رأي و وجهة نظر .. وسامحوني لإني موو مسامحهم

[abu alseem]

حسبي الله ونعم الوكيل عاى كل ظالم ابن حرام

[La Rosaleda]

والله المقاطعة هي الحل الوحيد
مزبوط ولا لأ ؟؟؟؟؟

[عبدالرحمن الحوساني]

السبب لانه الوحدات ما اله ظهر
والي ما اله ظهر بينضرب على بطنه
هيك بيحكي المثل

والسبب انه في تضاربات داخل الادارة وكل حزب بيشتغل لمصلحته وللإنتخابات القادمة وما بيشتغل لمصلحة الوحدات

مزبوط كلامك جواهر

[براء صبرة]

أنا مع مقاطعة المباريات حتى إحقاق الحق

[Muayad Hassan]

الشغلة نامت وراحت على الناس اللي تبهدلت
وكل اللي قيل من قبل فقاعات هوا

[عباس قراقع]

صباح الخير إخواني ، صباح الخير لكل وحداتي ، صباح الخير لكل من ظلموا في الجمعة السوداء 10/12/2010 ، صباح الورد إخواني .

صراحة وعشان ما أطول عليكم والله إني متذايق ، وغاضب ومو عارف شو أحكي ، بس بقول أصبر يا ولد ، بلكي إنت فاهم غلط ، وبلكي مش عارف شو ، وبرجع وبقول إلتمس لأخيك سبعين عذراً ، وأنا لهسة ملتمس ، بس والله خوفي يكون اللي صاير كالتالي :

حلو ، قررت إدارتنا الكريمة إنو تلغي تعليق النشاطات وهاد إشي حلو ، وإيجابي لإني مو متخيل حياتي من غير مباراة للوحدات ، ومن غير تشجيع للوحدات ، ومن غير نفس للعيبة الوحدات ، والله إنو الوحدات مالي علينا دنيتنا ، بس سؤاااااااال ببطح نفسو في خضم هالموقف هاد

إنو إحنا إشترطنا عشان نرجع عن قرار التعليق يرجعلنا حقنا ، وإحنا مش طالبين دية لا سمح الله ، ولا طالبين محاكم ولا إشي ، بس أنصفووووووووونا ، إحكوا فلان صح وفلان غلط ، وأنا اللي شايفو إنو إنصاف ما أنصفنا ، ورح نرجع وإحنا مكسورين وزي الزفت حالتنا بين البشر ، ليييييييييييييييييش ؟؟؟

تبهدلنا وانضربنا وانقلت قيمتنا ، وإنمسحت فينا الأرض ، عشان نزعل يوم يومين وشهر وشهرين وبعدين ؟؟؟ " خلص ، حرام ، ليش إحنا مكبرين الموضوع هيك ؟؟ "

يا جماعة سامحوني لإني بحكي هيك ، بس مني علي " مــــــــــقــــــــــاطــــــــــع " للمدرجات ، وما رح أرجع ، لإنو ما رجعلنا إشي ، ولا أنصفنا حتى ، يمكن في ناس سامحت على اللي صار ، بس والله حراااااااااااااااااااااااااام إحنا جمهور الوحدات ، أكبر جمهور في البلد ، جمهور سيد الكرة الأردنية وماردها وزعيمها دون أي منازع ، إحنا رابع أكبر جمهور في العالم ، إحنا الجمهور المثالي ، وهاي مووو شهادتي ، هاي شهادة سمو الأمير علي ، حبيبنا وكبيرنا ، ليش يصير فينا هيك ؟؟؟؟؟؟؟؟؟؟؟؟؟؟

أنا والله بدعو إدارتنا إذا كان هالقرار نابع من جواتكم إشي كويس ، بس إذا كان مو راجعلنا حقنا أنا مو مسامح حدا ، وإذا كان القرار لما يطلع بتكون حقوقنا " الــــــــــبــــــــــســــــــــيـــــ ـــــطــــــــــة " رجعتلنا ، إلكم مني كل الإعتذار والأسف وببوس على راس وإيد كل مين إلو حق عندي .

سامحوني على الإطالة ، بس واللللللللللللللللللللللللله إنو قلبي بنحرق من اللي صار يومها ، واللي زاد قهري إنو قرار التعليق رح يطلع ولهسة ما سمعنا إشي عن بخصوص حقوووووووووقنا " الــــــــــمــــــــــهــــــــــدورة " .

