضمين مباريات وعقد عدنان حمد 300 الف وينكم يا رجال الاعمال ليش ما عملتو شي للنادي مشروع يفيد النادي ما عرفتو اديروا النادي وتركتوا بسياسة الارض المحروقة اه مجبورين بما انكم بتحكوا عن حالكم وحداتية


شعار النادي الي الكل مستفيد منو بالسوق الا النادي وين الاعضاء القدام العتاعيت الي بحكو انهم تاريخ بنادي الوحدات ليش لليوم الشعار سواح نواح ليش ما يتم تسجيلو كماركة تجارية ويحاسب اي شخص بستغل الشعار

اعضاء الهيئة العامة اتقو الله بالنادي وما نرجع نشوف ولا اسم قديم من الادارة للامانة لانهم فشلو فشل كبير بادارة النادي لسنين طويلة
في اسماء مخفية وبتفيد النادي ك عمل موسسي واداري ومالي واحترافي وتسويقي واعلامي انتخبوها او طالبو فيها تنزل للانتخابات مثل ابو اليزيد وابو صلاح القصراوي ورافت العلامي محمود منصور ابو بكر سردانة جمال نشوان السينمائي ولاعبين الثمانينات وفي وفي وفي كثير اسماء مخيفة جدا بتفيد النادي
زهقنا من تكرار نفس الاسماء القديمة خلص يا عمي يعطيهم العافية يرتاحوا


همسة والله ما انا محسوب على اي اداري او رابطة تشجيع كل همي هالنادي لانو هو مصدر سعادة وهو وطن النا وعرفنا على كثير اسماء رائعة جدا
ما عندي اي مشكلة شخصية مع اي اداري او لاعب

الله يحمي هالنادي ويضل اسمو دايما فوق

[ابو شاكر]

شكرا الك

لكن ولا لاعب الو جميلة عالنادي بلا اسثناء

[عمر دواغرة]

شكرا الك

لكن ولا لاعب الو جميلة عالنادي بلا اسثناء

لا اخووي اسمحلي حسن عبد الفتاح كان لاعب حر واجى عقد ب 750 ألف دولار وكان بامكانو يوخذهم لحالو
بس ابن أصل رجع وقع مع النادي وفادو حسن فعلا فاد النادي

[ماجد جامع]

كل اشي انا معك الا بنقطه واحد اللاعب الي الو جميله على النادي حسن عبد الفتاح وبس
حسن عبد الفتاح لما النادي مر بضائقه ماليه دفع من جيبتو عشان يسلمو رواتب اللاعبين
شهر وشهرين وماكان يوخذ راتب
حسن كل مايحترف بفكر بنادي قبل نفسه
حسن بحكي لو بدي اعتزل كرة القدم بالاردن مابلعب الا للوحدات
وحسن وحسن وكثير مواقف الو

[عبدالرحمن الحوساني]

والله صدقت 100%

الوحدات هو من اوصل هؤلاء للنجومية

[Hesham]

احسنت ويعطيك العافية، كلام من القلب
حسن من اللاعبين الاوفياء وله تاريخ مشرف مع النادي

[عمر دواغرة]

كل اشي انا معك الا بنقطه واحد اللاعب الي الو جميله على النادي حسن عبد الفتاح وبس
حسن عبد الفتاح لما النادي مر بضائقه ماليه دفع من جيبتو عشان يسلمو رواتب اللاعبين
شهر وشهرين وماكان يوخذ راتب
حسن كل مايحترف بفكر بنادي قبل نفسه
حسن بحكي لو بدي اعتزل كرة القدم بالاردن مابلعب الا للوحدات
وحسن وحسن وكثير مواقف الو

صديقي أرجع شوف شو كاتب انا عن حسن كاتب نفس كلامك بس شكلك اتسرعت كل الاحترام الك

[olds]

جمهور الوحدات هو الأصل وهو الوحيد الذي يدعم النادي

أما الباقي كله ينظر الى النادي كأنه كيس فلوس أو مكان للشهرة للإحتراف الخارجي

فعلا إدارات لم تقدم شيء لنادي الوحدات

[firas wehdate barca10]

بالتوفيق للوحدات

[ابو اوس]

شكرا لك دواغرة

[mahafdah]

