اخي يوسف الصقور،، لا تعشمنا بالاسيوية،، ملناش فيها خبز!!!!!

[أبو كرم 76]

تفائلو بالخير تجدوه
بإذن الله تعالى رايحيين نوخذ كاس الشاي التجديد مع بعض اللاعبين الي عنا والتعاقد مع لاعبين على مستوي عالي والتعاقد مع مدرب كبير شو بضل لحتى نوخذ البطوله توفيق من الله عز وجل
والوحداتيه قدها بأذن الله.
تكلكوش

[ايمن 1984]

ممكن الاسيوية بشرط محترفين ذوي مستوى فني عالي ومدرب افضل من جمال محمود مع كامل الاحترام لجمال

[وحداتي منذ الأزل]

تفائلو بالخير تجدوه...

[ابو سند 77]

فريفنا راكبه النحس خارجيا
بصمت ىالعشرة

[badie]

كتبتها بمشاركة سابقة،، ما دامك بتحلم وهو حق مشروع ليش ما تحلم باكبر من الاتحاد الاسيوي؟؟ ابطال اسيا، مثلا،،ولا واحد فيكم جاب سيرة ابطال اسيا لماذا؟؟ لانه عارفين ملناش خبز،،،، اخي الكريم اذا بدك تحلم احلم للصبح،، ما حدا ماسكك،، محمد صلاح كان يحلم،، بس مقعدش بدار اهله نايم بس يحلم كان يشتغل ومتوكل على ربه ونيته صافيه،، وركزلي على صفاء النية والقلوب اللي بدها خير لنادينا

له له له يا أبو الوليد ليش معصب هدي أعصابك يا زلمة بلاش تروح فيها عشان فووووووتبول أولاً ما كتبتها في مشاركة سابقة. ثانياً يبدو لي ما فهمتني أنا أدعو للحلم والشغل لتحقيق الحلم (صلاحك- أقصد صلاح المصري مش هو الحلم ولا القدوة) وغصبن عنك بدي أحلم وأحلم زي ما بحلم كل يوم أرجع على فلسطين وسيأتي اليوم الذي سنأخذ الاسيوية وغيرها . وإذا كان قصدك أشتغل أنا بالكورة - الله يجبر خاطرك- أنا في الرياضة متفرج ما بطلعلي أكثر من هيك.
يبدو لي أن صاحب شعار تكلكوش شعط راسك لأنه أجت معاه صح
وكان يقولوا زمان (المنطق سعادة) إلي بقصده إحلم إنك بطل العالم بتصير في يوم بطل العالم
أما إضلك تعتقد أنك بطل مفعولك حضللك بطل مفعولك

[badie]

كتبتها بمشاركة سابقة،، ما دامك بتحلم وهو حق مشروع ليش ما تحلم باكبر من الاتحاد الاسيوي؟؟ ابطال اسيا، مثلا،،ولا واحد فيكم جاب سيرة ابطال اسيا لماذا؟؟ لانه عارفين ملناش خبز،،،، اخي الكريم اذا بدك تحلم احلم للصبح،، ما حدا ماسكك،، محمد صلاح كان يحلم،، بس مقعدش بدار اهله نايم بس يحلم كان يشتغل ومتوكل على ربه ونيته صافيه،، وركزلي على صفاء النية والقلوب اللي بدها خير لنادينا

للأسف يا أخ أبو الوليد عندك سوء ظن على الأقل معي -صفاء النية والقلوب مش أنت ولا مخلوق على الأرض بحكم عليه هذا في علم ربك- وكل يرى الناس بعين طبعه

[Abu Al-Walled]

ابني قصوراً في الهواء ولا تبني سجوناً تحت الأرض
نحلم ونحلم ونحلم ونعمل ثم نعمل ثم نعمل ونبقى نعمل لتحقيق الأحلام
تحطيم الآمال هو الفشل والانهزام والاستسلام
شعار هذا العام (تكلكوش) أفضل شعار مر منذ عقود
فيه أمل غير مفرط وتحقق الأمل وبقي الحلم

قصور الهواء مش موجودة اصلا،، فكيف ستبنيها بحلم؟؟ ملناش خبز باسيا ولاسباب عديدة ومش فنية،،

[Abu Al-Walled]

خلينا نكون واقعيين,الاسيوية ممكن تحقيقها و مش صعبة لدرجة اللي بتخيلها البعض و لكن لها شروط :
بعد التوكل على الله و التوفيق من الله يجب على الادارة التكاتف و العمل بروح الفريق و تناسي الخلافات بينهم و العمل على هدف واحد و هو تحقيق اللقب الاسيوي.
يجب عليهم إحضار مدير فني على سوية عالية له خبرة كبيرة بالمباريات الاقصائية و له شحصية قوية تفوق سلطة الاعبين او الاداريين و التوقيع معه لمدة لا تقل عن موسمين.
العمل على إحضار مهاجم قناص يجيد استغلال الفرص و التسجيل من انصاف الفرص و التوقيع طبعا لموسمين.
يجب علينا كجماهير نسيان بطولة الدوري و إعطاء فرصة للشباب للمشاركة في الدوري,طبعا لإن اتحادنا الموقر لن يتعاون معنا مطلقا و لن يقوم بتأجيل اي مباراة لنا.
الدعم الجماهيري المطلق للفريق في كل مباراة يلعبها الفريق داخليا و إن أمكن خارجيا.
لن تتحقق الاسيوية الا بتحقيق هذه الشروط