والله من وراء القصد

أخي الحبيب بارك الله فيك على هذا الطرح الرائع و الذي يخرج من قلبك مجروح على جمهور الوحدات

بس يا أخي من يريد ان يشجع الوحدات يجب عليه ان يدفعع الثمن و احنا دائما ندفع الثمن
بس مش مشكله لانه هذا وحدات
بعين ربك يا أخي

[ليث الزير]

إن قرار عودة الوحدات للمشاركة هو قرار أكبر من الكابتن طارق و أكبر منا جميعا

وان ضغطاً ما يمارس وسيمارس على ادارة الوحدات ( أي كان رئيسها ) للعودة والمشاركة

فالأمر الذي أجبر اللاعبين للإنتظام مع المنتخب بعد استنكافهم عن اول تدريب قادر على إجبار الإدارة على العودة

........................................ ................... خليها ع الله


إذاً
سيعود الوحدات للمشاركة



ولكن يبقى الحضور الجماهيري هو الذي يجب ان نتناقش فيه



1-- إما ان لا يحضر الجمهور لكي نثبت ان لا كرة قدم في البلد بدون جمهور الوحدات
وفي هذه الحالة نفتح حساب بإسم الوحدات ندفع فيه ثمن تذكرة كل مباراة نقاطعها كما إقترح أحد الإخوة في موضوع اخر من المنتدى
2-- ندعو الجماهير للحضور بأعداد كبيرة جدا حتى يعرف الذي إعتدى على الجمهور ان هذا لن يزيدنا إلا حباً في الوحدات


........................................ .... خليها ع الله

[ماهر المحسيري]

يا اخوان اذا بتتذكرو قبل سنتين صار نفس الأشي معنا على اخف شوي في الزرقاء في مباراة البقعة قبل ما ينتهي الدوري باسبوع وعلقنا المشاركات ورجعنا عن القرار وما اجانا حقنا فكركم بيجي حقنا؟
<

قاطعو المدرجات

>

[waleed_wm]

الصبر مفتاح الفرج

[العباسي]

متى القتلة لجاي للجمهور ، خبرونا !!!!!!!
حسبي الله ونعم الوكيل

[اليائس]

من يهن يسهل الهوان عليه ... ليس لجرح بميت إيلام

اخي في ناس كأس حليبنا أهم عندهم من دم اطفالهم .... المهم عندهم يحرقوا راس الهذولاك ... المهم عندهم ما يعطوا حدا فرصة يزايد عليهم و لا الأقلام الصفراء تشكك بإنتماءهم ...

وجعوا روسنا بهاظ الحكي و كأنو كرامة جماهير الوحدات و الحصول على حقوقها بنفي ما ذكر سالفاً مع إنو بحققها .

اللي مش عارفو إني ليش مهتمين كثير بغيرنا و أهملنا حالنا و حقوقنا لحد ما صار حيطنا واطي و بدي واحد يقدر يثبت انو الوضع رح يتغير للجماهير بأي إشي رسمي أو حتى تصريح مش رسمي


بدي أشوف إذا زلمه قد حالو فيهم بقدر يحط عينو بعين دركي .... بلاش يا سيدي يحط عينو بعينو

يطلع بطرف عينو بس

( هذا رأيي و أنا حر في ... رجاءاً لا تحاول تشرح لأني ما رح أقتنع )

[La Rosaleda]

إن قرار عودة الوحدات للمشاركة هو قرار أكبر من الكابتن طارق و أكبر منا جميعا

وان ضغطاً ما يمارس وسيمارس على ادارة الوحدات ( أي كان رئيسها ) للعودة والمشاركة

فالأمر الذي أجبر اللاعبين للإنتظام مع المنتخب بعد استنكافهم عن اول تدريب قادر على إجبار الإدارة على العودة

........................................ ................... خليها ع الله


إذاً
سيعود الوحدات للمشاركة



ولكن يبقى الحضور الجماهيري هو الذي يجب ان نتناقش فيه



1-- إما ان لا يحضر الجمهور لكي نثبت ان لا كرة قدم في البلد بدون جمهور الوحدات
وفي هذه الحالة نفتح حساب بإسم الوحدات ندفع فيه ثمن تذكرة كل مباراة نقاطعها كما إقترح أحد الإخوة في موضوع اخر من المنتدى
2-- ندعو الجماهير للحضور بأعداد كبيرة جدا حتى يعرف الذي إعتدى على الجمهور ان هذا لن يزيدنا إلا حباً في الوحدات


........................................ .... خليها ع الله

فكر ةالحساب أكثر من رائعة يا ريت لو تتنفذ إخواني

[عاشق الوحدات ابن سعدات]

الشغلة نامت وراحت على الناس اللي تبهدلت
وكل اللي قيل من قبل فقاعات هوا

صح
بس والله في القلب غصه

[أبو صلاح القصراوي]

أستشف ما تشعر به أخي الكريم من مشاعر غضب و ألم من خلال كلماتك .. و بالتأكيد هو شعورنا جميعاً و بالأخص من تواجد على المدرجات في ذاك اليوم الأسود ...

أخي الحبيب ...

الوحدات ولد في رحم المعاناة .. و ترعرع بكفاح رجالاته الأوفياء حتى وصل للقمة .. و أن تكون في القمة عليك أن تتيقن أن أعدائك و الغيورين من إنجازتك .. و الحاقدين لن يتركوك بسلام ...

ليست المرّة الأولى التي تم الإعتداء فيها على هذا الجمهور العظيم .. و لن تكون الأخيرة على أغلب الظن ...

أخذنا على عاتقنا حمل هذه الراية .. و الزحف خلف وحدات الشموخ مهما كانت المعوقات .. و سنبقى ما دمنا بإذن الله الواحد القهار ...

[Fuad-GfX]

الصبر مفتاح الفرج