شكرا جزيلا كلام من ذهب

[Said Dughmush]

أشكرك على هذا الكلام الطيب كلام من ذهب نعم الجمهور الجمهور الجمهور ولا لاعب قدم شيء لنادي الوحدات ما واحد من الاعبين وقع عقد اكثر من عام حتى سنحت له فرصة الاحتراف ما يفيد النادي بقرش ونحن قاع بن بنطبل لجميع الاعبين شوف منذر ابو عماره لم يفد النادي بقرش روح يا راجل بقلك ما بلعب في الاْردن الا للوحدات اذا بتحترف في الخارج وما بتفيد النادي بقرش والله حرام ترجع على النادي مين ما كنت ولنا في عبد الله ذيب اكبر مثال الي ما بده يفيد النادي يروح الله معاه والقلب داعيله.

[raedimran]

والله فشيت غل الواحد
كلام من القلب

[أبو فايز]

هو احنا يا منعمل من اللاعب أسطورة ما حصلتش يا بنلعن سنسفيله وبنخليه مجرد موظف؟!!!

اخي نعم الكل بلعب وبقدم للوحدات وجماهيره. من لا يشكر الناس لا يشكر الله
والأوغاد اللي يخونوا النادي هم قلة

الاشكالية هي بتركيبة العقود وطرائق التعامل مع العقود واللاعبين. العقد شريعة المتعاقدين، فعلى النادي اعادة النظر بعقوده والاستعانة بالخبراء والخبرات من الخارج لصياغة عقود بطريقة احترافية. اما ان تتوقع انه اللاعب يكون اهبل ساذج وبدوش حقه او مستقبله ويكون شمعة تنير درب الآخرين فهذا غير واقعي.

لا باس من ان تكون المصالح مشتركة والمنافع متبادلة بين اللاعب والنادي . مش غلط ننفخ لعيبتنا ونغنغهم ونشتغل فيهم اذا كانوا يقدمون المطلوب وأكثر. وإلا ما الحافز للاعب لان يلعب لك خَص نص،! اذا لا حمدا ولا شكورا، وأوضاع مالية زفت، وشللية، وقلة قيمة، فشو هالحافز الخطير اللي بده يخليه عندك؟

افهم ما تريد الوصول اليه، لكن رفقا بالقوارير

[عمر دواغرة]

هو احنا يا منعمل من اللاعب أسطورة ما حصلتش يا بنلعن سنسفيله وبنخليه مجرد موظف؟!!!

اخي نعم الكل بلعب وبقدم للوحدات وجماهيره. من لا يشكر الناس لا يشكر الله
والأوغاد اللي يخونوا النادي هم قلة

الاشكالية هي بتركيبة العقود وطرائق التعامل مع العقود واللاعبين. العقد شريعة المتعاقدين، فعلى النادي اعادة النظر بعقوده والاستعانة بالخبراء والخبرات من الخارج لصياغة عقود بطريقة احترافية. اما ان تتوقع انه اللاعب يكون اهبل ساذج وبدوش حقه او مستقبله ويكون شمعة تنير درب الآخرين فهذا غير واقعي.

لا باس من ان تكون المصالح مشتركة والمنافع متبادلة بين اللاعب والنادي . مش غلط ننفخ لعيبتنا ونغنغهم ونشتغل فيهم اذا كانوا يقدمون المطلوب وأكثر. وإلا ما الحافز للاعب لان يلعب لك خَص نص،! اذا لا حمدا ولا شكورا، وأوضاع مالية زفت، وشللية، وقلة قيمة، فشو هالحافز الخطير اللي بده يخليه عندك؟

افهم ما تريد الوصول اليه، لكن رفقا بالقوارير

أخي بتتوقع انتا انو عامر شفيع والذيب والدميري وغيرهم كانو يوقعوا ب 30 على ايام الخوري 😉😉 تحت الطاولة شغال ولا زمان طلعوا كلهم
قصة توقيع العقود السنوية متفق عليها من قبل الاعبين مع الإداريين كانت مش صدفة

الحق 90% على الإدارة ومن جلبها من أعضاء هيئة عامة
دام نفس الأسماء بتتكرر وما في إنجاز وجب التغير كامل