مجرد اقتراح لنشوف ردة الفعل والهجوم علينا

[عمر دواغرة]

لعام 2019 يوجد اعضاء هيئة عامة مدفوعة عضويتهم كيف وليش بامكانكم تتأكدوا زي ما انا اتأكدت
هاي لحالها دفعت المصاري لنهاية 2019 ولا الي خايفين على الكراسي دفعوهم هاد اسمو فساد اه فساد
بينما يطلب من بعض الاعضاء لازم تيجي بشخصك تدفع الرسوم وفي ناس انشطبت عضويتهم

مشان الله ما حد ينط يقلي حجة 25% عشان الانتخابات هاي احنا ك جمهور والله بنقدر نطالب بالغائها وبتنلغي بس في اعضاء حاطينها حجة لاجل ما حد يدخل بدالهم بدهم يضلو على الكرسي
برجع بحكيها كل وحداتي بخاف الله بقدر يفضي حالو يوم بالسنتين لاجل الانتخابات
وانا والله مع الغاء النسبة بس مش حجة مش حجة مش حجة 25%

من يومين شفت فيديو بث مباشر لرجال كبير بالعمر من عيلة الكوز اسمو طلعت الكوز بيان عشيرة الكوز ( اسم الصفحة على الفيس Hussin Alkouz ) وفعلا كلامو مزبوط بتمنى تشوفوا هالفيديو 7 دقايق
عزت حمزة وتجمعوا بدهمش العضوية وهمي كانو يطالبو بالعضوية ليش هسا بدهمش العضوية عشان حجة 25% هاي الرجال وضح بفيديو ليش عزت حمزة الخبير ما يطلع يحكي هو وجماعتو وين زياد وعوض وغصاب والباقي يطلعو يحكوا بفيديو

الاقتراح مني ليش ما يتم شطب جميع العضويات وفتح باب العضوية للجميع من جديد دقق هون دقق العضويات القديمة الهم الاولوية بالتسجيل مع رفع الرسوم السنوي ل 20 دينار على الجميع لاجل انهاء الازمة المالية الحالية وتوفير فائض بصندوق النادي ويحضر كل شخص بنفسو مش حد يدفع عنو

اذا المجلس الاعلى بقلك لازم يكون في ناس تشهد وتعرف عليك انك وحداتي عشان تكون عضو وهالكلام صحيح والله لانو في ناس والله النادي ما بعرفوا وين هو الا انو بس بالوحدات في ناس ع بلاطة مش وحداتية معهم عضويات اقلك حط مصحف ربنا لاجل يحلف الواحد

ازهقنا محسوبات ازهقنا فساد ودمار ومديونيات خلينا نشوف ناس والله بدها تخدم النادي بعيدا عن المصالح الشخصية

[Hesham]

الله المستعان

[hani qadri]

اكبر كذبه عايشينها في نادي الوحدات هي الانتخابات بهذا الشكل يجب ان تتغير طريقة الانتخابات وان يرتفع رسوم الانتساب الى عشرين دينار كما ذكرت اخي وانا شخصيا اقترحت هذا الاقتراح من قبل

[عمر دواغرة]

اكبر كذبه عايشينها في نادي الوحدات هي الانتخابات بهذا الشكل يجب ان تتغير طريقة الانتخابات وان يرتفع رسوم الانتساب الى عشرين دينار كما ذكرت اخي وانا شخصيا اقترحت هذا الاقتراح من قبل

اتخيل قال مدفوع لنهاية 2019 الله يخلصنا منهم من زياد وعوض وبسام وغصاب بالذات هالاربعة شرشو بالنادي وكل ما الو للاسوء

[وحداتي منذ الأزل]

انا مع الاقتراح النادي مش لأشخاص معينين النادي للجميع والي بقدر يخدم ويطور بالنادي يا مرخبا فيه و بتمنى نخلص من المحسوبيات للأبد

[اليازوري]

على فكرة جميع أعضاء الإدارة مسيرين مو مخيرين. .... يعني بنحكي بقربة مخزوقة

[ماجد جامع]

الله المستعان

[firas wehdate barca10]

النادي يبدو ادارته فتحاوية او شعبية
لك الله يا وحدات

[أمل إيلياء]

يا حبيبي العضويات الجديدة معظمها قوات محمولة
مش راح يفرقوا كثير عن شلباية وغصاب ويمكن اسوء

[مجدي فيصل]

شوف يا صديقي
جميع اعضاء الادارة القديمين والجديدين لهم قوات محمولة والعضوية اساس قواتهم

[jamalsadeq]

أنداري

[بسام الحمران]

إلى متى سيبقى هذا التسيب والاستهتار بالنادي عقول مشجعي النادي .
حرام الي بصير

[عمر دواغرة]

يا حبيبي العضويات الجديدة معظمها قوات محمولة
مش راح يفرقوا كثير عن شلباية وغصاب ويمكن اسوء

خلينا نشوف ناس جدد ازهقنا من زياد وعوض وبسام وغصاب والخوري وبشار ناس الها 20 سنة بالنادي وكل مالو للاسوء

وين الغلط نشوف ناس جدد مش ممكن يكونوا افضل بس انتا دايما اتفائل

[Ramzi Hashweh]

اتخيل قال مدفوع لنهاية 2019 الله يخلصنا منهم من زياد وعوض وبسام وغصاب بالذات هالاربعة شرشو بالنادي وكل ما الو للاسوء

مرحبا ... أنا وعند قبول طلب عضويتي وبقرار شخصي لدعم ناديي الذي أحبه, قررت دفع اشتراكي حتي 30 4 2019 و التاريخ مثبت علي كل من بطاقة العضوية وموقع من أمين السر وسند القبض وموقع من أمين الصندوق بالتالي أرجو التوضيح أين تكمن المشكلة؟

[عمر دواغرة]

مرحبا ... أنا وعند قبول طلب عضويتي وبقرار شخصي لدعم ناديي الذي أحبه, قررت دفع اشتراكي حتي 30 4 2019 و التاريخ مثبت علي كل من بطاقة العضوية وموقع من أمين السر وسند القبض وموقع من أمين الصندوق بالتالي أرجو التوضيح أين تكمن المشكلة؟

انتا حكيتها دافع شخصيا بحضورك اما غيرك والله ما هو وحداتي ولا بعرف وين بيجي النادي وصلتك الفكرة يا عم