للعلم فقط اخي الكريم،، جمال محمود حقق انجاز اسيوي غير مسبوق مع منتخب الفدائي الفلسطيني،، الموضوع ملوش دخل بالمدرب،، يا عمي ملناش خبز ولا رغيف صغير حتى،، والاسباب ذكرتها لن اعيدها لعدم التكرار

[Abu Al-Walled]

كلامك ذهب
المفروض لتحقيق الاسيوية جهاز فني على مستوى عالي لموسمين لانه البطولة الاسيوية شغالة موسمين
ومعك في كل ما تفضلت به

مع توفر النية الصافية من الجميع لتحقيق الحلم

وللاخ ابو وليد
تفاءلوا بالخير تجدوه

اخي الحبيب،،، التفاؤل والأمل والتوكل على الله،، امر من بديهيات الحياة،،، ولكن في الوحدات هناك الاف الحفر التي وضعت لنا لمنعنا من الظهور اقليميا،، اسال نفسي ونفسك عن السبب، واسال الاتحاد الاردني وبعض المتنفذين لماذا مشاركات الوحدات اقليميا بتسببلهم حساسية؟؟

[Abu Al-Walled]

احسنو الظن بالناس او بالريس يا اخوان
ممكن الرجال له خطه ويحاول تطبيقها لكي يرضي عشاق الاخضر
لا نعرف ولا نريد ان نستبق الاحداث ونأمل ان يكون عند حسن ظن الجميع
الفريق بحاجه حالياً الى اعادة ترتيب اوراق وجلب مدافع على سويه عاليه واذا امكن مهاجم ايضاً وفي حال رجوع بهاء فيصل لا نريد احد .
بالتوفيق لنادينا الحبيب

يد وحدها لا تصفق، والريس بعرف هالحكي،،، الله يعينه علي الورطة اللي ورط حالو فيها

[Abu Al-Walled]

طول ما احنا حاطين براسنا هالفكره بعمرنا ماراح نوخذها,واذا بنضل نحكي الاتحاد مش واقف معنا واحنا مش قد الاسيويه بعمرنا ماراح نشمها,,لازم يكون في هدف عشان نوصله,المختار حط هدف وان شاءالله راح يوصله

بدناش الاتحاد بوقف معنا،، بدنا ياه يحل عن ظهرنا بس واحنا منقلع شوكنا بايدينا،،، بس خلي لجنة المسابقات تحل عنا وبعض الاصنام اللي داخل الاتحاد والتي تقول هتاف الله وحدات القدس عربية هتاف عنصري

[Abu Al-Walled]

من يقرأ منشورك للوهلة الاولى يظن انه داخل منتدى يخص الفيصلي يا اخي مش هيك تكسير المجاديف ان شاء الله نكاية بهذا المنشور المستفز ربنا يكرمنا بالتاهل لدوري الابطال والظهور المشرف بالبطولة مش فقط الحصول على كاس الاتحاد

الله يسمع منك،، ورح اقبل راسك،،، يا عاشق الحسون،، ملاحظة صغيرة،، اشتمني كيفما تشاء بس لا تربطني باي شيء يخص الفيصلي،،، هذا النادي وجمهوره عار لاي شخص مرتبط فيه

[Abu Al-Walled]

الاسيوية بدها رجال

بدها نية صافية،، واتحاد عادل،، يا عمي ملنااااااش خبز

[Abu Al-Walled]

تفائلو بالخير تجدوه
بإذن الله تعالى رايحيين نوخذ كاس الشاي التجديد مع بعض اللاعبين الي عنا والتعاقد مع لاعبين على مستوي عالي والتعاقد مع مدرب كبير شو بضل لحتى نوخذ البطوله توفيق من الله عز وجل
والوحداتيه قدها بأذن الله.
تكلكوش

يعني مجرد التفكير بابطال اسيا مش موجود عند فكر بعض الاخوة لانه عارفين ملناش خبز!!!!

[Abu Al-Walled]

ممكن الاسيوية بشرط محترفين ذوي مستوى فني عالي ومدرب افضل من جمال محمود مع كامل الاحترام لجمال

الموضوع ملوش دخل بالمدرب،،، اخي الكريم،،، جمال محمود مدرب صاحب فكر عالي،،،